طيب انا مريت للشقق اليوم وشفتها وهي تقريبا نفس اللي في الصور من الداخل ، وموقعها في زقاق خلفي

وهذي صورة الزقاق والعمارة

[BIMG]http://www.arabtrvl.com/vb/attachment.php?attachmentid=258&stc=1&d=1425590489[/BIMG]

ولكن مسافة كم خطوة وانت على الشارع العام وتشوف المباني العالية لمنطقة ليفنت امامك ، ومحطة الباصات اللي ممكن تنقلك على خط الباص
[BIMG]http://www.arabtrvl.com/vb/attachment.php?attachmentid=259&stc=1&d=1425590489[/BIMG]
[BIMG]http://www.arabtrvl.com/vb/attachment.php?attachmentid=261&stc=1&d=1425590489[/BIMG]

والمنطقة مأمونة ما اشوف فيها اي خطر وانتو 6 اشخاص حتى الحرامي بيخاف منكم ههههه... والشارع اللي بجنب الزقاق شارع تجاري واسواق شعبية ومطاعم
[BIMG]http://www.arabtrvl.com/vb/attachment.php?attachmentid=260&stc=1&d=1425590489[/BIMG]

لكن لو تكمل مشي على امتداد الشارع العام مسافة 10 دقائق الى ربع ساعة باتجاه الغرب تكون في قلب مجمعات ليفنت الراقية مثل مجمع كانيون ومجمع اوزدليك ومترو سيتي ومحطة المترو ، و منطقة ليفنت مثل ماذكرت لك بعيدة عن المناطق السياحية لكنها منطقة راقية والسفارات والشركات العالمية تتخذها مقرا لها. لكن حط في بالك ان المترو يقفل الساعة 12 يعني اذا انت ناوي تسهر او تشيش في تقسيم مثلا يبي لك ترجع بتاكسي

اذا تبحث عن منطقة اكثر قربا من المناطق السياحية وفنادقها رخيصة ممكن تشوف منطقة شيشلي

هذا رابط لشقق تقييمها عالي من ناس كثير ، اقرأ التقييمات

Booking.com: Belle Maison Residence - ط¥ط³ط·ظ†ط¨ظˆظ„, طھط±ظƒظٹط§

او اذا تبي تقرب اكثر شوف حول محطة مترو واسواق عثمان بيك (Osmanbey) ، فيه فندق اسمه Fatih hotel corner سكنت فيه بغرفة بسعر رخيص ومسافة 20 دقيقة مشي وانت في تقسيم هذا اذا ماتبي تختصر وتركب المترو للتقسيم.

وهذا رابط الفندق
Booking.com: Fatih Hotel Corner - ط¥ط³ط·ظ†ط¨ظˆظ„, طھط±ظƒظٹط§
وافتح الخريطة وشوف الفنادق اللي حوله

او شوف فنادق حوالين السلطان احمد ، جهة محطة مترو بيازيت او ابعد شوي جهة مسجد الفاتح

شوف روابط هذي الفنادق كعينات
http://www.booking.com/hotel/tr/alpi...=0&#map_opened

http://www.booking.com/hotel/tr/sky-...out=2015-03-09

الخلاصة اذا ماراح تتأخر في الليل ، وتحبون تمشون شوي من الشقة لمحطة المترو توكل على الله وخذ الشقق اللي في ليفنت

واذا قعدتكم قصيرة في اسطنبول واول مرة تجون .. افضل انك تسكن قريب من المناطق السياحية عشان تتعرف عليها اكثر
تحياتي
بالتوفيق

الصور المرفقة

	IMG_7458.JPG‏ (428.8 كيلوبايت, المشاهدات 90)
	IMG_7459.JPG‏ (466.6 كيلوبايت, المشاهدات 149)
	IMG_7457.JPG‏ (404.2 كيلوبايت, المشاهدات 75)
	IMG_7456.JPG‏ (422.9 كيلوبايت, المشاهدات 122)