العفو اختي احنا بالخدمه

بالنسبه للرحله البحريه مع عشا اذا شريتيها من كوبون لابد من الحجز المسبق قبل 24 ساعه على الاقل لان من الشروط كوبون لكن انا انصحك تتواصلين قبل ماتشترين الكوبون لان دايما الرحله فل عن تجربه اما اذا كنتي بتروحين لهم من غير الكوبون وتشوفين اذا في مكان وانتي وحظك ماعندي خبر اذا ممكن لكن ترى السعر يختلف عندهم رحله العشا بتصير ب 250 ريال للشخص لان السعر خاص لكوبون اما الرحله النهاريه فتنطلق كل ساعه فممكن تلقين مكان او تنتظرين الرحله اللي بعدهاةلكن ايضا السعر لما تاخذينه من عندهم بيكون 80 درهم



وبالنسبه للبوليفارد فيه مطاعم مقاهي كثيييره وكل شخص ذوقه لكن في البعض منها يكون مبالغ بالاسعار ونعم تروحين تروحين له مشي من دبي مول اساسا البوليفرد عباره عن شارع يحيط دبي مول مكون قوس كبير

نعم تكسي من الباركس بوكس الى السوق الصيني

بالنسبه للبطاقه الحمرا تقدرين تشحنينها ل10 رحلات بالمترو واحس هي المناسبه دام انكم بتستخدمون التكسي
انا احس ان الاسعار متقاربه بين التكسي واوبرا وكريم معفرق في السعر بعض الاوقات لكن التكسي يعتبر اقل


اكيد استخدام السياره اوفر بكثير والمواقف اقل رسوم 3 دراهم للساعه واكثرها 7 دراهم وهي بالمولات اما القريه العالميه والسوق الصيني مجانيه
وبالنسبه للتامين كلامه صحيح هو الشي الوحيد اللي يخليك تفكر لكن اسال عن الشركات المحربه


أرسلت من SM-G935F بإستخدام تاباتلك

يعطيك العافيه اختي
وهذ الجدول الاخير مع ترتيبات التنقل .. رايك فيه !

الثلاثاء الوصول - ابن بطوطة مول

الاربعاء :
الذهاب بالمترو الى محطة (دبي مول) ثم تكسي الى سيتي ووك ثم تكسي الى دبي مول ثم تكسي الى قناة دبي المائية والعشاء في أحد المطاعم هناك
ثم العودة للفندق بالتكسي أو مترو ؟

الخميس :
حديقة الفراشات + القرية العالمية

الجمعة :
الذهاب بالمترو الى محطة (الخليج التجاري) ثم تكسي الى بوكس بارك - ثم تكسي الى السوق الصيني

السبت :
الذهاب بالمترو الى محطة (بنك نور) ثم تكسي الى كايت بيتش - ثم تكسي الى المارينا والجي بي ار
العودة: من محطة( ابرج بحيرات جميرا ) الى الفندق

الاحد :
ذا لاست اكزت + موشنجت << او ممكن العكس موشنجت, وبالليل ذا لاست اكزت .. لان موشنجت تسكر الساعه 8
وهل التكاسي متوفرة بمنطقة الفود ترك ؟