احاول افيدك

سيلانجور
اليوم الاول : حتناموا فيه من تعب السفر
اليوم الثاني : صنواي لاجوون الالعاب المائيه من الساعه 10 الى 6 المغرب .. والاي ستي تروحوها بعد صنواي لاجون ( المدينه المضيئه فيها عالم الثلج ومتحف الشمع و , , , وو و

اسم الفندق : صنواي لاجون او بيراميد او صنواي كليو


بينانغ
الثالث : تتوجهوا في الساعه 9 ص الى بينانج عبر باصات ايرولاين الفخمه والمريحة ، تستلموا الفندق وتقضوا يومكم في الفندق مسابح والشاطيء وانشطته ..
الرابع : تتوجهوا للحدايق الفواكه والفراشات والشلالات ومتحف اللعب والهضبه في العصر عشان الشمس تكون بارده شوي عليكم ..
الخامس : القيرني بلازا اقرب لكم من الكوينسيبي وجدا جميل وفيله كل شيء الغالي والرخيص نوعا ما .
ولاتنسوا تمروا الكوفي تري ( coffee tree )
( القهوه البيضاء الماليزيه جنب القيرني بلازا لاتفوتوها عليكم .. ماهي موجوده في مكان غير بينانغ )
السادس : ملاهي ايكو سكيب للانشطه الحركيه حديقه كبيره مفتوحه وليست مغلقه للتسلق والعاب المغامره اذا حبيتوا .. بجانب حديقة الفراشات .. على حسب الجو اذا مغيم وحلو روحوا الصباح واذا شمس روحوا العصر وتلاقي مواعيد فتح واغلاق الحدايق في قوقل ..

الفنادق في بينانغ : قولدن شانقريلا وانت مغمض عشان اطفالك ينسبطوا فيه ولا تنسى تدخلهم الادفانشر زوون ملاهي زي بيت القرود اللي نعرفها بس مررا كبيره وروعه داخل الفندق ..

نصيحه لا تفوت على نفسكم ( كافيه هارد روك ) على نفس شارع فندقكم القولدن بس قدام شويه
روووووووووعه اكل امريكي يجننن ،، اذا طفشتوا من ماك ههههههه فهوا خيار مثالي جدا

السوق الليلي مو قد كذا لا تتعبوا نفسكم في التجول فيه البضاعه تقليد وفي الشارع ..


السابع : التوجه الى كوالا بباصات ايرولاين طبعا الخط 5 ساعات والباصات فخمه وفيها حمام وفيها توزيع وجبه طعام وتوقف في نص الخط في محطه للاستراحه .. وتستطيع الحجز لها اون لاين ...
استلام الشقه الفندقية . والتوجه الى المول لقضاء يومكم فيه ..

الثامن : في الصباح التوجه الى حديقة الحيوانات زوو نيقارا لا تفوتوها على نفسكم شيء وااااو الحيوانات قدامكم بدون اقفاص فقط بينكم وبين المفترسه مجرى مائي . والافضل اختاروا اليوم اللي يكون الجو شبه مغيم وروحوا لها .. وفي الفتره المسائيه : روحوا الاكواريوم ..

التاسع : التوجه الى المناره للصعود لقمتها والافضل وقت غروب الشمس المنظر أخاذ يكون .. ويوجد الكثير من الانشطه في المناره ولا انصحكم بالدخول فيها .. فيها اكواريوم سمك صغير وحديقه حيوانات صغيره ..
فقط يوجد البيت المقلوب جميل .. يعني اطلعوا المناره وادخلوا المكعب الزجاجي المعلق في المناره والبيت المقلوب ..



وبعدين اتوجهوا الى زياره حديقة الطيور ولاتنسوا تتفرجوا على عروض الطيور في الحديقه جدا ممتع ...

العاشر : المولات

الفنددق في كوالا : e&o



ان شاء الله افدتكم ولاتنسوا زياره تقريري للاستزاده والتفصيل اكثر في المعلومات



رحله موفقه يارب

آخر مواضيع ام جسومي

- إكسسوارات السفر / .. - ..:: تقرير برائحة القهوة البيضاء الماليزية ::.. - مسافرة وشايله مطبخي معايا !!!

توقيع : ام جسومي

..:: على قدر عطائك يفتقدكـ الآخرون ... فروعة الإنســآن ليس بما يملك بل بما يمنح ::.. ( فالشمس كتلة من نار ، لكنها أعطت الكون " أجمـــل " مالديها ، فلا غنى عنها )