السسلام عليكم ورحمة الله وبركاته ..

شخباركم جميعا ؟!

هذي اول مشاركه لي كموضوع وان شاء الله ماتكون الاوله والاخيره ،

انا مسافر لشهر عسل في شهر سبتمبر

بيكون الوصول بتاريخ 16/9/2017 مطار ميونخ الساعه 13:15

والرجعه بتاريخ 29/7/2017 مطار فيينا الساعه 15:30

الاكيد بمشيئة الله الرحله للنمسا والمانيا بس ابي دولة ثالثه اذا بيسمح لي الوقت ..

بس عندي شغلة المهمة بخصوص النقاب هل الدولتين مسموح فيها ..

وابي تنسيق معين واماكن وتقسيم للرحلة لاني اول مره اطلع لاوروبا ورحلة شهر عسل ..

فياليت فزعتكم ..

اتمنى لكم التوفيق ،،،

وعليكم السلام ورحمة الله وبركاته

حياك معانا شرفتنا وان شاءالله تفيد وتستفيد معانا

وبالنسبة للإستفسار
الوصول ميونخ والعودة فيينا
وعندكم ١٤ يوم ١٣ ليلة
لا ماننصح بإضافة دولة ثالثة والاكتفاء في النمسا والمانيا
ليلتين ميونيخ وممكن تكون ٣ ليالي وزيارة غارميش منها
٣ ليالي سالزبورغ او ليلتين اذا اضفت الليلة لميونيخ
٥ ليالي زيلامسي
٣ ليالي فيينا

وهذا موضوع فيه تقريبا نفس الجدول بس بإختلاف الوصول والعودة
وفيه جدول يومي لكل مدينة
https://www.arabtrvl.com/vb/t153.html

والنقاب
المانيا مسموح
والنمسا يقولون للأسف في اكتوبر بيمنعونه بس لين الحين والاهم بتوقيتكم مسموح الحمدالله

ورحلة موفقة بإذن الله

ياهلا ومرحبا

الف مبروك اخوي عسى ربي يوفق لكم

نفس ماقالت مراقبتننا اعتبارا من شهر اكتوبر ممنوع النقاب بالنمسا

اكتفي بالدولتين
واذا تبغي تضيف دوله ثالثه راح تكون الشمال الايطالي فالدور او سان كاديدو لانهم اقرب المناطق لأقليم تيرول وكابرون

واذا تبغي مخطط ميونخ - كابرون - بليد - فيينا ايضا ممكن