اهلا بك ... مثل ما تفضل اخونا فيصل وحبيت اضيف بعض النقاط

عدت للتو من الشمال التركي فاتوقع انك بتلحق على اللون الاخضر ولكن قد لا يكون بذلك الوضع المثالي مثل الاشهر السابقة وغالباً سيكون النهار مشمس والله واعلم

بالنسبة لترتيب الاماكن فاقترح عليك الاتي

بالنسبة لطرابزون

يوم كامل : تزور مغارة شال مع حيدر نبي
يوم كامل : تزور سوميلا وتحديدا المطعم مع هامسكوي
نصف يوم : تزور بحيرة سيراقول ولكن انصحك تطلع فوق لمطعم اكبينار يشرف على بحيرة سيراقول وهو اجمل من الجلوس عند البحيرة .. والنصف الثاني ممكن تخصصه لمنطقة الميدان

بالنسبة لاوزنجول :

يوم كامل : سلطان مراد مع الوقوف على الشلال في بداية الطريق
يوم كامل : تروح فيه لقرية ديمركابي وايضا تخصص في هاليوم جلسة على احد الكافيهات الجبلية المطلة على البحيرة مثل كوم أو قالو اوماد او اكرا
يوم كامل : تستمتع فيه باوزنجول وتستاجر دباب او سكوتر أو دراجة

بالنسبة لايدر وريزا يفضل تخليهم بطريق واحد بحيث تمر على ريزا وانت رايح لايدر بس اهم شيء تحدد وش هدفك من ريزا هل فيه مكان محدد ببالك

بالنسبة للمواصلات الافضل انك تستاجر وتسوق بنفسك ولكن اذا مو حاب هالفكرة فالافضل ترتب لك مع سواق من الان وغالبا بتلاقيهم فاضيين واسعارهم اقل من الموسم .. اهم شيء يكون عندك رقم اكثر من سواق ولا تسافر ببديل واحد

بالتوفيق