اهداء لكم من القلب : رحلتي الثانية لماليزيا ( العشق الكبير)

قصة حب · 10-03-2015, 11:43 AM

[ALIGN=CENTER][TABLE1="width:95%;background-image:url('http://www.arabtrvl.com/vb/mwaextraedit4/backgrounds/11.gif');border:4px double orangered;"][CELL="filter:;"][ALIGN=center]

بعد ما خلصنا العشاء في البيتزا و التسوق على اصوله والمشتريات محمله على الأكتاف
والعيال لهم نصيب الأسد

يمه هذا ويمه نبي هذا ....
وانا مالي الا اقول اخذوا يا نظر عيني

عليكم بالعافية
وادفع وابتسامتي نص نص عند الكاشير من هول الصدمة

عليهم بالعافية

فرصة اكثر المحلات فيها خصومات وعروض
والسفر هذه حلاته ترجع الشنط مليانة وكله بثمنه

انا ام مثالية وحلوة وزينة صح ؟؟؟

اليوم الثالث (( سيلانقور ))
*************

بعد ما أصبحنا بحمد الله وافطرنا

اتفقنا مع تاكسي من الفندق لجولة الي :
* الينابيع الحارة
* شلالات سيلانقور
* الماينز

اخذنا 2 تاكسي عائلي
اجرة الواحد 60 رينجنت

القيمة الأجمالية توزع وتقسم على جميع افراد الرحلة
هذا الحلو ان فيه امور نتشارك فيها تقلل علينا المصرف شوي

المحطة الأولي
الينابيع الحارة

هي مجموعة من الأحواض مليانة مياه حارة طبيعية من جوف الأرض
نااااااااااااااااااااااااااااااااااااااار حارة نااااااااااااااااار

اخبرنا سايق التكاسي انها تعالج بعض الأمراض
وشفنا هناك بشر كثير يتسحبون من هالماي
واللي قاعد ومغطس رويلاته

فيه اطفال يؤجرون عليك طشت ومغرفة
اعتقد كانت بــ 5 رينجت واللي يبي يزيد ويحسبها صدقة بارك الله فيه

الأحواض عمييييييييييييييييقة واللي يروح ومعاه اطفال ينتبه لهم
الله يحفظهم

وهذ الحوض للمساج
فيه احجار تمشي عليها واحلى مساج
بس الماي حاااااااار واللي يتحمل هو الشاطر

الجو كان حار نوعا ما لأن الشمس طالعة

والشياب اشكثرهم بنص هدوم
ياخذ ويصب على روحه من الماي الحار

ما شاء الله تبارك الرحمن
كان فيه عايلة سعودية
الأب وعياله اعمارهم 4 5 سنوات
يوقفون بالحوض الصغير عادي ولا كانه ماي حار
ابوهم فرحان فيهم يقول احسن خليهم يتحملون
وزيادة ياخذ ماي ويصب عليهم

الله يحفظهم له صج خوش ناس

اخذنا بهالمكان تقريبا ساعة الا ربع
انصلخنا من الشمس

وتوكلنا على الله الي الشلالات

[/ALIGN][/CELL][/TABLE1][/ALIGN]

أبن السلطنة, abdullah h و sailormoon معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 10-03-2015 الساعة 11:48 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير مجنون إندونيسيا في رحلتي الثانية لبلاد العمة (2014) خلال 3 أشهر	Haksa77	بوابة اندونيسيا	91	18-11-2015 12:43 PM
باسم الله أبدأ ترتيب رحلتي الثانية إلى تركيا ، نستفيد من خبراتكم.	ابن بطوطة	تركيا	19	27-07-2015 08:19 AM
رحلتي الاولى لماليزيا	ام رغد 2011	ماليزيا	21	07-01-2015 03:23 PM