بالنسبة لفندق هيلتون جاردن إن إسطنبول سكنت فيه الشهر اللي فات لمدة 4 أيام

كفندق هادئ جدًا ونظيف جدًا وتعامل الموظفين ممتاز يتحدثون الانجليزيه طبعًا أول ما توصل الفندق تلاقي موظف يستقبلك ويرحب فيك ويأخذ منك شنطتك .. بالنسبة للسعر حجزت اول يوم فقط لأن اليوم الثاني رحلتي كانت على انطاليا سعر الفندق من بوكينج كان 178 ريال اخذت 3 ايام في انطاليا ولمن رجعت اسطنبول توجهت على نفس الفندق لقيت السعر دبل قالي الأسعار تتغير بين فترة وفترة وفعلاً شيكت بوكينج السعر متغير تقريبًا 315 بس الصراحه ما زال السعر ممتاز مقارنة بالنظافه والانترنت وعندهم فطور 60 ليرة للشخص بس ما جربته .. لا تسألني عن الأشياء الثانيه بالفندق لأني أطلع من الفندق الصباح وما أرجع الا في الليل وقت النوم .

السلبيات : الموقع بعيد عن الاماكن اللي بنروحلها يعني أقل شيء 40+ دقيقه.

باختصار لو يهمك نظافة الفندق والانترنت وتعامل الموظفين والسعر يكون مناسب راح تحصل الشي هذا في الفندق
واذا كان يهمك الموقع فالأفضل تبحث عن فندق آخر.