السلام عليكم ورحمة الله

عدنا لكم من جديد بمجموعة استفسارات لدبي
اول شي احب اشكر اختي عشقي السفر
صراحة استفدت من ردودك واجوبتك ع الاعضاء بشكل كبييير الله يسعدك
ولايهونون بقية الاخوة

مسافرة بإذن الله الى دبي وهذي الزيارة الخامسة وابي ارزو اماكن جديدة

الذهاب يوم الثلاثاء 28 مارس الاقلاع 2 ونص الظهر
العودة 3 ابريل الاقلاع 12 الظهر
على فلاي دبي (شخصين)
السكن في فندق بريمير إن بطوطة مول (رايكم بالفندق) ؟


*بالنسبه لحجز التذاكر حجزنا من الموقع هل يحتاج اطبع التذاكر ؟
* السوق الصيني الجديد وش رايكم فيه وش فرقه عن الاول ؟وقريب للقديم ؟
* وش رايكم بحديقة الفراشات تستاهل الزيارة ؟ وبكم الدخول ؟
* ايضا رايكم بحديقة دبي المتوهجه تستاهل الزيارة ؟
* هل افتتح بدبي حديقة سفاري مثل التجول بين الحيوانات واطعامها ؟
* سمعت عن القناة المائية عند حديقة الصفا . . عبارة عن ايش ؟
* كيف بيكون الجو بوقتنا ؟ حار او معتدل ؟
* سمعت عن fish beach taverna ، كيف اروح له وهل هو جديد؟ ايضا كايث بيتش حابه ازوره بس مدري احطه بأي يوم ؟
* احترت بين موشنجت دبي و IMG حسيت موشنجت احلى والعابها متوسطة الخطورة

* هل النت متوفر بالاماكن العامة خصوصا الاماكن اللي بزورها وراح اكتبها لكم
واذا لا احتمال ناخذ شريحة بيانات ونركبه على المودم اللي معنا (اذا تعرفون بكم الشريحة؟

هذا الجدول للسفره :
يوم الوصول فيستفال مول (اذا فيه مكان لحقائب السفر) بما انه قريب للمطار واذا مافيه بنزل اغراضنا بالفندق ونروح له بالمترو
الاربعاء : الافطار في سيتي ووك - دبي مول - عشاء في بوكس بارك
الخميس : حديقة الفرشات - القرية العالمية
الجمعة : بوكس بارك (حابين نشوفه بالنهار) + غداء في مطعم زاروب + السوق الصيني
السبت : شاطئ بس ماادري الى الان أي واحد + جي بي آر + المارينا
الاحد : موشنجت دبي << هل افتتحت كاملة ؟ وبكم الدخول ؟ وهل تذكرة الدخول تشمل جميع الالعاب ؟ + بن بطوطة اذا الوقت بدري
الاثنين : العودة

ابي رايكم ونصائحكم واذا فيه اماكن جديدة اكتبوها لي

وابي رايكم بالنسبه للتنقل ماادري وش الاماكن اللي اروح له بالمترو والاماكن اللي بالتكسي احتاج مساعدتكم !! عشان نجهز الميزانية
وانا معي بطاقة فضية , هل يطلع اخوي بطاقة حمراء او فضية ؟
وهل نستخدم تاكسي او كريم ايهم اوفر ؟


وعذرا على ازعاجكم وانتظر مساعدتكم *.*]