14-03-2015, 04:53 AM
|
#1 |
مسافر متميز
تاريخ التسجيل : Jan 2015 رقم العضوية : 1432 الجنس : ذكر المشاركات : 175 | اجمل ايام حياتي في جنة الله على ارضه ... ليالي باريس ((الحلقة الثانية عشر-الجزء الثاني)) اليوم الرابع عشر من الرحلة بتاريخ 3\5\2014 هنا كان اليوم الخامس والأخير في زيلامسي ... وحان وقت التوجه الى باريس عن طريق مطار ميونخ ورحلتنا كانت الساعة 4 العصر. سلمنا الشقة في حدود الساعة 10 الصباح وخرجنا الى المطار ... وصلنا المطار تقريبا الساعة 2 الظهر وسلمنا السيارة في المطار وعلى الطيارة وصلنا باريس تقريبا الساعة 5 ونص العصر وأول تاكسي على الفندق .. وصلنا الفندق الساعة 6 ونص العصر صورة للفندق من نافذة التاكسي الفندق بالنسبة الي جيد جداً ... الموقع مناسب ولكن ليس ممتاز الغرفة نظيفة والخدمة جيده ولكن حجم الغرفة صغير وللمعلومية الغرفة هذي ديلوكس وليست ستاندر ... غرف الاستاندر اثاثها قديم جداً الحجز كان بسعر 2760 ريال لثلاث ليالي .. والسعر يعتبر ممتاز بالنسبة لباريس ... لان نادر أنك تلاقي غرفه في باريس وبالقرب من الشانز بأقل من 1200 سعودي ريحنا شوي وتوجهنا الى شارع الشانز الشهير وهنا قوس النصر في طريقنا الى الشانز وصورة لبرج ايفل من اعلى القوس شارع الشانز من اعلى القوس وفندقنا يقف شامخاً كأنه أحد معالم البلاد الدرج الي يركب بقوس النصر متعب ويجيب دوار الراس وهذي صوره له وأخيراً شارع الشانز .. الي كنت احلم فيه وطلع خرطي هههههههههههههههه وهذي عقوبة الي يوقف غلط في باريس .. احذروا يا شباب والله السيارة مش حقي بس عورني قلبي عليها وطبعاً لازم اول زياره لشارع الشانز يكون فيها مطعم بينو الشهير .. وكذا أنتهى يومنا الأول في باريس ... ((الحلقة الثانية عشر-الجزء الثالث)) اليوم الخامس عشر من الرحلة بتاريخ 4\5\2014 اليوم الثاني لنا في باريس وتوجهنا الى متحف اللوفر ... (( ااااخ بس ليتني ما رحته ولا قربت منه )) هههههه المهم ان الي ما يحب التراث لا يروح ول يقرب ... زحمممممه وعالفاضي عالعموم هذي شوية صور من المكان وبعدها على برج ايفل ويا سلام عليك يا برج ايفل ... هنا الوناسة مو المتحف ولما قربنا قررنا نركب فوق ... الا الطوابير طويييييله وفي جهة طابورها قصير رحت اسأل قالوا الطابور الطويل للركوب باللفت ... والقصير للركوب على الدرج... هنا انا انصدمت كيف درج .. هذا سبايدرمان ما يركبه قالوا لا لا ا استهدي بالله تركب درج للوسط وبس والباقي لو بغيت تركبه تكمله بالاصنصير وحتى لو ركبت الحين بالاصنصير ... مضطر بعدين تحجز وتصف مره ثاني في الوسط عشان تكمل للقمه بالاصنصير قلنا عجل توكلنا على الله وعالدرج صوره لنهر السين من الأعلى صورة لحديقة البرج من الأعلى وكالعادة فندقنا يقف شامخاً وبعدها ريحنا وصلينا الظهر في الفندق وخرجنا من جديد وهذي سيارات للي يحب يجرب السيارات الرياضية الفاخرة المطعم كجودة اكل ممتاز جداً .. لكن السعر غالي بشكل مبالغ فيه وبعد العشا تمشينا شوي في شارع الشانز وبكذا انتهى يومنا الثاني في باريس انتظروني بأذن الله مع الحلقة 14 من التقرير واليوم الثالث في باريس ... |
| |