السلام عليكم

اخوي المعلوم انك من الشرقيه لذلك ان حبيت ارخص سعر تذكره راح يكون من الكويت اذا هي قريبه منك اما ان كنت بعيد شوي فخلك على البحرين لانها في العادة ارخص من لو اخذتها من الدمام

الخطوط احرص عل الاقل وقت وترانزيت يكون فيها مايتعدى ساعتين او 3 بالكثير لانك بتتعب في المطار اذا طالت المدة اكثر

لندن امنه ولاتستدعي كل هذا الخوف خلك حريص بس ونبيه وامورك ان شاء الله انها طيبه ولاتنسى ذكر الورد اليومي

وبالنسبة للمكاتب انا ماانصحك ابدا بغض النظر عن الشركة المقدمة للخدمة واسمها انت في عصر الانترنت وكل شي عن طريقه ورسمي وامن وافضل

بالنسبه للسكن طبعا وبدون تردد بما انكم 2 فقط ارشح لك الفندق ويكون مع الفطور شامل عندك 3 مناطق لا تتعداها في السكن اولا اسعارها مناسبه ومواقعها جميلة

النايسبريدج _ المايفير _ كنزغتون _ حول الاكسفورد ستريت

بشكل عام خلك قريب من الهايدبارك ولاتبعد