تسلم بو فيصل على هذا التقرير والمعلومات المفيدة اللي فيه

مسار سيركم جميل

الفنادق قرب مطار لوس انجلوس اسعارها ممتازه ولكنها احسها بعيدة شوي عن اهم الاماكن السياحية خصوصا وقت الزحمة ولكن ما يميزها هو سعرها

الموقع اللي حجزت فيه لديزني لاند وسكس فلاغ ممتاز واكيد بيستفيد من الجميع

مواقف السيارات اللي وقفت فيها في شارع هوليوود و ايضا سانديييجو اول مره اعرف انه لازم تشتري شي ويختمون التذكرة لك وتطلع المواقف مجانا او ساعتين او 3 ساعات , معلومة جميلة تشكر عليها اول مره اعرف عنها

طريق المحيط من لوس انجلوس الى سان فرانسيسكو من اجمل الطرق وكنت اتمنى لو وضعت لنا بعض الصور له

فندق VENETIAN من اجمل فنادق لاس فيغاس وموقعه ممتاز والغرف فيه كبيرة كأنها سويت واختيار موفق له
وعرض o show هو من افضل العروض في لاس فيغاس

لاس فيغاس فيها اوت لت ممتاز ما ادري زرتوه او لا

وشكرا على معلومات تكلفة الرحلة واشوف المبلغ اللي دفعتوه ممتاز لكامل الرحلة خصوصا انكم زرتوا اشهر المدن والاماكن السياحية اللي فيها .. وهذي ميزة امريكا انك تقدر تحدد مستوى الصرف على حسب ما يناسبك ويناسب ميزانيتك

وتسلم ابو فيصل ويعطيك العافية على هذا التقرير