ماليزيا واندنوسيا عشق لاينتهي واحلى عيدية

البحار · 15-12-2018, 08:22 PM

السلام عليكم
تحياتي لكم وطابت اوقاتكم

والله ياجماعة وصلنا الى بيدقول الجميلة ضهر ذالك اليوم الجميل وكنت ناوي الجلسة والاستراحة لبقية ذالك اليوم لكن لحظات وتغيرة الاجواء وهطلت امطار الخير والبركة فقلت في البداية بس اروح للبلكونة واخذ كم صورة واستمتع بالبراد والمطر . تعالوا نشوف بعض الصور من البلكونة

تدرون ياجماعة والله ماينفع شي اسمه بلكونه تعالوا نخرج شويتين ونشوف الاجواء مع هذي العصرية الجميلة

والله هالحين تشجعت مع الجو ورذات المطر وقلت اواصل السير لكن مااخذت معي مضله ايش الحل

شوفوا الحل ياجماعه واحده طيبه محترمه من موضفات الفلل شافتني اتغرق من المطر جاتني تجري واعطتني مضله شكرأ لهم ولطيبتهم

وزيميلاتها يلقون التحية بابتسامتهم المعروفه

مدام فيها مضله هالحين ومطر وبرد وجو خيالي لا والله بواصل السير واكتشف المنطقه

بقالة صغيرة في المجمع

سيارات المنتجع وهي للايجار لو بتروح اي محل والاماكن القريبه يودونك بلاش

مبنى الاستقبال وقت المطر وطالما اني وصلت هنا شجعني الجو اخرج لو شوي للشارع اشوف الاجواء

والله ياجماعه الجو غرام رجعه مافيه رجعه مواصل مواصل واستنعم بنعمة الله واكتشف اكثر

ياسلام ياجماع شفت هذا الطريق وشكله طريق مزارع والجو يشفي العليل خلوني اروح هناك واشوف

مااحلاه من مشهد مع المطر لاشجار الموز والمنقى والبرتقال ومزارع الفراوله والمطر اشتد بس بواصل متوكلأ على الله رغم خلو المنطقه تمامأ من الناس

مزارع الفراوله

اشتد المطر ياجماعه ولكن الحمدلله اشوف قدامي مباني وجمبها زي المطعم وعنده كراسي اروح اتضلل من المطر الين يخف واشوف ايش فيه هناك

ياسلام محل لبيع عصير الفراوله الطازجه والفراوله مااحلاها من استراحه وتناول عصير الفراوله مع هذا الجو البارد المنعش

هذا الكوب الطازج ماشاالله في هذا المكان الجميل ب 3 ريال

فاتورة الحساب ب 3 ريال

هذه الجلسات الجميلة لتناول الفراولة الطازجة والاكلات الخفيفة

منظر البحيرة مع المطر

وبعد ان اقترب المغيب اغادر هذا المكان الجميل للتوجه الى الفلل وتناول طعام العشاء في مطعم الفندق ولي موعد مع هذا المكان الجميل يوم غد باذن الله بصحبت العائلة ليتذوقوا هذه الفراوله الطازجة ونحن في طريقنا للبحيرة

وهنى اسدل اليل بستاره مودعين يومنا الاول الجميل في بيدقول الفاتنة

سبحان الله الامطار مستمره بدون توقف حتى طوال اليل

موضفات المطعم يغادرون على الدبابات مع المطر بعد اقفال المطعم

فيديو لجولة المطر

تحياتي والتقيكم في اليوم التالي باذن الله وفي امان الله

القادم, توبليرون و السليم معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اثيوبيا عشق لاينتهي	أبوهمس	بوابة اثيوبيا	11	29-01-2020 08:12 AM
سيرلانكا العشق الذي لاينتهي ( صيف 2016)	الإماراتي	بوابة الهند وسيرلانكا	50	01-09-2017 08:07 PM
~ღǒღė~ كافيه The Bakery~ عشق لاينتهي ~ღǒღė	قصة حب	ماليزيا	24	24-01-2016 10:13 AM
هل أستطيع السفر قبل ماينتهي الجواز بخمسة ايام	ابا رواء	البوابة السياحية	9	28-12-2015 11:00 AM