انا كانت لي تجربة في تقرير لم أكمله ..
من بعدها قلت في نفسي .. ليش أحرجت نفسي مع الأعضاء الحين ينتظروني و انا ماقدر اكمل التقرير
قلة الصور و المزاج العام ماكان يرغب في الكتابة ..

فصرت اسوي مثل ماقالوا بعض الاخوان .. اكتب تقريري في ملف وورد
و اصغر الصور و اجهز كل شي .. إذا قدرت اكمل التقرير أحطه في المنتدى
و اذا ماكملته عادي ما أنحرج مع حد


و احط لنفسي تحدي مثلا مايقل كل يوم عن 15 صورة
أحاول أكتب باللغة العربية الفصحى مثلاً و بدون أخطاء املائية
أتذكر نشبت لي كلمة برد قارص أو قارس .. ودخلت في معاجم اللغة العربية و راح اليوم كله و انا مب عارف أكتبها قارص ولا قارس هههه
فالواحد يستفيد من الكتابة و ينمي قدراته

أنا أكبر تحدي بالنسبة لي تصغير الصور و تحميلهم .. هذا الي يخليني اكسل
اعتقد تطبيق الجوال وايد سهل الموضوع , لكن مازلت متعود على الكمبيوتر اريح الصراحة
بيرقراطي مقاوم للتغيير هههه


و انا مع راي الاخوان الواحد اذا شاف الموضوع كبير عليه و مايقدر يسرده بطريقة الأيام
يختصره في تغطية معالم معينة متحف ولا مول ولا مباني أو الفندق مثلا ..

أو يعطي نبذه مختصرة عن الرحلة مع أجمل الصور الي التقطها


لأن بعض الاعضاء ماشاءالله عليهم يكتبون أشعار و تزيين للموضوع و كلام , أنا اشوفه و اقول ماشاءالله شلوون هذا له مزاج يكتب كل هذا هههه
فنجي احنا الاعضاء البسيطين نحاول نجاريهم ولا أحنا الي كتبنا بالمختصر ولا أحنا الي عملنا تقرير مميز هههه


موضوع مهم ان نتناقش فيه
الله يعطيك العافية