08-03-2015, 08:58 PM
|
#1 |
مميز العرب المسافرون
تاريخ التسجيل : Dec 2014 رقم العضوية : 52 الجنس : ذكر المشاركات : 166
|  فنادق بمواقع متميزه في استنبول منطقة (سيركيجي) (ميناسول..امبير..يورستارز)....
** بسم الله الرحمن الرحيم ** (هوش غالدنيز) مجدداً في بوابة تركيا حكتب عن تجربة فندقين جديده بالنسبه ليه في استنبول في منطقه (سيركيجي) Sirkeci وهما ‘‘‘‘‘ manesol old city HOTEL *** empire hotel واضيف لهم فندق سبق الكتابه عنه في موضوع اخر..ليّه Euro Stars Hotel Old City فيصبح المجموع ...تلاته فنادق *رياضيات على غفله ! المهم السبب اني رصيتهم ورا بعض ..لانهم فعلا ورا بعض في نفس المنطقه وعلى امتداد شارع واحد بعد كل عشرين متر تقريبا ..*مو بالضبط يعني ...يجيك واحد منهم يعني كل ماكتب في موضوع فندق (يورستارز ) ينطبق بالنص على الباقين من أماكن قريبه وخدمات وكذلك كل ماسيكتب في الموضوع دا ~~~ اهي البنايات الا يمين الصوره وهما متواجدين ورا بعض تباعاً اخرهم (يورو ستار) خلف المبنى الا يسار الصوره  نبدا بـ ~~~  يعتبر الأقرب لميناء امينونوEminِnü (والعباّرات الا تودي... لاسكادورـsküdar ولكاديكوي Kadıkِy في الجانب الاسيوي) وامام ترام منطقة سيركيجي Sirkeci تنتقلوا منها للسلطان احمد طلوعا وفيها مزارات متنوعه ولمنطقه كبتاش وجمبها محطه مترو (مرمراي) الا هوا المترو الا تحت البحر يوديكم للجانب الاسيوي
وقريب جداً للسوق المصري Mısır اarşısı
ومواقف الباصات الا في امينونو ..توديكم تقسيم ومنطقه أيوب ودلاميش (باصات صفرا صغيره توديكم لمنطقة نيشانتاشيه) فلو كنت من مستخدمي المواصلات العامه
والمشي على الاقدام
المنطقه الا حول الفندق مليانه مواقع للزياره وأسعار الفنادق الا حكتب عنها متوسطه **وقدتميل للرخص في غير أوقات المواسم ممكن توصل (300_400) ووضع الفنادق متوسط كمان مافي شي زايد لكن الغرف زي ماحتشوفوا نظيفه ومرتبه وانتوا احكموا وشوفوا تناسبكم ولا لاء واحجام الغرف متوسطه **مافي وسع زايد لو النقطه دي مهمه لكم وترى منطقه سيركيجي ممتده ممكن تلاقي في بوكنق فنادق مكتوب انها في سيركيجي لكن تكون في شوارع داخليه او منطقه طلوع متعب بالنسبه لفنادق موضوعنا كلها في منطقه منبسطه وعلى ..او اقرب ..ماتكون للشارع العام زي ماحتشوفوا في الصور بس انتوا ركزوا معايا
~~~ و المهم الفندق دا
صاحب الاطلاله الاجمل
بلا منازع بين التلاته المذكورة حجزتوا مباشر من الفندق وانا هناك ,,,  تطل كدا من الاستقبال... تلاقي محطة ترام ( سيركيجي ) قدامك ..ايييه الحلاوة دي ....ياراااجل   الزاروب ..دا ....يدّخل على الاصنصير  ضيافه للنزلاء عند باب الاصنصير  ,,,,,,  بسم الله الجناح حجموا معقول ..مافي وسع زياده ...  الا يفهموا في الفن ( التشكيكي) اظن انها تعبر عن (انا حنام على مخده من ريش الحمام)!!  في دولاب مخشوش مو باين على اليمين *والتكيف ماجربناه لان الوقت (شتاء )
 العــ طلاله ..يالاله ياله يالالا غرق الغرقان اكتر   أيا صوفيا     ~~~      ~~~~~ الحمام اجلكم الله ....بحري ...منفتح ....بايعها على الاخر ...بس في ستاير مااظن... الاتراك ..جايبيننا (يهتروبنا)....    باين مقهى حافظ مصطفى الا في منطقه سيركيجي ؟؟؟ انا هنا واحد قهوة على الريحه لو سمحت  المسا ...ومسا.... لايليق الا ...بأحبابي  ~~~~ وياصباح المسرات والمطرات المنهمرات  الفطور جداً متواضع وغير منوع الجبن تلاته أنواع كلها مالحه ..الا عندوا ضغط... حيتمدد بطولوا ..!! والشكشوكه (مينمين)..مش أوي كلها طماطم! الخضار المقطعه ماكانت فريش ونشيطه!! المهم الفطور كدا بس ...وبالاضافه ان صالة الفطور مكتومه .. في الدور العلوي الأخير من الفندق و المطل ×××× طلعنا اول يوم فوق ..وبعدها طلبت الفطور في الغرفه       ~~~~ ,,, في الغرفه ...مو اظرف؟  .... كمان من عيوب الفندق الاصنصير اتعطل لمده يوم وانفحمت قلوبنا في الطلعه والنزله( الدور السادس) ولمن دخلت سلمت على الا في الاستقبال وشافوني واقف قدام الاصنصير واستنى لاني مااستوعبت اشاره عطلان الا بتطلع في اللوحه ولا يقولوا ترى عطلان !! لغايه مامرت وحده من الا كانوا في الاستقبال وهرجت !!! ولمن كلمتهم كيف يعني اطلع السادس بكل برود يردوا عليه.. ~~~ بطاقه الدخول للغرفه تلاته مرات تتعطل وانزل اصلحها واطلع وبرضوا عطلانه .. والموظف ماكلف نفسوا يجي يشوف المشكله ,, خدمة الغرف بطيئه نوعا ما ..كمان طلبنا مويه ...وكم مره اتصل ...لغايه ماعصبت عليهم حتى جات ’’ لكن (ودا رأي شخصي) العيوب في كفه واطلاله الفندق + موقعوا في كفه وسأعلن من موقعي هذا أن ...مانيسووووول ...هوا الربحاااااان ~~~ تحت الفندق بالظبط كافيه ومحل حلقوم يجلس فاتح لـ 11 مسا   عجبتني     ~~~ و اهو الترام وماخلف الترام البحر (ميناء امينونو)  بس مسافة ماتعدي الشارع  اهو الفندق  وهنا وانا واقف من عند البحر خلوا المبنى يساركم وخدوا يسار ووكملوا على طووول يجيكم السوق المصري   في اللفه حتلاقوا مطعم بسيط عندوا فطور ورز بحليب     ها ياباشا ..شاهي قهوة انت بس تدلل  وكمان كملوا في الزقاق الا عند المطعم تلاقوا محلات مرتبه لحاجات للبيت زي الا في الدور الأرضي في جواهر مول   ودي صور للحديقه الا خلف مسجد امينونو   احب اجلس فيها ...    بقايا موجه التلوج الا جاتهم   حساسيه تدوم لخمسه سنين  السوق المصري   ~~~~~ جمبكم كمان حديقة جولهانه عند (محطة جولهانه ) بعد محطة سيركيجي .. بالمترو تطلعولها او على رجولكم بس تعب لو دخلتوا من البوابه المقابه للترام امشوا الى ااااخرها توصلوا للجهه المقابله للبحر وفي مقهى للشاهي بالسموار وحاجات خفيفه سندوتشات ..وكدا في منطقه مرتفعه     الحمامات العامه في الحديقه ..مااااشاء الله كنوا احد خبطني لمن شوفتها مستوى نظافه باهر الدخول بليره وبنفس بطاقه الباصات والعبارات    البوابه التانيه من جهه البحر والاقرب للمقهى        ممكن كدا وممكن كدا   ~~~~~ بس وانتهينا من الأول وهيا بنا للتاني  ,,,,,,,,,,
التعديل الأخير تم بواسطة مكة ; 12-03-2015 الساعة 08:34 AM |
| |
1الاعجاب
العرض الشجري
المواضيع المتشابهه 
