صبحكم الله بالنور

ومساكم الله بالخير

الحمدلله على سلامة وصولي الى ارض الوطن بعد غياب 4 شهور [emoji16][emoji16]

وانا كنت غايبه عن الديره ولهانه على يمعة البنات و طلعتنا المعتاده و خصوصا أني ما شفتهم تقريبا من شهر 7

وانا في كليفلاند كنت أقولهم جهزوا حالكم حق الطلعه

ام ريمه فاتني العشا ولا لي الشرف أتعرف عليها البنات ماقصروا معاها الحمدلله

بعد رجعتي بالسلامه اتفقنا نتواعد ونتعشا في مكان حلو

اتفقنا على مطعم البندر في فندق الفورسيزون

وتم الاتفاق على يوم الاربعا اللي طاف 12/19

الاتفاق بعد صلاة العشا نطلع بس انا طلعت عقب صلاة المغرب قلت اشوف المطعم يمكن ما يعجبنا نقدر نبدل قبل ما يوصلون

رحنا انا ومنال

وهذا الفندق من برا



موقع الفندق و خصوصا الفورسيزون يبيله إطلاله معتبره بصراحه انا مو حابه موقعه مع انه يطل على الكويت بس كنت أفضله على البحر وايد احلى ..

اللي بالصوره فوق شكل المطل اهني المطعم بس ما يطل على شي



الفندق على الدائري الاول يقع على شارع السور
مقابل مجمع ديسكفري للأطفال و صالة التزلج و حديقة الشهيد
وقريب حيل من المباركية والأوبرا تقدرون تروحون مشي



المواقف طبعا بس للنزلاء اما الزوار اما اليه او مواقف ديسكفري







المدخل
طبعا التصميم من داخل حلو ما نختلف عليه



استقبال الفندق و في ستاربكس على قولتهم قهوتهم غير مو في كل ستاربكس تنوجد الا الفورسيزون و برج كريستال الدروازه..





اللوبي قعدته حلوه









نصعد البندر الدور الرابع




Sent from my iPhone using Tapatalk