الله يجيب العواقب سليمه

مره انسرق بوك اختي بعد ماطلعنا من محل وشكينا انه انسرق بالمحل
وقلنا للموظف انه نبغى نشوف الكاميرات وبنفس اللحظة خلينا سواقنا يكلم الشرطة

كان موضوع انهم يشوفون الكاميرات يحتاج ياخذون موافقة المدير ولازم يجي.. وفعلاً دقو عليه وجاء وجت الشرطة والله واللي يحرمني عافيتي لو اكذب كانو كلهم في قمة الذوق والأحترام


انا ماقلت السالفة عشان اقنع أحد انه الوضع امان والتعامل زين بس استغرب المبالغة في تخويف الناس..

ولو الموضوع سياسي ممكن يكون كلامكم صح .. بس ليه ماقلتو نفس هالكلام لكل الدول اللي الأعلاميين فيها اتهمو قيادتنا وخصوصاً امريكا بريطانيا



بصراحة موضوع التحذير من السفر لتركيا أخذ أكبر من حجمة وهالشي من قبل قضية خاشقجي ..وكأن الناس أوصياء علينا مره عشان سرقات ومره عشان تعامل سيء ومره عشان السياسية

كل المدن فيها سرقات واشهرها لندن و باريس ولا أحد حذر الناس من السفر لهم!!


اللي يبي يسافر لتركيا هذا اختياره الله يحفظة واللي مقاطع هذا اختياره وله كل احترام وتقدير

الله يحفظ الجميع