اعتقد أن الواحد يتهيأ له أشياء و يتخيلها حقيقة
سواء كانت أحلام في المنام أو اليقظة
و بعض الاحيان تشوف موقف تقول الصورة هذي مرت علي من قبل
وتكمل المشهد راح يصير كذا وكذا وهو قدامك
هذي الحالات أعتقد مالها تفسير و تصير مع كثير

أنا أقول أبو حميد يتوكل على الله و يفتح عيادة
و راح يعين خير و ما حيقدر يلحق على الزباين
دينا و رامز مضمونين لحق عليهم و ليمو بالطريق خخخخخخ

ذكرتوني بطبيب الغفلة في حي السلامة بجدة
جاني الم في الرقبة و راجعت دكاتره مشهورين ومنهم المصري الشهير نيرمين عزام
شافني صاحبي اعاني من الالم وأخذني لهذا الدكتور بـ 50 ريال
دخل غلي اندونيسي كأنه من مصارعين السومو وقعد يلمس الرقبة واليد ويتكلم
اندونيسي واللي معاه يترجم . يقول عندك مشكلة في المخيخ ...
طيب والحل ؟ قال نسوي لك مساج يومي بالزيت لمدة اسبوع و ترجع فل
قلت له ترى رحت اندونيسيا وادري ان هذا ريفلكسولوجي وترى صوالين الحلاقه
هناك تعمله لأي زبون .
و بعد اسبوع مسكوهم وطلع صاحبنا المترجم فني مكيفات والاندونيسي سواق
رحت لدكتور عادي بمديكال الخطوط لأني اقتنعت بكلامهم لابد من عملية
قال لي : بص أنا ممكن اعطيك تحويل لكن أنصحك لاتعملها و راح اعطيك شهر اجازة
مرضية بس تبعد عن الكمبيوتر واذا ما تحسنت تعال اعطيك تحويل للعملية .
رحت بالشهر هذا الى مسقط و صلالة وكان وقتها خريف أجمل الاجواء
بعد أسبوع بالضبط حسيت بتحسن كبير ومن وقتها الى يومنا هذا ما رجع الالم
و الحمد لله .

ومن هنا أشوف المستقبل الطبي قدام أبو حميد لا حدود له