توني انتبه للموضوع تأخرت وايد هههه

ماشاءالله عليك ياخالي
لك تجارب جميلة في الشمال التركي
و الحلو فيك انك ماتبخل بالمعلومة على حد
الفضل لله ثم لك في نجاح رحلتي السابقة للشمال التركي
جزاك الله خير و ماقصرت


أحب أضيف بعض النقاط للموضوع بعد اذنك
توكات مدينة جميلة على الطريق تابعت واحد زارها في السناب شات
فيها مغارة و شلال جميل هذي احداثيته
https://goo.gl/maps/NoLXb8ueVds

و فيها فندق فخم و رخيص و في وسط المدينة
و السنتر فيها جميل على النهر
هذا الفندق https://goo.gl/maps/FWiGWWu7ek82
وهذا مجمع تجاري فيها https://goo.gl/maps/Y8sAvqGeyK82
ووايد مطاعم حلوة على النهر و الحدايق على حسب تصوير الي تابعته

و طبعا قريب منها بحيرة آلموس الي ذكرتها
و اتمنى اني ازورها باذن الله في رحلاتي القادمة
https://goo.gl/maps/qTcztAKJTX92


اما بارشمبا شهادتي فيها مجروحه
و ندمان اني ماجلست فيها أكثر ..
هذي الأكواخ الي سكنتها https://goo.gl/maps/HAUGKzJ43QM2
عبارة عن منتجع فيه اكواخ و حديقة ومطعم و بقالة صغيرة
و عامل المنتجع رجل بشوش و طيب , والمكان جميل مايتفوت

بس شرايك خالي في الطريق من بحيرة اولو قول الي أشرت اليها
إلى بحيرة ايباستي بدون الرجوع لأوردو .. يعني من طريق الريف
قوقل ماب يعطيني طريق ريفي 40 كيلو في ساعةو45

و مثل ماقلت حلو الواحد يطلع شوي من زحمة طرابزون وماحولها
الشمال كله حلو و أنا عجبتني سامسون الصراحة و سجلت فيها أماكن ودي أزورها مستقبلا
ودي أجلس فيها أسبوع على الأقل .. و ودي أنزل موضوع مثل موضوعك عن اماكن حلوة فيها و في أريافها
لكن بما اني مازرتها ماقدر أحكم عليها ..

غير المناطق الي بعد طرابزون بالقرب من جورجيا مثل ارتفين و شافشات ..

متى بنروح كل هذا .. غير ان بورصة ما كملت المناطق فيها ولا بولو ولا دوزجى
و ابي ازور اسكشهير و سفران بولو و سينوب

هذا العمر يخلص و المناطق ماتخلص هههه

و الاستكشاف قد تتوفق فيه و قد يخيب ظنك
تخاف تودي حد معاك و ماتتوفقون و يلومك بسوء التخطيط


الله يعطيك الصحة والعافية يا خالي و نترقب جديدك دائما ..