وعليكم السلام
الله يحييك بيننا

ما شاء الله اسم معرف متميز

ما قصر ابو راكان الخبير الاسكندنافي

طالما اثنين اشوف الشغلة مقدور عليها بس محتاجة شوي ترتيب
مسار الرحلة المقترح حسب راي حضرتنا

الرياض فرانكفورت الرياض ذهاب وعودة نشتريها من عطلات السعودية
وهذي راح تكون محطة تسوقنا بالنهاية

من المطار نتوجه الى كوبنهاقن ونعتمد النرويجية او ساس ايهما ارخص
ونقضي فيها 3 ايام ومن هناك نفس الطيران على ستوكهولم ونقضي 3 ايام
ومن ستوكهولم الى اوسلو 7 ايام نستلم السيارة وعلى بيرجن ونزور فلام واللي حواليها
ومن اوسلو على فرانكفورت 2 يوم للتسوق

فرانكفورت
كوبنهاقن 3 ايام
ستوكهولم 3 ايام
اوسلو 7 ايام
فرانكفورت 2 يوم

الان لو عندكم زيادة ايام ممكن تضيفون هنا وهناك

مهم جدا نختار السكن بعناية من موقع airbnb وترى حتى 3 نجوم عندهم نظيف جدا

الدول الاسكندنافية من ناحية الطبيعة شي خيالي وتعامل راقي جدا
لكن الحياة فيها اقل من اوروبا الغربية يمكن استثني ستوكهولم الرائعة
اشبه ماتكون بحياة الريف وكل واحد بحاله في اسكندنافيا
لا يمكن مقارنتها بحياة لندن باريس امستردام او حتى فرانكفورت