25-12-2016, 01:03 PM
|
#7 |
مسافر متميز
تاريخ التسجيل : Nov 2016 رقم العضوية : 13068 الجنس : انثى المشاركات : 373
| 
 |
حيا الله أهل فلسطين  اهلا يا بلديات
بانتظار تقاريرك والدولة البعيدة المفاجأة ..
الدول اللي زرتها .. باستثناء الأردن مكان إقامتي والكويت مكان مولدي وأول سنين حياتي
سوريا، لبنان، السعودية للعمرة، الإمارات يمكن 25 مرة أو أكتر، مصر 7 مرات، تونس، جنوب إفريقيا، تركيا يمكن 6 مرات، ألمانيا، إيطاليا، الدنمارك، السويد، سويسرا، جورجيا، لاتفيا، ماليزيا، تايلاند، هونغ كونغ، سنغافورة، واذا بدي اتفلسف وازيدهم بحط الفاتيكان لاني زرتها وتعتبر دولة قائمة بذاتها. حاسة اني نسيت شي .. ما علينا ..
اما المواقف المضحكة فكثيرة، عالق بذهني منها موقف عند اهرامات مصر. كنت بشرب مية من زجاجة وجاءت طفلة تطلب مني ماء أو نقود لتشتري ماء ، مو متذكرة، المهم اني اعطيتها الزجاجة واخدتها وراحت تشرب. وانا من وراها بقول (بالعافية بالعااااااافية) طبعا انا بقصد صحة وعافية لكن هي اعطتني نظرات نارية  واللي معي مصريين انطرحوا ارضاً من الضحك وانا بشد على كلمة بالعافية..
طبعا لان كلمة بالعافية معناها (بالغصب أو بالقوة) وكأني بشتكي منها انها اخدت مني الماء غصب عني ..
موقف عصيب .. كتير جداً .. اسوأها دخولي المستشفى في بلد بعيد بارد متجهم "لاتفيا" ..
طبعا انا اللي صار معي مجرد نزيف أنف.. توجهت لأقرب مركز صحي (عيادات) لكن ما ساعدوني وفجأة لقيتهم طلبوا الاسعاف.. الاسعاف اخدتني مسافة حوالي نصف ساعة لمستشفى.. في قسم الطوارئ حاولوا معي وما توقف النزيف، وضعي صار أسوأ نفسياً وبالتالي صحياً لأن التوتر بيزيد النزيف .. قرروا دخولي المستشفى وطلبوا مني انتظر.
الموقف اللي فجرني وخلاني ابكي: ما معي حزمة بيانات لان النزيف بدأ بلحظة وصولي للفندق.. صالة الطوارئ فيها شبكة واي-فاي، لازم أخبّر زوجي باللي صار معي، وأخبّر زملاء العمل والسفر بمكاني (هم ما عرفوا اصلا اني بالمستشفى!!) .. ذهبت لموظفة الاستقبال اسألها عن اسم المستشفى فقط.. قالت لي no english.. يا بنتي .. هاي عرفتيها ومو عارفة شو يعني name؟؟ ترجيتها هي واللي حواليها يعطوني اسم المستشفى.. طيب اسمحوا لي اشوف "ترويسة" الأوراق اللي معكم !! أبداً.
لو قانون المنتدى بيسمح لوضعت لكم صورتي حينها.. أخذت سيلفي ما بعرف ليش لكن مبسوطة اني اخدته.. راسي كله ملفوف بالشاش بدءاً من أنفي المحشو بالقطن من جهتين، ملابسي وحجابي ووجهي كلهم بقع دم، عيوني كلها دموع محبوسة ونظرة ما تعودتها من نفسي.. بهالمنظر كله، والموظفات مش راضيين حتى يقولوا لي اسم المستشفى! انفجرت بالبكاء لحظتها
وحالياً عم ابكي لأنه أسوأ واضعف المواقف اللي مريت فيها 
المهم.. اخدوني لقسم الإدخال (التنويم) في المستشفى .. اتضح لي لاحقاً أنه قسم الأورام.. ما في بني ادم بيحكي انجليزي في هالمبنى.. ما في شبكة انترنت.. ما في إضاءة.. الساعة حوالي 9 بالليل وكان معي ممرض وصلني للباب.. لأن في مسافة وشارع وما يشبه الغابة بين المبنيين، واستلمتني ممرضة. ما خطر ببالي سوى تجارة الأعضاء وعصابات الخطف.. دخلت معها كأني داخلة على قبر، أشارت لي على سرير في غرفة فيها تلات اسرة، اشارت لي على ملابس للنوم، وبرطمت بلغتها .. عيون المريضات في الغرفة ما كان فيها أي ترحيب.. وتركتني على سرير ما حدا بالدنيا بيعرف مكاني، ولا حدا فاهم عليّ، ولا عارفة كيف اتواصل مع أي انسان ..!
هاد ملخص للبداية الشنيعة ليومين من أسوأ ايام حياتي .. جبت لك كآبة؟ | |
ماشاءالله
الله يهنيك في كل مكان رح تزوريه زياده
الف لا باس عليك والحمدلله على سلامتك
حاسه نفسي بقرا قصه رعب
اذا في اسوء من اللي قلتيله
فالله يستر
كملي شوقتيني |
|  |
679الاعجاب
العرض الشجري
المواضيع المتشابهه 
