الهوى هالمره اندونيسي // تقرير بسيط لزياره عائليه من 23مارس -6 ابريل2017 - الصفحة 7

ابو راكان ~ · 16-05-2017, 11:30 PM

اقتباس : المشاركة الأصلية كتبت بواسطة الركيب

يعطيك العافية يبو راكان عالجزء الجديد والجميل
التجديف تجربة جميلة عشتها في بالي
فندق بيسونا علم الكثير يمدحه
بس على ايامنا كان سيروني 2 توه الجديد ههههه
انا استغرب للحين فيه ناس تشتري من بقالة السعودية
رغم تحذرات والتنبيهات منها الا ان الناس مركزين عليها
وفيه خيارات كثير كثيرة ومن اهمها الفا ماركت
اذكر شطة رنا اللي كانت عندنا بريال كان يبيعها بـ 6 ريال تقريبا

الله يعطيك العافية
ومتابع معاك

الله يعافيك يا استاذي
مريت سيروني وشفته جميل بس ما دخلت الغرف تبعه
البقاله السعوديه المفروض الواحد ما يشترى منها الا في اضيق الظروف او حاجه بسيطه
الفا ماركت لو قلت لك اني ما اشترى منها الا الكولا فقط ماناسبني شيء منها

منورني

آخـــرفـــرصـــة, الركيب, فيصل و 1 آخرون معجبون بهذا.

الركيب · 15-05-2017, 08:45 PM

يعطيك العافية يبو راكان عالجزء الجديد والجميل
التجديف تجربة جميلة عشتها في بالي
فندق بيسونا علم الكثير يمدحه
بس على ايامنا كان سيروني 2 توه الجديد ههههه
انا استغرب للحين فيه ناس تشتري من بقالة السعودية
رغم تحذرات والتنبيهات منها الا ان الناس مركزين عليها
وفيه خيارات كثير كثيرة ومن اهمها الفا ماركت
اذكر شطة رنا اللي كانت عندنا بريال كان يبيعها بـ 6 ريال تقريبا

الله يعطيك العافية
ومتابع معاك

فيصلمعجبون بهذا.

Haksa77 · 15-05-2017, 09:00 PM

جزء رائع [emoji7] [emoji7]
متااابع وياااك يالغالي
شكرا لك بحجم السماء

تم الإرسال من SM-G900F باستخدام Tapatalk

فيصل, آخـــرفـــرصـــة, ابو راكان ~ و 1 آخرون معجبون بهذا.

ابو راكان ~ · 19-05-2017, 01:08 AM

اقتباس : المشاركة الأصلية كتبت بواسطة Haksa77

جزء رائع [emoji7] [emoji7]
متااابع وياااك يالغالي
شكرا لك بحجم السماء

تم الإرسال من SM-G900F باستخدام Tapatalk

العفو
ماسويت شيء نحاول نرد جزء ولو بسيط

توبليرونمعجبون بهذا.

ابو راكان ~ · 16-05-2017, 02:07 AM

السلام عليكم ورحمه الله وبركاته

اليوم الثالث

اصبحنا واصبح الملك لله

لكل واحد مر من هنا

هذى هي فلتنا ماشاءالله ذات طابع اوروبي

هذى الاطلاله من الفندق

الاطلاله بحد ذاتها تريح الخاطر

بصراحه الاجواء في الجبل فاتنه وهواها عليل وامطارها تجيب السعاده وماشاءالله جنه الله في ارضه
تصدقون انا اقول كل الاماكن في الجبل تعتبر متنزه ومايحتاج لا حدائق او شيء
جيب العزبه واكشت في اي مكان

طبعا افطرنا وعينا خير وشوي يتصل على السواق انه منتظر وقال لي يابو راكان كل يوم راح تحصلني كذا على الساعه 9 صباحا منتظرك في المواقف قلت انت

بصراحه يعجبني اللي منتظم في مواعيده وفعلاً كان على الوقت طول الفتره ولا عمره تأخر عني

المهم اليوم راح نتوجه لحديقه الزهور حسب الجدول المعد سابقاً

والحمدالله وصلناها بعد مرور ساعه تقريبا لكن المطر كان ماشاءالله متواصل معنا حتى وصولنا للحديقه

وهنا تذكره دخول السياره

لدرجه اني تردت اقص تذاكر او لا والحمدالله انتظرت ممكن ربع ساعه والا المطر خف شوى
وهذا وقوفنا عند البوابه والمطر يهطل بغزاره

وهنا قصيت التذاكر واتوقع الشخص بـ 30 الف روبيه والصغار مجاني

اخذنا اكثر من ثلاث ساعات وماخلصنا منها ويمكن يوم كامل ماتخلصها
حديقه فيها كل شيء يمكن اذا تبي تروحها البس سكتشيرز اصلي وانتم بكرامه ولابد يكون عندك لياقه
ولو اشتركت في نادي قبل يكون احسن يا راح تمشي ما ادري كم كيلوا هههههه

وهذى مقتطفات لبعض انواع الورود ومجسمات الاشجار

نأخذ نفس

وكل ما تمشي شوى راح تحصل شيء جديد والحين وصلنا لبحيره البط والاسماك
عاد انا تعبت واخذت اكل لهم وكل ماتعبت وقفت ارمي لهم اكسب فيهم آجر
وهم يكسبون فيني اجر الراحه من المشي

وهنا بحيره الضفادع ههههههه

وهنا بحيره لالعاب الاطفال

وايضاً عندهم لعبه المتاهات وعاملينها بالورد على طول تذكرت الحصن
يعني اللي غاثك وماتبيه دخله في اللعبه ولا تشوفه الا ثاني يوم هههههه

وفي احد الزوايا من الحديقه يوجد لديهم عربات دفع رباعي جميله وانصح فيها وممتعه جداً

وسعرها مناسب 75.000 = 21 ريال

ويوجد في الحديقه ايضاً الخيول وبملغ رمزي

وانتهى فينا المشوار من حيث ابتدينا

وقلت لكـ بسمتكـ وطن وانا كل اوطانكـ ...!!

وهنا طريق الرجعه وماشاءالله في المطر

اول ما وصلنا ع المغرب والحمدالله على طول غداء او عشاء واخذت التلفون وسويت حجز مساج للارجل اكرمكم الله
على الساعه 9 مساءً وكان السعر على ما اظن 35 ريال ويالله حسيت براحه بعدها ماتصدقون بعد كل هذاك المشي

المشاهدات /
1- لاتنسى تأخذ معك مظله المطر من باب الاحتياط
2- البس اكرمكم الله اي سكتشرز اصلي لانك راح تمشي مسافات طويله
3- خذ للاطفال بعض الوجبات الخفيفه ومياه
4- لاتروح الا انت متناول فطورك بشكل جيد

في آمان الله

للكل

Roro, الركيب, آخـــرفـــرصـــة و 12 آخرون معجبون بهذا.

آخـــرفـــرصـــة · 16-05-2017, 11:45 AM

الفيلا رائعة يابو راكان
وفعلاً أجواء الجبل وين ما كنت تفتح النفس
اما حديقة الزهور كبيرة ومحتاجة لياقة
بس المهم المساج بالنهاية يريحك من تعب اليوم

يا سلام على المشاهدات الحلوة نهاية كل جزء
خلاصة الخلاصة

Haksa77, ابو راكان ~, فيصل و 1 آخرون معجبون بهذا.

ابو راكان ~ · 19-05-2017, 01:12 AM

اقتباس : المشاركة الأصلية كتبت بواسطة آخـــرفـــرصـــة

الفيلا رائعة يابو راكان
وفعلاً أجواء الجبل وين ما كنت تفتح النفس
اما حديقة الزهور كبيرة ومحتاجة لياقة
بس المهم المساج بالنهاية يريحك من تعب اليوم

يا سلام على المشاهدات الحلوة نهاية كل جزء
خلاصة الخلاصة

كل بيسونا علم جميل

والله اندونيسيا كلها تحتاج لياقه ههههههه

زين فيه مساج والله فك ازمه

منورني يا كابتن

فيصل و توبليرون معجبون بهذا.

كتكات783 · 17-05-2017, 11:10 AM

الله عليك .. يا أبوراكان ...

بداية بونشاكية راااااائعة يكفيها اختياركم للفندق الجميل بيسونا علم ...

بس ياليت لو نشوف صور للفيلا من الداخل ( إن كانت لديك )

زيارات عدة لإندونيسيا .. وجدت الأغلب من السائقين ملتزمين جداً بالوقت ..

حديقة الزهور ... تطورت كثيييييراً .. آخر زيارة لها 2012 .. هناك فعاليات جديدة ..

الظاهر تحتاج زيارة جديدة ... يعيبها الطريق إليها .. لا أعلم هل تم تحسينه وتمهيده ؟؟

ههههههههههههههه أعجبتني فكرة المتاهة ( خطييير يا أبو راكان )

البقالة السعودية .. للأسف كانت خياراً وحيداً لنا .. اشترينا منها كااااامل الأغراض لمرة واحدة ..

وفعلاً الأسعار مبالغة فيها ..

أتمنى أن استمر يا أبو راكان على هذا المستوى في التقرير ( كل شيء فيها رااااااائع ) ..

فيصل, آخـــرفـــرصـــة, ابو راكان ~ و 1 آخرون معجبون بهذا.

ابو راكان ~ · 19-05-2017, 01:19 AM

اقتباس : المشاركة الأصلية كتبت بواسطة كتكات783

الله عليك .. يا أبوراكان ...

بداية بونشاكية راااااائعة يكفيها اختياركم للفندق الجميل بيسونا علم ...

بس ياليت لو نشوف صور للفيلا من الداخل ( إن كانت لديك )
باذن الله اجيبها لكن الفيلا ماعليها خلاف جميله وبسيطه جداً

زيارات عدة لإندونيسيا .. وجدت الأغلب من السائقين ملتزمين جداً بالوقت ..
وانا احب الالتزام

حديقة الزهور ... تطورت كثيييييراً .. آخر زيارة لها 2012 .. هناك فعاليات جديدة ..
مجموعه حديقه في حديقه وفيه اشياء ما وصلت لها

الظاهر تحتاج زيارة جديدة ... يعيبها الطريق إليها .. لا أعلم هل تم تحسينه وتمهيده ؟؟
طريقها لابأس بس مسار واحد

ههههههههههههههه أعجبتني فكرة المتاهة ( خطييير يا أبو راكان )
اذا رحتوا شباب وواحد ما التزم بالقطه اتركوه هناك هههههه

البقالة السعودية .. للأسف كانت خياراً وحيداً لنا .. اشترينا منها كااااامل الأغراض لمرة واحدة ..

وفعلاً الأسعار مبالغة فيها ..
بس عساكم استفدتوا انكم تاخذوا اغراضكم من هنا أوووفر بكثير

أتمنى أن استمر يا أبو راكان على هذا المستوى في التقرير ( كل شيء فيها رااااااائع ) ..
باذن الله

استمع واستمتع

توبليرونمعجبون بهذا.

ابو راكان ~ · 17-05-2017, 01:51 PM

مساء الخير للجميع

اليوم الرابع

كانت خطتنا لليوم زياره تامان سفاري وطبعاً تحتوى على عده عروض
وبصراحه 6 ساعات ما تكفيها
وتحتوى السفاري على فعاليات كثيره منها :
- حديقه الحيوان (اكرمكم الله)
- ملاهي اطفال
- عروض السيرك
- عروض الدلافين
-الشلالات
- عروض الكابوي
- عروض الدبابات
وتشتمل ايضاً على :
-اسواق
-ومطاعم
-محلات للهدايا التذكاريه

اذا حضرت نصفهم فأنت محظوظ
واذا حضرتهم كلهم فأنت محظوظ جداً
واذا لم تحظر الا اثنين الي ثلاثه فأنت كسول مثلي

بسم الله نبدأ من بدايه اليوم
ونقول أصبحنا واصبح الملك لله

افطرنا واخذنا استكانه شاي تعدل المزاج

وتوجهنا للسياره

طبعاً قريبه جداً تامان سفاري من بيسونا علم
وفي الطريق اشار على السواق شهاب اني اشتري فواكه للحيوانات اكرمكم الله لاطعامها

ووصلنا لبوابه الحديقه وكانت غاليه نوعا ما تقريبي 450 ريال لكل اللي في السياره طبعاً ما كنت ادري بالفعاليات الموجوده
لكن بعد ما طلعنا على المغرب حسيت المبلغ رخيص جداً

وقصينا التذاكر من عند البوابه

وماشاءالله على تنظيمهم كل شيء مرتب في الداخل ومهتمين فيه بعنايه

صرت اعطي الاولاد عشان يرمون للغزلان والزرافه والحمار الوحشي وانا اعطيهم مره واكل مره والله طعمها حلو مره

طبعا طريقتهم التجول في السياره وممنوع النزول نهائياً

وعاد السواق وذمته اذا يبي يخلص المشوار يبدأ يسرع واذا يبي الاولاد يستانسوا يمشي بهدوء

وهذا سيد قشطه اللي عرفته من افلام كرتون

وهنا الغزلان

مسكين هالبط اللي يعيش على السمك هالمره اكل جزر

ماشاءالله تصميم الحديقه جميل جداً لدرجه تشوف الشلالات في كل مكان ليتهم اعطوا ربعنا شوى

الحين نجي لاخويا ملك الغابه وطبعاً هنا حتى الشباك يمنع فتحه ويمنع وقوف السياره والحراس في كل جزء من الطريق حفاظاً على سلامه السياح

النمر

وهنا الدب وهو نايم ما ادري عمليه استرخاء

واللحين صحى وبدأ يتمشى بين السيارات

وهذا التمساح ياهو على الواقع عملاق

في هيبتك منو يجاريك سبحان من
صورك سبحان كل الحسن مملوك يايديك

بعض النمور وفي حاله استكنان

خلصنا من الحديقه وكان كل واحد معه ساعه في اليد وتستخدم لجميع الالعاب والعروض لنهايه اليوم
وأول شيء بدأنا في فعاليه الكابوى وهو بصراحه على الزحام اللي شفته كنت اقول في نفسي ان شاءالله يسوى هالزحمه اللي صارت
لان بصراحه في ناس من جنسيات آخرى لا تبالي تزاحم وبس فانتبه اخي الكريم لاطفالك والحمدالله العرض جميل جداً وممتع وانصح فيه وبقوه والعرض مره واحده يومياً على الساعه 2 ظهراً

طبعا التصوير ممنوع بس عشان اوصل لكم الفكرة

بعد ما انتهينا ذهبنا لتناول ماكولات خفيفه للاطفال

ثم انتظرنا عرض الدلافين وبدأ الساعه 3:30 والعرض جميل وانبسطوا الاطفال معه

على الساعه 4:15 طلعنا للشلالات

رجعنا بعد ساعه وحبوا الاولاد يلعبوا في الملاهي

وصلنا لنهايه اليوم وخلاص الاولاد مجهدين ويالله يا شهاب على الفندق

منظر الغروب من الفيلا

المشاهدات :
1- الحديقه تستاهل الزياره
2- عند الكابوى يوجد زحام غير متوقع لا تحاول تدخل الاطفال في الزحام والمكان كبير جدا بالداخل وراح يستوعب الكل
3- عند طلوعك للشلالات انتبه لموضع قدمك لان الارضيه تزلق
4- الشلال الاول يكفي والباقي بعيده خاصة من معه اطفال

في آمان الله

فيصل, عاشقة مسقط, Haksa77 و 7 آخرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير رحلتي إلى كيرلا الهند (فيديو)	ناصر الخميساني	بوابة الهند وسيرلانكا	16	29-01-2017 01:39 PM
تقرير بسيط عن فندق (MINA HOTEL) فالسلطان أحمد تجربتي الخاصة	ابا رواء	تركيا	17	05-08-2016 12:00 AM
تقرير بسيط عن معشوقتي بلاد الاندومـــي 2016	abdulla al mulla	بوابة اندونيسيا	66	12-06-2016 11:09 PM
تقرير بسيط عن رحلتي الى معشوقتي دبي 2015	كشكولـ	بوابة الامارات	76	01-03-2016 02:50 PM