16-05-2017, 03:37 PM
|
#2 |
مراقبة العرب المسافرون
تاريخ التسجيل : Dec 2014 رقم العضوية : 148 الدولة : الشرقيه الجنس : انثى المشاركات : 2,045
| أوسـمـة: عشقي السفر |
كل الاوسمة:1 (more»)
| | 
 |
السلام عليكم ورحمة الله وبركاته
وعايكم السلام ورحمه الله وبركاتو
لقيت عرض لماليزيا وابي رايكم فيه
من ناحية الاماكن والسعر
بالنسبه للاماكن والاسعار مانقدر نحكم من غير ما تحدد تاريخ السفر لان الاسعار تفرق من شهر الى شهر
البرنامج ل 11 يوم 10 ليله كالتالي :
اليوم 1: استقبال
اليوم 2: جوله السن واي
اليوم 3: التوجه للمطار لذهاب الئ بينانج
اليوم 4: جوله بينانج 8 ساعات
اليوم 5:التوجه الئ لانكاي بالعباره
اليوم6: جوله لانكاوي 8 ساعات
اليوم7 : جوله المنجروف
اليوم8: التوجه الئ كوالا والاستقبال هناك
اليوم9 :جوله كوالالمبور + جنتينح
اليوم10:يوم حر
اليوم 11: التوجه للمطار الدولي
اول ملاحظه الجدول مزحوم بالنسبه ل 10 ايام انا اسميه جدول هجوله ماتلحق تجلس بمكان الا رحت مكان ثاني او ممكن مسمى ثاني هو رحلة اكتشاف سريعه مو رحله للاستجمام والراحه ممكن لو كانت رحلت شباب اوكي بتناسبكم لانكم بتكونون خفيفين وبتتحملون الجدول
اما اذا انتو زوجين فلا لا ما انصحك جدا مرهق واصلا في ايام بتضيع كليا بالتنقلات بين المدن مثلا اليوم اللي بتركب العباره بيكون رايح 3 ساعات بالعباره وبتوصل وعلى الفندق وتعبان راح اليوم ومدتك قليله
اذا انتو زوجين فافضل جدول لكم هو زيارة 3 مدن فقط يعني سيلانجور + (لانكاوي او بينانج )+كوالالمبور
الفنادق:
سلانجور: دورست جراند
متوسط الليله الواحده بالصيف 340 ريال شامله الضريبه *2=680 ريال
الفندق 5 دقايق عن صنواي بالسياره واقتصادي متوسط المستوا يوجد افضل منه وارخص سعره وقريب من الصنواي مشي 5 دقايق مشي مثل بونيكي 33 وسعره 120 الليله الواحده
بينانج: بارادايس / فور بوينت شيراتون
الفندقين بعيدين عن باتوفرانجي وهو الشارع الحيوي في بينانج والافضل تسكن قريب منه
الفنادق المرشحه الليله بحدود 290 ريال لليله الواحده الى 320 ريال لليله الواحده الفندقسن متوسطين واقتصاديين لكن موقعهم غير جيد
ممكن تلاقي فنادق افضل وعلى البحر في الباتوفرنجي بسعر 366 ريال الليله في فندق هوليدي ان بينانج على البحر وموقع ممتاز او فندق شاطئ باي فيو سعر اقرب وخيار افضل بكثيير
يعني لو اخترت عرضك بيكون السعر : 2 يوم * 300 ريال = 600 ريال
لانكاوي: اديا
الفندق ممتاز ونظيف واقتصادي ولكن بعيد عن الشاطئ
وسعر الليله الواحده بالصيف 270 ريال *3 =810 ريال
كوالالمبور: سيري باسفيك
شامل الطيران الداخلي + العباره لـ 2 اشخاص
كوالالمبور توجد خيارات كثيره اقتصاديه وقريبه من شلرع العرب ومنطقه البرجين لذلك ماراح تحتار
بالنسبه للفندق قرب من محطة قطارات PWTC ومحطة قطار بوترا ومقابله مول وقريب من جدمات وهو اقتصاري لكن بعيد شوي عن المنطقه الحيويه لكن دام المترو موجود ممكن تستخدمه لكن تقدر تلقى افضل موقع بنفس السعر او سعر قريب منه
سعر الليل الواحده بالصيف 208 ريال * 3 = 626 ريال
اذن قيمت الفنادق 2716
وقيمت الرحلات الداخليه = 350 ريال تقريبا لعدد شخصين ورحله من كولالمبور الى بينانج ون لانكاوي الى كوالالمبور
وقيمه العباره لشخصين =140 ريال تقريبا
اذا المجموع = 3206 ريال
اذا الباقي للجولات 3394 ريال لجولات المذكروه هذا السعر ضعف السعر اللي ممكن تحتاجه في المواصلات والجولات
قيمة البرنامج /6600 ريال
الان الخلاصه :
اذا انتو شباب بيكون الجدول مناسب لكم مع اني احسه مرهق حتى على الشباب
اما اذا زوجي فطبعا الجدول لايناسبكم نهائيا واذا حابين الرحله 10 ايام تكون في سيلانجور وبينانج وكولالمبور او الخيار الثاني هو سيلانجور ولانكاوي وكولالمبور
بالنسبه للفنادق جميع الفنادق راح تلقى احسن منها بموقع افضل ماعدا ايديا يعتبر خيار مناسب للي ميزانيته محدوده واقتصاديه وممكن تزيدها شوي وتاخذ على البحر او اقريب للشاطئ
واكرر الاسعار متوسطه في ايام الصيف شهر اغسطس يعني موسم واختلاف شه السفر يغير بالسعر
| |
بالتوفيق
التعديل الأخير تم بواسطة عشقي السفر ; 16-05-2017 الساعة 03:43 PM |
| |
13الاعجاب
العرض الشجري
المواضيع المتشابهه 
