انا مسافر لإسبانيا في شهر نوفمبر المدة راح تكون 15 ل 20 يوم انا وزوجتي وطفلي ابي اقسمها ع الجنوب الإسباني مع مدريد وبرشلونة ابي خط سير ممتاز واقتراحاتكم الجميلة ما استغني عنها لانكم أهل خبره ومراح تقصرون ان شالله واذا فيه اي اقتراح ثاني لان المدة كثيره ع اسبانيا ياليت تفيدوني وأكون شاكر ومقدر تعاونكم

تروج وترجع بالسلامة، اول شي حط في بالك الجو راح يكون بارد والنهار قصير..

اول نقطة انت وين بتنزل؟ اذا في مدريد فا راح تكون بالمنتصف مابين برشلونة وملجا عاصمة الجنوب الاسباني..


مدريد يومين كافية وممتازة له وعندك طليطلة قريبة لمدريد تقدر تزوها تبعد تقريبا ٧٥ كيلو..
الجنوب الاسباني عندك ملقا وماربيه وغرناطة واشبيلة وقرطبة. تقدر توزع الايام بينهم واهم شي يكون معك سيارة عشان تتنقل بينهم، السواقة ممتعة هناك ملقا تعتبر السنتر بينهم..
كانت لي زيارة لجنوب اسبانيا قبل كم سنة وسكنت في ملقا ووزعت الايام مابين هذي المدن.
برشلونة لم يسبق لي زيارتها لكن اتوقع ٣-٤ ايام مناسبة له، وهذا تقرير عن برشلونة خذ فكرة عنها.

https://www.arabtrvl.com/vb/t713.html





بالتوفيق..

هذا تقرير عن الجنوب الإسباني وما حوله من دول ان شاء الله تستفيد منه



اضغط هنا

في إبريل 2015 رحت اسبانيا خط السير التالي

الوصول مدريد على الخطوط القطرية
4 أيام
و منها زيارة يوم واحد إلى توليدو (طليطلة) بالقطار و اخترنا شركة سياحية من محطة القطار تلفنا على المدينة بحكم ان المدة قصيرة و نبي نشوف المدينة كلها
حجز القطار كان عن طريق المحطة الرئيسية في مدريد الذهاب اول قطار الصبح و العودة آخر قطار مساء (تأكد من الاوقات اتوقع تختلف من شهر للثاني)

و بعدين اشبيلية بالقطار
الحجز ايضا عن طريق المحطة الرئيسية
لمدة 3 أيام

آخر شي برشلونة
و أيضاً بالقطار و الحجز من محطة قطار إشبيلية في يوم الوصول
لمدة 3 أيام

والعودة عن طريق الخطوط القطرية من برشلونة

اتوقع كان الافضل نقلل ايام اشبيلية الى يومين كفاية
بس احنا ما كان عندنا سيارة و ما حبينا نتنقل بالقطار اكثر

مع ان القطار مريح و الاسعار مو ذاكرتها بالضبط لكن معقولة جداً و يتوفر الاكل و الواي فاي و اماكن للشنط في القطار


موفقين

رحلة سعيدة

وننتظ رتقريرك لاجيت باذن الله

inchalah

رحلة سعيدة