مقترح لخطتي لزيارة كاليفورنيا + لاس فيقاس

بو فيصل · 30-05-2018, 01:26 AM

اقتباس : المشاركة الأصلية كتبت بواسطة قطرية كول

رأيي المدة قصيرة وأربع مدن وايد عليها والتنقل متعب سواء بسيارة أم طيارة مهما كان الجو حلو ومهما كان الطريق جميل .. وتحس أنك في صراع مع الوقت يوميا تجري تبي تخلص الأماكن الموجودة بالمدينة مما يلغي متعة السفر
أتحدث عن تجربة -كنت كذلك في السنوات السابقة- ولكن الحمد لله غيرت مفهومي عن السياحة السنوات الثلاث الماضية فارتحت وارتاح من معي

سان فرانسيسكو إذا مصر عليها يومين تكفيها مافيها زود يكفي جوها البارررررد البرودة المزعجة اللي تدش بالعظم مو زي برد أوروبا حتى في الصيف وشوارعها المتعبة اللي على تلة مرتفعة والجسر الذهبي مامن زود ولومبارد ستريت مايسوى

بس لو مصمم تروح لها انصحك بالباص السياحي يلف بك المدينة كاملة في يوم واحد واليوم الثاني خليه في الفيشرمان وسجن الكراز وقضينا

كذلك لاس فيجاس ماتسوى العنوة سياحتها سياحة فنادق ومولات وحرها قااااتل والعروض ممكن تلاقي بعضها في ولايات أخرى
رأيي تكون سفرتك على عدد أيامك فقط لوس انجلوس وسان دييغو الجميلة واترك السفاري عنك ماتسوى ومامعك أطفال والسي وورلد راائع..
وإذا مصمم تشوف لاس فيجاس فممكن ترروح لها من الصبح من ساندييغو وترجع الليل مجرد أنك تشوفها عن خاطرك إذا مصر تروح لها..

أنصحك بشربحة T.mobile

هذا رأيي والأمر متروك لك

مشكورة اختي على ردك الوافي

انا من محبين الأماكن اللي فيها حركة كثير عشان كذا جدا متحمس للاس فيقاس

سان فرانسيسكو كثير يقولون انها مدينة جميلة لكن كلامك يؤيد بحثي ان مافيها اشياء كثيرة

تستاهل الزيارة وبخليها ثلاث ليالي عشان الطريق لو كان سيارة يكون عندي وقت

بالنسبة لكثرة التنقلات ماعندي مشكلها فيها وميزتها بالنسبة لي انك تغير ومايصيبك الروتين

شكرا لك مرة أخرى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقريرى عن " لاس فيقاس - LAS VEGAS "	BoAziz2001	بوابة امريكا	32	31-03-2019 02:19 PM
افضل عرض شو مناسب للأطفال في لاس فيقاس	ليالي	بوابة امريكا	9	01-09-2016 08:19 AM
هنا كاليفورنيا	sa1000	بوابة امريكا	3	02-08-2015 09:21 AM
شقق آمنه في كاليفورنيا	sa1000	بوابة امريكا	1	12-07-2015 04:37 AM
استفسار عن كاليفورنيا	q-guy	بوابة امريكا	4	23-03-2015 07:22 AM