وم الوصول 30 يناير

الوصول الساعه 9 مساءا تقريبا راح تخلصون على الساعه 10 من المطار وتستقرون بالفندق على الساعه 10 ونص وهذا اليوم ضايع ممكن تشترون عشاء لان الفندق في منطقه ممتازه وحيويه كل شي حولك


يوم 31 يناير

كايت بيتش ثم الى دبي مول وقضاء باقي اليوم فيه (يوجد فيه الاكواريوم والنافوره وسوق البحار قريب منه )وبوليفارد الشيخ محمد وهو شارع يحيط بدبي مول من الخارج فيه مطاعم ومقاهي رائعه


يوم 1 فبراير


حديقه الزهور ثم حديقه الفراشات وبعدها التوجه الى القريه العاليمه وتفتح الساعه 4 العصر


يوم 2 فبراير

فيستفال سيتي التمشيه فيه وفي ممرات بحريه فيها قوارب ممكن ركوب احد هذه القوارب ثم بعد ذالك التوجه الى السيتي ووك ( يوجد فيه ذا جرين بلانت + ومطاعم ومقاهي ومحلات و بزارات )

يوم 3 فبراير

في النهار التوجه الى سوق مدينه الجميره وبعد كذا مرسى دبي و الجي بي ار و مارينا مول قراب من بعض


يوم 4 فبراير

ليوم راح يكون مخصص لزياره المنطقه الشغبيه في دبي مثل منطقه البستكه يوجد فيها متحف القهوه ومطاعم شعبيه ومتحف دبي ومتحف الغوص ويوجد عروض للدلافين في حديقه الخور خذو لكم عرض الساعه 6 المغرب وبعد كذا العشاء في قرية البوم قريبه من حديقه الخور او تحجز رحلة عشاء بالقارب تنطلق من خور دبي


يوم 5 فبراير

الامارات مول وفي المساء زيارة دبي جاردن جلو في حديقه زعبيل وبعدها العشاء في احد المطاعم في شارع الملك سلمان ( الصفوح سابقا )

يوم 6 فبراير

الشيك اوت التوجه الى ابو ظبي في الطريق ممكن توقف في ( منطقه الترك فود اسمها the last exit ) واذا حابين تمرون الاوت ليت راح يكون على الطريق وبعدها الى ابوظبي توجهو للفندق والراحه وبعد الراحه تطلعون توجه
عندك خيارين اختارري واحد
1- الى ابوظبي مول قريب منكم او تت عشون بمطعم زهرة اللبنان قريب منكم
2- التوجه الى مارينا مول

يوم 7 فبراير

بعد الفطور ثم التوجه الى جزيرة ياس وفيها عالم فيراري ومرسى اليخوت ( يوجد به مطاعم ورحلات بحريه ) وياس مول و لما تخلصون من جزيرة ياس التوجه الى مسجد الشيخ زايد رحمه الله يوجد مطعم الفنر قريب من المسجد اكل اماراتي لذيذ هذا موقعه https://www.google.com.sa/maps/place...92!4d54.486917




يوم 8فبراير
تسجيل خروج من الفندق والتوجه الى حديقه حيوان الامارات بالطريق الى دبي وبعدها التوجه الى دبي وتسجيل دخول الى الفندق والراحه التوجه الى الوافي مول



يوم 9 فبراير

السوق الصيني ثم الى سوق نايف ( تجد مطاعم كثيره في منطقه منها الصدف ومطعم صمد العراقي ) العوده باكر للسكن

يوم 10 فبراير

العوده رحلتكم الساعه 7 الصباح يعني لازم تكونون في المطار قبل الرحله 3 ساعات تقريبا يعني الساعه 4 الفجر تسجلون الخروج والفندق قريب من المطار 10 دقايق انتو بالمطار او اقل شي 4ونص انتو طالعين من الفندق



ان اصبت فمن الله وان اخطات فمن نفسي والله الموفق

رحله موفقه باذن الله