بسم الله الرحمن الرحيم

الأحد

الساعه ( 11 ) الصباح

المكان / البلكونه

لا يزال الجو غير مستقر !! شمس حاره !! غيمه تطل على استحياء !! رطوبه !! نسمة هواء مسرعة !!





حضر السواق وطلبنا رؤية الشاطئ اللي جنبنا .. وليه الاستراليين ساكنين بها المنطقه بكثره

فقال السائق أن هذى الشاطئ من أفضل شواطئ بالي لركوب الأمواج

ذهبنا له .. والله الشمس تسلخ سلخ .. وحر ورطووووبه



هو احنا ناقصين شمس وحرررر !!! نادينا سواقنا على عجل وقلنا له مشينا بأقصى سرعه

انطلقنا في يومنا الرابع والأخير في بالي نحو قرية ( ابود )

هدفنا / مزرعةالقهوه - مدرجات الأرز في ( تلاقالانق )

صور من الطريق

















نجم / انت وين ساكن يا منير ؟ ( سواقنا )

منير / أنا ساكن بعيد عنكم .. ساعه تقريباً !!

أبو علي / أنت ساكن ملك ولا ايجار ؟

منير / ملك ولله الحمد .. بيتي تقليدي من غرفتين اللي زي الكوخ .. بيت غالي !!

نجم / بكم اشتريته ؟

منير / 800 مليون !!

نجم / يمكن قصدك 80 مليون

منير / 80 مليون !! على يدك .. فين البيت هذا ؟؟ أنا اشتري ثلاثه زيه

أبو علي / يا منير !! البيت مررررره غالي على حجمه !! انت عارف سعره بالسعودي يعني كم ؟؟؟

نجم / سعره بالسعودي حوالي 280 ألف ريال !!!

أبو علي / وكيف امنت سعره ؟ وانت مكسبك من السياره يا دوب 50 ريال في اليوم !!

منير / أنا اشتغل غواص في البحر .. وزوجتي مترجمه لجامعة بالي للوفود الأجنبيه وتاخذ حوالي ثلاثة الاف ريال سعودي .. ودفعنا دفعه للبنك والباقي تقسيط

نجم / واحنا اللي زعلانين على العقار المرتفع في السعوديه !!

وصلنا قرية ( ابود ) .. كانت قرية منظمه .. ومحلات جيده .. والمطاعم والفنادق والمنتجعات متوفره بعكس الأماكن السابقه التي زرناها

كما أنها مليئه بالسياح .. والبوليس منتشر

وصلنا مزرعة القهوه ( بالي تنتج واحد من أفخر وأغلى أنواع القهوه في العالم .. ولكن !! قهوه مختلطه بفضلات حيوان !! )

كيف ؟؟ فضلات !! ويصبح افخر أنواع القهوه في العالم ؟؟

وفضلات أي حيوان ؟؟

القصه كالتالي // الحيوان يشبه ( القط ) اسمه ( لواك ) منتشر في أندونيسيا





بقوم ببلع ثمرة القهوه الشبيهه بحبات التوت الحمراء .. وبواسطة إنزيمات فريدة من نوعها في معدته

تتخمر تلك الحبوب وتتفكك بروتيناتها .. مما يعطي حبوب القهوه أثناء مرورها في معدته معدل كافيين عالي

وطعم ونكهه قويه ونفاذه لا يمكن الحصول عليهم بالطرق التقليديه

ثم تنشف الحبوب .. وتنظف .. وتعقم .. وتحمص .. وتغلف .. ثم تصدر لدول العالم

وتباع في أغلى المتاجر مثل ( هارودز ) في لندن وغيره

قهوة ( اللواك ) متنوعه وكثيره وتختلف جودتها من صنف لآخر











دخلنا المزرعه .. وجدنا أقفاص من حديد .. وكان بها الحيوان .. ينظر إلينا بتعاسه غريبه !!



ثم رافقنا مشرف لشرح مراحل صناعة القهوه .. ثم جلسونا غلى طاولة العرض

وعليها منتجات المزرعه من قهوه وشاهي في أكواب صغيره لتذوقها



طبعاً ولا واحد فينا ذاق قهوة ( اللواك )

والشاهي كان أنواعه بالليمون .. بالزنجبيل . بالجنسنج

وجلسة الذواقه كانت أمام هذا المطل الجميل .. عشان تمخمخ وتشتري





في النهايه عند باب الخروج متجر صغير لبيع منتجات المزرعه

يتبع ..