رحلتي الشتوية الى سويسرا - الصفحة 5

الايمان · 20-02-2017, 09:52 AM

اقتباس : المشاركة الأصلية كتبت بواسطة أبو مهاب

وتقرير سويسري بلون الثلج من أمون

احب واستمتع كثيرا بالأجواء الشتوية خصوصا لوحدي او شباب لأنها غير مناسبة للأطفال

زيارتنا العائلية للثلج (القمم خصوصا) تكون بداية الربيع او بداية الخريف

زرمات

لا اعرفها الا بالصور والتقارير ومن شوكلاتة توبليرون

لأن الوصول اليها كان متعب بعض الشيء (قبل وجود النفق والقطار اللي يشيل السيارات)

بس الحين أفضل ومن تشجيعك وتشجيع المقدام ان شاء الله في الخطة

يا ريت تفاصيل عن الأسعار في زرمات (السكن والسيارة والمطاعم)

ولي ملاحظة لا تنزلين تقارير في الويك اند عشان اقدر اشوفها اول شي

هلاوالله ابو مهاب نورت التقرير
فعلا الوصول الى زيرمات الحين اسهل بعد ماحطوا السيارات والباصات الكهربائية
هذه اول رحلة شتوية لي وبوقت الثلج
دائما ازور اوروبا بالصيف او الخريف لكن هالسنة حبينا نغير
ان شاءالله راح احط سعر الفندق والمطاعم السيارة اجرناها بجنيف في زيرمات اعتمدنا على القطار

أبو مهاب, ملاك, آخـــرفـــرصـــة و 3 آخرون معجبون بهذا.

الايمان · 20-02-2017, 10:37 AM

صباح / مساء القمم الثلجية

اليوم رحلتنا الى قمة ماترهورن

MATTERHOR

ماتارهورن أحد أشهر قمم جبال بسلسلة جبال الألب الأوروبية. يمتدّ على حدود سويسرا وإيطاليا ويعلو قرية زرمات Zermatt السويسرية وقرية بروي سرفينيا Breuil-Cervinia الإيطالية

يبلغ ارتفاع تلك القمة 4478 متر (14690 قدما) ، مما يجعلها واحدة من أعلى القمم في جبال الألب .

للجبل أربعة أوجه تواجه نقاط البوصلة الأربع، ويجتمع الوجهان الشمالي والجنوبي ليشكّلا قمّة قصيرة تمتدّ من الشرق إلى الغرب كأنها هرم بالنسبة للجبال المحيطة بها.

اشيك على الجو الصبح

الريوق

بعد الريوق رحنا مشي للسوق نشتري البدل المخصصة للثلج

تفاجأنا بالاسعار وايد غالية تقريبا البدلة الحريمي(900 دينار كويتي) والرجالي (1100دينار)
نصحتنا اللي تبيع بالمحل بتأجير البدل وفعلا اجرنا البدلة
ب(25يورو) لغاية الساعة 7 مساء
هذا محل تأجير الملابس وعدة الثلج

اجرنا الملابس لكن النظارات شريناها

بعدها رحنا للمحطة نحجز التذاكر

التذاكر

خريطة القمم الثلجية والمنحدرات

داخل المحطة ننطر القطار

القطار

داخل القطار في مكان مخصص لعدة التزلج

لما حجزنا اخترنا أعلى قمة

أحلى واجمل قمة ثلجية

عشقي السفر, |القحطاني|, ملاك و 15 آخرون معجبون بهذا.

الايمان · 20-02-2017, 11:08 AM

شرينا ايس كريم وقهوة متعه اكل الايس كريم بالثلج والدرجة تحت الصفر

بعد الايس كريم رحنا نركب التلفريك

منظر الثلج والمنحدرات من التلفريك روعه

بحيرة متجمدة

بعد التلفريك والتزلج البسيط اللي على قدنا

رحنا للمطعم نتغدا

بعد الغداء قررنا ان نرجع على اخر قطار
بصراحة الاجواء روعه ماتتطوف
وكملنا تزلجنا

صار موعد اخر قطار للعودة الى زيرمات وهذه محطة القطار والكل قاعد ينطر

وصل القطار

رحنا نرجع الملابس وعدة التزلج

كان هذا اليوم من اجمل الايام وتجربة حلوه بالنسبة لي
لكن الحلو مايكمل حاشتنا سخونه والم شديد وصداع من شدة البروده والتجمد فوق القمة ولما سالنا الموظفة بالفندق نبي دكتور او عيادة قالت لنا في دكتورة بالصيدلية

رحنا للدكتورة على طول

هذا مصير اللي يلعب بالثلج واحنا مو متعودين عليه

انتهى اليوم وان شاءالله القاكم بجزء جديد

عشقي السفر, |القحطاني|, أبو مهاب و 16 آخرون معجبون بهذا.

الايمان · 20-02-2017, 12:44 PM

صباح / مساء المرض والسخونه
بسبب المرض قررنا هذا اليوم نقعد بالفندق لان اجسامنا تعبانه والجو بارد جدا
المنظر من بلكونتي

نزلنا اللوبي فاضي الكل راح يتزلج

من الملل شيكت على الارتفاع

الريوق

درجة الحرارة قاعدة تقل

فندقنا من الخارج

ملينا من القعدة بالفندق وقررنا نطلع نغير جو ونتمشي ونتسوق
كنت ابي اشتري ساعات هدايا وكاكاو

السنتر

هذا الكاكاو صناعة سويسرية ومشهور جدا

الاسعار بزيرمات وايد ارخص من جنيف

وهذا المحل بعد متخصص بجميع أنواع الكاكاو شرينا منه هدايا للكويت

بعد ماشرينا الكاكاو طلعنا نتمشى لقينا الماي والنهر متجمدين من البرد

|القحطاني|, عشقي السفر, ملاك و 13 آخرون معجبون بهذا.

|القحطاني| · 20-02-2017, 07:01 PM

يوم جميل رغم المرض

والله متعة اكل المأكولات والمشروبات الباردة في البرد هههههه > مجرب [emoji39]

الله أكبر عليه والاسعار في الملابس .. أتوقع مستقصدة علشان يجبرونهم على اخذ الايجار .. لانه بيأجرون البدلة 200 مرة ويطلعون قيمته اضعاف متضاعفة [emoji51]

ما تشوفون بأس هذي الضريبة (المرض) شر لا بد منه .. وكويس مرض انفلونزا ولا ربو من العج والطين عندنا في الخليج.

الله يعطيك العافية

أرسلت من SM-N920C بإستخدام تاباتلك

الايمان, ملاك, Eng1Basem و 7 آخرون معجبون بهذا.

الايمان · 21-02-2017, 10:24 AM

اقتباس : المشاركة الأصلية كتبت بواسطة |القحطاني|

يوم جميل رغم المرض

والله متعة اكل المأكولات والمشروبات الباردة في البرد هههههه > مجرب [emoji39]

الله أكبر عليه والاسعار في الملابس .. أتوقع مستقصدة علشان يجبرونهم على اخذ الايجار .. لانه بيأجرون البدلة 200 مرة ويطلعون قيمته اضعاف متضاعفة [emoji51]

ما تشوفون بأس هذي الضريبة (المرض) شر لا بد منه .. وكويس مرض انفلونزا ولا ربو من العج والطين عندنا في الخليج.

الله يعطيك العافية

أرسلت من SM-N920C بإستخدام تاباتلك

الشر مايجيك يالقحطاني
فعلا الاكل بالبرد له متعه وناكل اكثر تنفتح شهيتنا
مومتعودين على الثلج مرضنا من البرد

ههههه ارحم من غبار الخليج
ان شاءالله انا متوقعه بعد كم سنة نصير مثلهم دولنا كلها ثلوج
اكيد التاجير يربحهم اكثر لان عدد المتزلجين وايد

|القحطاني|, ملاك, آخـــرفـــرصـــة و 5 آخرون معجبون بهذا.

أبو مهاب · 21-02-2017, 09:43 AM

ما شاء الله يا أمون

أيام جميلة وأجواء أجمل

خطاكم الشر ان شاء الله وحمدلله على سلامتكم

هذي ضريبة الثلج

كم محطة تلفريك في زرمات عشان توصل آخر مرحلة

من الصور لاحظت نوعين : عربة مغلقة و كراسي مفتوحة

بالنسبة للملابس تتأجر كاملة او بالقطعة؟

الايمان, ملاك, آخـــرفـــرصـــة و 5 آخرون معجبون بهذا.

الايمان · 21-02-2017, 10:35 AM

اقتباس : المشاركة الأصلية كتبت بواسطة أبو مهاب

ما شاء الله يا أمون

أيام جميلة وأجواء أجمل

خطاكم الشر ان شاء الله وحمدلله على سلامتكم

هذي ضريبة الثلج

كم محطة تلفريك في زرمات عشان توصل آخر مرحلة

من الصور لاحظت نوعين : عربة مغلقة و كراسي مفتوحة

بالنسبة للملابس تتأجر كاملة او بالقطعة؟

هلاوالله ابو مهاب
حبيت اوضح لك ان في زيرمات محطتين للصعود الى القمم
اختار المحطة المقابلة لمحطة القطار واطلب منهم اعلى قمة وراح يكون سعرها اغلى

القطار بالصعود راح يوقف 3 او 4 محطات لاتنزل الا باخر وحده وبالرجعه انزل المحطات اللي بطريق العوده احنا نزلنا شفناهم وصورنا فيهم

بالنسبة للتلفريك في نوعين واحد كابينه مدورة وواحد كابينه طويله
الطويله للمتزلجين فقط

بالنسبة للبس ضروري جدا لابد انك تلبس خصوصا اذا كنت ناوي تقضي اليوم كله هناك

شيكت على بدلهم لقيتها عدة طبقات من الداخل وتمنع دخول البرد ورطوبة الثلج انصحك انك تاجرهم وتقدر تأجر الجاكيت بروح والبنطلون بروح
الجاكيت 17يورو
البنطلون 18يورو
واذا البدلة كامله 25 يورو
على فكرة يا بومهاب لما رحت زيرمات بالصيف مااحتجت هذه البدلة لكن بالشتاء على القمة الدرجة كانت 26 تحت الصفر
للاسف ماكان في نت عشان اطلع درجة الحرارة

أبو مهاب, ملاك, آخـــرفـــرصـــة و 6 آخرون معجبون بهذا.

آخـــرفـــرصـــة · 24-02-2017, 01:37 AM

ماقدامكم الا العافية
26 تحت الصفر لابد الواحد يحتاط بشرب سوائل حارة
ولبس اضافي تحت لبسهم
وانتوا الله يهديكم ايسكريم اتوقع هذا اللي تعبكم
بس التزلج أكيد متعة مع الاجواء الباردة
زيرمات متعة أكثر في الشتاء

ايجار البذلة معقول 25 يورو اما سعرها مبالغ فيه

|القحطاني|, نانا ابو عابد, محمدويوسف و 5 آخرون معجبون بهذا.

الايمان · 01-03-2017, 11:08 AM

اقتباس : المشاركة الأصلية كتبت بواسطة آخـــرفـــرصـــة

ماقدامكم الا العافية
26 تحت الصفر لابد الواحد يحتاط بشرب سوائل حارة
ولبس اضافي تحت لبسهم
وانتوا الله يهديكم ايسكريم اتوقع هذا اللي تعبكم
بس التزلج أكيد متعة مع الاجواء الباردة
زيرمات متعة أكثر في الشتاء

ايجار البذلة معقول 25 يورو اما سعرها مبالغ فيه

هذا التهور يا بوغسان 26 تحت الصفر وايس كريم وقعدنا من الصبح الى المغرب

احنا لابسين ملابسنا العادية تحت البدلة المؤجرة ومع هذا حسينا بالبرد خصوصا لما غابت الشمس
تجربة الثلج والتزلج روعه وان شاءالله نعيدها

نانا ابو عابد, توبليرون, فارس من خيال و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العلاجية الشتوية ومقتطفات سياحية	ماجد القطري	بوابة المانيا	31	14-07-2016 01:13 AM
النصائح الذهبيبة في رحلتي الشتوية	ياويلي	تركيا	12	08-03-2016 01:23 PM