مشكلة جنوب افريقيا إن أغلب الفنادق حجزهم يكون غير مسترد إذا الإلغاء قبل الموعد بأسبوعين
بس ممكن تتواصل مع المحمية وتتأكد.
وأعتقد ها الفترة مب موسم عندهم فاحتمال تحصّل حجز بعدين..
خاصة إذا كان يوم في نص الاسبوع.

ممكن تدخل على موقع المحمية وتضغط على رابط book now
وتحط التاريخ اللي تبغيه بيطلعلك شو المتوفر عندهم
Accommodation - Garden Route Game Lodge - Albertinia |

وبالنسبة لحجزك لفندق وايلدرنس فممكن تتواصل مباشرة مع الفندق (ولو بالتلفون) وتشوف إذا يرضى يغير الحجز، خاصة إذا بتضيف يوم بداله في الأخير.

كل ما كان التامين عالي
قلت قيمة التحمل في حال الضرر

--

نحن دايما ناخذ التأمين العادي..
والحمد لله ما صار لنا حوادث أو شي..
بس مخالفات عادية مثل رادار السرعة أو المواقف.
المهم الواحد يسوق بهداوة وتأنّي ويلتزم بقوانين السير
واللوحات المرورية، ويلتزم بخط السير.

بس مرة زوجي كان في مواقف تحت المبنى،
وهو يرجع للخلف ما انتبه لشيء كان على الجدار
وضرب الزجاج الخلفي للسيارة فاتكسّر بالكامل..
والحمد لله كانت شركة التأجير متعاونة وعطونا سيارة ثانية بدالها،،
وبعد ما رجعنا البلاد بفترة بعثولنا ايميل إن تكلفة التصليح حوالي 450 دولار
خصموها من بطاقة الإئتمان.

.

ايش هيا الشركه الي اخذتو منها؟


أرسلت بواسطة iPhone بإستخدام Tapatalk

اشكركم جميعا على ما ادلوتم به
فعلا ملاحظات عشتها وحاولت اتلافاها قدر الامكان

اقتباس :  المشاركة الأصلية كتبت بواسطة أم نووووف هذه فقط بعض الملاحظات البسيطة اليوم الثاني: الاحد الزحليقة الطويلة (إذا كانت مفتوحة) أو مول الكانال ووك أو مول الووترفرونت وركوب العجلة الدوّارة الزحليقة تكون مغلقة في شهر 8 اليوم الرابع: الثلاثاء جبل الطاولة (حسب الطقس - غالبا يكون مغلق في الشتاء عندهم اللي هو الصيف عندنا) الغداء في المطاعم على شاطئ كامبس باي أو مدينة الالعاب ‪Ratanga Junction‬ جولة بالهليكوبتر من الووترفرونت العشاء الساعه 7 م في مطعم Gold restaurant (ها الليلة أو أي ليلة ثانية) مدينة الألعاب تكون مغلقة في شهر 8 ولازم تحجز للمطعم قبلها بكم يوم، يعني ممكن تتواصل وياهم بالتلفون أو الايميل أول ما توصل كيب تاون. إذا تحب تضيف يومين بعد ممكن تشوف جدول ال 15 يوم اللي في تقريري.

فعلا مدينة الالعاب في كيب تاون مغلقة
وتم التعويض عنها في جوهانسبرغ
الزحليقة ولله الحمد شغاله وكانت ممتعه بشكل عجيب ( طبعا الكثير يقولون حق سويسرا احلى بس ما رحتها)

اقتباس :  المشاركة الأصلية كتبت بواسطة أم نووووف تمام ما شاء الله. بس للعلم، رحلة مشاهدة الحيتان تطلع من منطقة Gansbaii وهذه على بعد حوالي 3 ساعات من كيب تاون، والرحلة تكون تقريبا 10 الصبح يعني لازم تطلعون من كيب تاون من وقت. ما أعرف إذا هم يوفّرون مواصلات وإلا لا،، نحن ما جربناها. ومن وايلدرنس تكون نفس المسافة بعد (3 ساعات). بالنسبة للسكن، يكفي فندق واحد في كيب تاون وفندق في وايلدرنس، وبيكون عندكم ليلة في المحمية. الأماكن اللي بتسيرونها مب بعيدة عن وايلدرنس، ماعدا منتزه تسيتسيكاما، حوالي ساعة ونص.

رحلة الحيتان خذينا شركة من كيب تاون وطلع الباص فينا من الفندق لمدة ساعتين ونص الى 3 ساعات ووصلنا شاطي Hermanus
وكانت من افشل الرحلات , تقف على الشاطي وتشاهد الحوت على بعد 1-2 كيلو
لكن الحمدلله عوضتها برحلة مماثلة اخرى في نايزنا وكانت عظيمة

اقتباس :  المشاركة الأصلية كتبت بواسطة oceanus اذا صادف برنامجك يوم الاحد انسى اي فعاليه او مول .. في كيب تاون عندك اهم مزار وهو جبل الطاوله .. لازم تصعد له بالتلفريك وايضا جبل الشاره اللي من خلاله تقدر تشوف منطقة الجرين بوينت والسي بوينت وايضا جزيرة روبن اللي انسجن فيها مانديلا عندك شاطى الكامبس .. لازم تزوره خاصة وانت راجع من راس الرجاء الصالح المنطقة روعه و ايضا الطريق جميل . عندك حديقة كريستن بوش kirstenbosch ولا تنسى اوتليت اكسس بارك Access park .. بخصوص العجله .. لا تركبها بعد غروب الشمس بخصوص الحيتان .. افضل منطقة لمشاهدتها هي مدينة هيرمانوس واللي تبعد عن كيب تاون 150 كم باتجاه منطقة القاردن روت وتقدر تركب مع هذه الشركة Southern Right Charters | Hermanus Whale Watching اما السكن في القاردن روت .. انا افضل السكن في نايزنا knysna .. لانها السنتر لاهم المناطق السياحية المنطقة فيها الكثير من الفعاليات .. مثل لعبة الجامبي .. وهي الاعلى في العالم https://www.faceadrenalin.com/ ايضا اتمنى تجرب zipline https://www.google.com.sa/maps/place...1!4d24.0223461 ايضا حديقة الفيله و خارطه افريقيا .. ايضا حديقة الفراوله ... ....... ............ بخصوص الفيزا .. سعر مبالغ فيه .. في جدة 237 ريال على الجواز .. بخصوص الطيران .. ممكن تحجز من مدينتك الى كيب تاون عن طريق الخطوط السعودية ف يطلع عليك الطيران الداخلى سعره حلو علما بان الرحله توصل 7 صباحا بتوقيت جوهانسبيرج او احجز الداخلى على طيران كولالا الاقتصادي Full-on Travel | Flights, Hotels, Car Hire, Packages - kulula.com وهذه الشركة ممتازة للسيارات First Car Rental بخصوص السكن في جوهانسبيرج حاول تسكن في ساندتون .. خاصة بالقرب من ساحة مانديلا .. بالتوفيق ان شاء الله

شكرا على ملاحظاتك
تم زيارة حديقة kirstenbosch وكانت جميلة وبالتحديد الجسر والمناظر المحيطة به
الحيتان في كيب تاون تم الذهاب صباحا
اما في نايزنا فتم الذهاب 3 عصرا
صادفنا حوت 1 فقط اثناء الذهاب والبحث
وتفاجئنا ب 3-4 حيتان خلال الرجعة

استاجرت من شركة europecar
اخذت كورولا وكانت جديده تماما على يدي ورائعة وكافية
اخذت منهم ايضا اول ما وصلت لجوهانسبرغ سيارة فولكسواجن لكن كانت سيئة
طبعا كانت الخيار المتاح لاني قررت استاجر اول ما وصلت فالافضل الحجز قبلها بيومين على الاقل

السكن كان في فندق signature lux
جميل ونظيف وقريب تماما من ميدان مانديلا
مجرد تطلع من باب الفندق وتدخل باب الفندق المقابل وتخرج منه وتكون في الساحة
كان الارخص وجميل ومناسب
يعيبه ضعف الخدمات والامكانات في الغرف

اقتباس :  المشاركة الأصلية كتبت بواسطة أم نووووف المبيت هناك يعتبر تجربة وايد حلوة،، بس عادي إذا ما بتباتون.. المهم تحجز لجولة السفاري من الحين.. لأن لهم أوقات محددة،، غالبا تكون الساعة 3 أو 4 العصر، ولمدة ساعتين. يعني ما تسيرون من الصبح، إنما يكون قبل موعد السفاري بساعه أو نص ساعه. وميزة المبيت إن يكون لكم جولة ثانية الساعه 7 الصبح،، وهذه تكون أحلى، بالرغم من البرد،، بس ممكن تشوفون حيوانات أكثر لأنها تكون أكثر نشاط الصبح،، أما بعد العصر فأغلبهم يكونون في مخابئهم. عندي اقتراح.. إذا ما عندكم سبب يمنعكم من المبيت في المحمية، وممكن تغيّر حجز فندق وايلدرنس، فأقترح تخلي المحمية في اليوم اللي بتسير فيه للجاردن روت، بحيث تباتون هناك واليوم الثاني تكملون طريقكم لوايلدرنس. هذا طبعا في حالة إنكم بتسيرون لمحمية الجاردن روت، لأنها على بعد ثلاث ساعات ونص من كيب تاون، وبعدين بيكون الطريق تقريبا ساعه لوايدرنس.

اقتباس :  المشاركة الأصلية كتبت بواسطة أم نووووف مشكلة جنوب افريقيا إن أغلب الفنادق حجزهم يكون غير مسترد إذا الإلغاء قبل الموعد بأسبوعين بس ممكن تتواصل مع المحمية وتتأكد. وأعتقد ها الفترة مب موسم عندهم فاحتمال تحصّل حجز بعدين.. خاصة إذا كان يوم في نص الاسبوع. ممكن تدخل على موقع المحمية وتضغط على رابط book now وتحط التاريخ اللي تبغيه بيطلعلك شو المتوفر عندهم Accommodation - Garden Route Game Lodge - Albertinia | وبالنسبة لحجزك لفندق وايلدرنس فممكن تتواصل مباشرة مع الفندق (ولو بالتلفون) وتشوف إذا يرضى يغير الحجز، خاصة إذا بتضيف يوم بداله في الأخير.

اصرارك يا ام نوف في هالمشاركات خلاني احجز مبيت ولم اندم اطلاقا (وشكرا جزيلا)
تجربة جميلة جدا جدا
خدمات الغرفة رائعة جدا ونظيفة
الطعام لذيذ جدا وخدمة الغرف رائعة

اقتباس :  المشاركة الأصلية كتبت بواسطة جنون انثى ايش هيا الشركه الي اخذتو منها؟ أرسلت بواسطة iPhone بإستخدام Tapatalk

تعاملت مع europecar والدفع عند الاستلام بدون فيززا الحجز
اخذت تامين من هناك على الزجاج الامامي لاني امسك خط واسرع
والكاميرات تلطش فيني رايح جاي ومدري اذا علي مخالفات او لا
خدمتهم حلوة استلام وتسليم سريع في غضون 10 دقايق امورك منتهية
اخذو تامين اضافي مسترجع وبعد ما رجعت السيارة بكم يوم جاني منهم فاتورة بتفاصيل المبالغ المستحقة واللي راح يخصمونها فعليا من الفيزا

يعطيك العافيه


أرسلت بواسطة iPhone بإستخدام Tapatalk