اخواني
قدمت قبل اسبوع على السفاره الالمانيه والغى احد الفنادق حجزي والمشكله انه اول فندق ليا بالمانيا ورجعت حجزت نفس الفندق وكلمت بوكينغ وقالو ان الفندق مايقدر يرجع لي نفس رقم الحجز اللي سجلته بالسفاره
هل ممكن السفاره تلغي فيزا الشنغن لهسبب على الرغم انو اوراقي كلها كامله ؟؟؟؟؟؟؟

الله يعين


دايم ننبه على هذي النقطة
الغاء حجز الفندق من اسباب الرفض بالطبع


الان يعتمد الموضوع على من يراجع الطلب
احيانا يمشيها واحيانا يطلب من المكتب التواصل مع المتقدم
لاحضار حجز جديد و احيان اخرى يرفض الطلب


وان شاء الله تتسهل الامور
نصبر و نشوف

بعض الفنادق نكبات والله

يهمني معرفة ايش حصل معكم؛ لأني وقعت في نفس الخطأ مع السفارة الإيطالية

أتصلي على بوكينج مو من حقه يلغي إذا بطاقتك الإئتمانية سليمة ، وخلي بوكينج يهددهم



أول شيء شيء إستخدام اللين والتعاطف ، إذا مانفع بعدها الشدة

انا من حضرت للموعد الخميس اللي فات بجده

جاء الدور حقي عند موظف هندي

قاعد يراجع بالاوراق . وقال لي وين حجز الفندق ؟ قلت له مكتوب بالنموذج حق طلب تأشيره الشنقن .

قال لي لا ماينفع لازم ورقه حجز وتطبع من الموقع وقال لي فيه مكتب برا يسويه لك وسويته من المكتب ب 50 ريال الشغله نصب بنصب

واخذت رقم من جديد وجاء دوري عند موظفه وقامت تراجع بالاوراق وقالت لي ذا حجز جديد للفندق قلت اي وقامت وعدلت الحجز اللي انا مسويه قديم ومكتوب بنموذج الشنقن

ومشت الامور تمام .

بس اللي حاب انوه عليه ومريت فيه :

التأمين ضروري يكون مختوم من نفس المكتب اذا سويته من موقع التعاونيه بدون ختم يقولك روح ختمه ولا سوي تامين جديد والمكتب اللي برا عمله لي بدون ختم وقال مضمون يمشي ودفعني 450 ريال

وانا مسويه بموقع التعاونيه 141 ريال بس مافيه ختم ولا معي وقت اروح اختمه من المكتب حق التأمين .

الشي الثاني : الصور
انا لاحضت الاغلبيه رفضو الصور اللي معهم . يعني يبونك تتصور عند مكتبهم برا الشخص 30 ريال

وانا مو شايف فرق باللي معي .......

واسف اذا طولت بالكلام بس شي يقهر والله . وان شاء الله عاد بعد ذا كله تجي الفيزا.