تم تأكيد الرحلة ونبي دعمكم

alradadi · 08-09-2017, 02:48 PM

بالي تستاهل يابو فهد فيها برامج كثيرة مره وليست حكر على الالعاب البحرية بعدين عندي لك حل للسباحه فيه منطقة العاب مائية في كوتا اسمها ووتر بوم وما تحتاج انك تعرف تسبح ولا شي ممتعه بشكل ما تتصورة راح تنبسط فيها مره بأذن الله كذلك عندك الرافتنق في نهر Telaga بس بما انك وحدك راح تنضم الى مجموعه وفي الغالب خواجات راح تنبسط وانا متأكد انك بعد فترة من السفر راح تنسى اشياء كثيرة من الرحلة الا التجديف ما راح تنساه ابدا ولا تخاف ما تحتاج سباحة ولا شي اهم شي ملابس رياضة او شورت حتى ما تتضايق من البلل

اما السكن في بالي فاشوف ان السكن في نوسادوا لوحدك غير ممتع المكان ممتاز بس ما حولك شي اشوف انا السكن في كوتا افضل بكثير وريحك في حاجات كثيرة بعدين كوتا منطقة حية طول الوقت والخدمات والاسواق والمطاعم والشأطي كلها عندك تروح لها مشي لذلك انا ارشح لك عدة فندق وانت شوف على حسب ميزانيتك ولو اني افضل الخيار الاقتصادي بما انك راح تقضي الوقت كله خارج الفندق

فنادق اقتصادية

فندق بينتانج كوتا هذا فندقي المفضل

فندق ايدن كوتا

منتجعات

منتجع فندق ذا أنفايا بيتش

منتجع دسكفري كارتيكا

طبعاً هذه الفنادق كلها على شارع واحد متقاربة من في المكان ومتفاوته في الاسعار

اما السائق في بالي موجودين بكثرة لا تشيل همهم وعندي سائق راح ارسل لك رقمه

بالنسبة الى بونشاك الفنادق اللي ذكرت صارت فيه فنادق احدث واجمل وانظف منها مثل بسيونا علم وهو الافضل من كل النواحي كذلك فندق ساهيد فندق حديث افتتح قريب نظيف ووممتاز بس عيبه موقعه بعيد بعض الشي

بالنسبة للحجوزات الافضل تحجز من الانترنت عندك بوكنق ومواقع اخرى كثيرة تحجز لك بأسعار متفاوته اما دفع قيمة الحجز هذه لها خيارت كثيرة وعلى حسب نوعيه الحجز هل الحجز مسترد الى تاريخ محدد او غير مسترد وهكذا وعلى حسب سياسة الفندق بعضها الدفع عند الوصول وبعض تحجز مبلغ اول يوم فقط وبعضها تأخذ المبلغ كامل في نفس الوقت وتعطيك خصم في حالة الدفع كاش كل هذا راح تجدة في صفحة الفندق في الموقع اللي بتحجز منه عموماً انت لا تشغل بالك بهذا كله راح نتشاور عليه اذا اعتمد الجدول والفنادق اللي بتحجز فيها بس اهم شي يابو فهد تكون عندك بطاقة فيزا

فنادق جاكرتا شوف لي السوق اللي تبغى هل هو شعبي والا فخم حتى نعطيك فندق قريب منه

الطيران الداخلي تقدر تحجز من هنا او اذا وصلت هناك من المطار او بونشاك الحجوزات متوفرة بكثرة خصوصاً في وقت سفرك السياح قليل والرحلات كثيرة

المطلوب منك الان هو اما تعتمد الجدول اللي اعطيتك ويمكن تأخذ يوم من ايام جاكرتا وتضيفة الى بالي او بونشاك خصوصاً اذا ما لك نيه في التسوق اما اذا تبغى تتسوق خليه زي ما هو واذا تبغى تعتمد الجدول اللي وضعت انت ابشر على عيني وراسي يابو فهد

فيصلمعجبون بهذا.

Abofahad · 09-09-2017, 09:46 AM

الله يوفقك ويسعدك دنيا وآخرة واعنذر توني افتح المنتدى كنت مسافر للطايف واسوق امس ولاقدرت ارد عليك....

باذن الله راح اعتمد كلامك

نيتي وصولي الاثنين راح احجز الثلاثاء على بالي واخلي لها على الاقل 6 ليال او سبع بما ان فيها كل هالنشاطات اللي ماعمري سمعت عنها وانا لحالي فعلا قولتكم راح انبسط والفندق للنوم
وبعدها ارجع لجاكرتا ثم اجلس باقي ايامي في بونشاك ولو اضطريت امدد رحلتي كم يوم في بونشاك واعدل حجوزاتي على راحتي بما اني قريب من العاصمة

هذا تخطيطي اخلي اخر ايام السفرة حول جاكرتا افضل

لذلك اعتمد ياغالي 7 ليال في بالي ؟ وش رايك كافية او اخليها 8 بما اني اول مرة اروح لها ؟

بالنسبة لجاكرتا ماني حريص عليها ابد ولا حريص على التسوق

والفيزا معي طلعت بطاقة فيزا الراجحي تسوق

فيصلمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تأكيد وجود حالتين من أنفلونزا الطيور في المحافظات الشمالية لجنوب افريقيا	Oman Knight	بوابة جنوب افريقيا	12	21-08-2017 09:53 AM
محتارين ونبي ارائكم	Bu 3zOz	البوابة السياحية	9	14-03-2016 06:40 PM