السلام عليكم اخوي ابو الريم ، أنا من يومين رادة من الجميلة سريلانكا، اللي كانت رحلتي لها مفاجأه بدون وقت كافي للترتيب و ما كنت متوقعتنها بهذا الجمال و ان شاء الله بساعدك باللي اقدر عليه:

1 - كيف ستكون الأجواء شهر 12 هل هي مناسبة للسياحة

ما اقدر افيدك ، الافضل الرجوع الى تقارير الخبراء منهم الاخ ابن بطوطة ، بس بشكل عام اللي اقدر اقوله من خلال زيارتي لاربع مدن في سريلانكا خلال شهر يوليو 2018 :

1. نيجمبو : الجو فيها شوي حار رطب لانها قريبة جدا من البحر
2. كاندي : الجو فيها ربيعي على امطار خفيفة و ما تستمر وقت طويل
3. نواراليا : لانها فوق الجبل باردة جدا جدا و انصح تاخذ احتياطاتك من لبس ثقيل للياهال، و اللي اعرفه انها دومها باردة بس اللي لازم تتأكد منه هو معدل نزول الامطار.
4. كولمبو : حارة بس مقارنة بدول الخليخ لا شي، يعني درجة الحرارة فيها 32.
5. بشكل عام الاجواء في سريلانكا ما تتغير وايد ، بس لازم تتأكد من نسبة الامكار عشان في بعض المدن لما يكون في امطار غزيرة ، تتقفل بعض المزارات مثل رحلات السفاري، ممكن شركات السياحة يفيدونك.

2 الرحلة ستكون 12 يوم او اقل اريد جدول مناسب

بما انكم عائلة فاللي اشوفه انه كل ما المدة شوي اطول كان احسن، قد يختلف معي البعض، خاصة ان الاكثريه يشوفون ان سريلانكا حدها 9 ايام.

بحط عليكم جدول في رد منفصل عشان ما تضيع

3- أسماء الفنادق او المنتجعات وتكون مناسبة في السعر مب غاليه وايد

بما انكم اسره ، فالافضل تنوع في السكن من بين فنادق و شقق مفروشة عشان ما تتعب من موضوع اكل الاطفال ، لان الاكل في سريلانكا شوي بيتعبك ، لكن اذا اعتمدت على بعض المواد تاخذها من بلدك بيوفر عليكم التعب اضافة ان الشقق في سريلانكا نظيفة و مستواها راقي و تكلفتها اقل بوايد من الفنادق.

4- صور ابنائي ف الجواز من لما كان أعمارهم شهرين هل يجب تغير الصورة ف الجواز لصورة حديثة
يعني اذا ما غيرت الجواز هل ستواجهني مشاكل
اعمار الأطفال الآن 5 و 2

ما عنده فكرة. الافضل تتأكد من القنصلية

5- مبلغ (1000 ريال عماني) أي ما يعادل 10000 سعودي هل تكفي لهذه المدة لتكاليف السكن والتنقل
داخل سيرلانكا وتذاكر المزارات والاكل

اتقوع ان المبلغ يكفي لكن بدون تسوق ، اللي فاجأني ان سريلانكا فيها وايد اماكن حلوه للتسوق و الاسعار فيها رخيصة بفرق العملة، اعتقد المدام ما راح ترضى الا انها تتسوق.

6-هل هناك سائق امين سبق وتعاملتم معاه ارجوا تزويدي برقم جواله

تعاملنا مع سائقين:
1. الاول مسلم و خذت رقمه من المنتدي و للاسف طلع غشاش و اماكن المزارات كان يزيد علينا الاسعار و ياخذ عمولة. بعدين غيرته .
2. الثاني بوذي و طلع امين اسمه سوريش رقم 94770660036

7 -خل يحتاج الى تأشيرة دخول وكم سعرها

الافضل تتأكد من القنصلية في بلدك

8- هل الأفضل الحجز من بوكينج او من شركات هناك

عن نفسي حجزت من بوكينج ، جربت الشركات عطتني اسعار غالية

9- هل هناك نصائح أخرى

ما راح تحتاج سائق داخل نواراليا و بنتوتة، بالافضل بدل ما تلتزم مع سائق ياخذ عليكم 50 دولار في اليوم ، اتنقل عن طريق التكوك توك داخل بنتوته و نواراليا.

لما تتفق على اسعار رحلات او تروح تتشرى ، حاول تتعامل مباشرة مع مقدم الخدمة و اتأكد من الاسعار قبل لا تروح مكان.

ادري طولت عليكم بس السموحة منكم ابي اعرف هالمعلومات

اي استفسار ثاني ، فالك طيب.