والله ياختي صج صج خفت من سمعت هالأخبار

إنتي ياريت تروحين معانا نتشرف فيج يالغالية

صج ماباقي شي بس الإنتظار ممل الله يسلمج

العربانة باشتري لها وحدة خفيفة أهم شي تنسدح وفيها مظلة

9 شهور وهذي اللي شايله همها
4 سنوات
8 سنوات
13 سنة

والله ياختي أنا لي تجارب مع طيران آسيا وكانت تجارب ممتازة ولله الحمد لذا أنا ماحكمت على الشركة أنا خايفة من الموضوع نفسه اللي ممكن يصير حتى وحنا مسافرين مع أي شركة طيران

والشي الثاني إن حجوزاتنا كلها غير مستردة لا بيرجعون فلوس التذاكر ولا الفنادق وبصراحة الليلة هناك طلعت غالية حرام نخسرها على ظنون

والأهم من كل هالأمور ((لا تدري كل نفس بأي أرض تموت)) يمكن لو رحنا بينانغ بالباص نتعرض لحادث ونروح فيها لو الله كاتب

بالنسبة لبنتي أم 9 شهور لازم باخذ لها عربة عملية وخفيفة ومهم إنها تنسدح عشان تنام فيها لو كنا طالعين

بس أم 4 سنوات أحسها كبيرة على عربة وبتسوي لنا عبء إضافي وهي أصلاً ماتقعد فيها

وديتها وعمرها سنتين الله وكيلج العربة ماشالت إلا أغراضنا ههههههه وفي وقت الرجوع خليناها بالماريوت وطلعنا دام عصفورتي ماتقعد فيها