الهوى هالمره اندونيسي // تقرير بسيط لزياره عائليه من 23مارس -6 ابريل2017

ابو راكان ~ · 05-06-2017, 02:57 AM

السلام عليكم ورحمه الله وبركاته

صياماً مقبولاً وافطاراً شهياً

اليوم الثامن

بعد ما صحينا ونزلنا للمطعم

حاولنا نطلع بشيء من الفطور

وبعد هالفطور لابد من الترويقه

وحصلت السواق مخلص في اللوبي وعلى طول طلعنا

وكان جدول اليوم : زياره شاطيء نوسا صباحاً وجمبران مساءً

شاطيء نوسا وفيه عده مكاتب للحجز وكانت جميع الانشطه موجوده مثل البارشوت والجت سكي والبنانا والدونات وزياره لجزيره السلاحف

لكن مو كل الالعاب تناسب الصغار

فاخذت انا اول شيء الجت سكي وبصراحه متعه المويه ترد الروووح والاولاد دورنا يا بابا وعارف انهم مقهورين حتى بغيت اقلب من فوق الدباب هههههه
المهم خلصت واتفقنا على لعبه تناسب الصغار وماحصلنا الا الدونات ولو انها خطيره بس المسئوله عن مكتب الحجز كلمت سواق البوت انه مايسرع ابد وشددت عليه واعطتني سعر حلو جداً عشان الاولاد واخذت الدونات ب 500,000 يعني تقريباً 140 ريال لنصف ساعه فلبسنا كوت النجاه واتفقنا على انه انا امسك البنت في حظني عشان ماتطير مع الامواج

وتوكلنا على الله

فكان البوت كل مايضرب في موجه انا ماسك البنت في حظني شعوووور

خلصنا ثم رجعنا للفندق على العصر ثم ارتحنا لقبل المغرب وتوجهنا لشاطيء جمبران على الغروب
طبعاً الشاطيء مليء بالعرب وكله اكلات بحريه

ومنظر الغروب كان جميل فاتن

وكان كل مطعم يوجد فيه فعاليات وهي عباره عن عروض فلكوريه اندونيسيه طبعا ماحد حولهم بس يونسوا على الجو شوى

تغدينا ما ادري تعشينا والحمدالله

ثم اخذنا السواق على الساعه تسع ورجعنا للفندق وانتهي هذا اليوم

المشاهدات :
1- شاطيء نوسا جميل للفعاليات بس لاتجي وتاخذ الاسعار مباشره كاسر وراح تطلع بسعر حلو
2- جميع الالعاب في نظري صعبه على الاطفال حتى الدونات

في آمان الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير رحلتي إلى كيرلا الهند (فيديو)	ناصر الخميساني	بوابة الهند وسيرلانكا	16	29-01-2017 01:39 PM
تقرير بسيط عن فندق (MINA HOTEL) فالسلطان أحمد تجربتي الخاصة	ابا رواء	تركيا	17	05-08-2016 12:00 AM
تقرير بسيط عن معشوقتي بلاد الاندومـــي 2016	abdulla al mulla	بوابة اندونيسيا	66	12-06-2016 11:09 PM
تقرير بسيط عن رحلتي الى معشوقتي دبي 2015	كشكولـ	بوابة الامارات	76	01-03-2016 02:50 PM