تركيا اصبح فيها السائح السعودي بحيرة من امره اما انه يسافر ويبقى على اعصابة او يغير وجهة سفرة لبلد اخر
حقيقة كثير تردنا تحذيرات ومواقف تصير للسائح السعودي من مضايقات ونصب واقلها تلفظ بالفاظ سيئة ويقع في مواقف محرجة اما بالرد او بالسكوت ويرضى بالاهانة مع ان بعض السعوديين يلجئون للسفارة والقنصلية في تركيا ولاكن لايوجد حل سوا العودة لارض الوطن طبعاً لانعمم على جميع الاتراك ولكن يوجد شواذ ومن هو حاقد على بلدنا والمشكلة لايوجد اجراءات صارمة من الامن التركي بمجرد معرفتهم انك سعودي

وكذلك يوجد سواح سعوديين سافروا ورجعوا ولم يتعرضون لأي مضاقات

لايوجد تحذير من السفارة السعودية ولكن نكتفي بتهديدات وزير الداخلية التركي قبل فترة وعلى الهواء مباشر والتي اختص فيها السعوديين وكذلك الكثير منا شاف مقاطع الفيديوهات المصورة ع الواتساب وعلى التويتر وماتعرض له السعوديين هناك

انا اتكلم ولي قريب في القنصلية في اسطنبول قبل اقل من اسبوع كان متواجد في الرياض وقابلته وكنا نتكلم في هالموضوع وعن الامن في تركيا حقيقة قال لا انصح بالسفر الى تركيا خاصة بعد عدم تجاوب الامن معنا والشرطة التركية بسبب بعض المشاكل التي تعرضوا لها بعض العوائل السعودية هناك

كلنا لا ننكر ان تركيا بلد جميل ولكن اذا بسافر وانا على اعصابي امحقها من سفرة بلاد الله واسعه سافر وانت مطمئن ومرتاح البال افضل من تسافر وتتعرض لاسمح الله الى مكروه خاصة اللي معاه عائله
تبقى هذه وجهة نظري ونصيحة موظف القنصلية في اسطنبول عشان مايزعلون علينا عشاق تركيا وفي الاول والاخير انت السائح ومن يقرر الاختيار هو انت

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

---

التعديل الأخير تم بواسطة فارس من خيال ; 14-04-2019 الساعة 12:22 AM

رحلتي كانت الى تركيا 7 ابريل وصلت اسطنبول جلست يوم واليوم الثاني رحلتي الى طرابزون وصلت طرابزون ضيعو شنطتي وتعاملو معاي بشكل سيئ جدا ماحد يتكلم انجليزي ويضحكو ويسولفو مع بعض ولا همهم الموضوع المهم قالو لي بنتصل عليك بكرا اول رحله من اسطنبول بتجي شنطتك معاها وانتظر لا اتصال ولا خبر رحت لهم بعد 3 ايام قالو مالقينها لا هنا ولا في اسطنبول لم تروح اسطنبول دور لها بكل برود علماً ان فيها كل ملابسي واضطريت اشتري ملابس واكمل رحلتي المهم كملت رحلتي ورحت اسطنبول وطلعت مع تكسي في غفله انسرق جوالي ورحت لشرطة السياحه في سيكرجي برضو مايتكلمو الا تركي قالو الصبح روح للشرطة للي في السلطان احمد تلقى واحد يتكلم عربي رحت الصبح قالو مو موجود روح 8 المساء تلقاه موجود رحت مالقيت الا تركي بالترجمه وبكل برود قالي روح نفس المنطقه للي انسرق فيها جوالك وللاسف ولا احد فادني ولا احد وقف معاي وانا راجع اخر يوم رحلتي على جدة مريت المطار ادور للشنطه دق عليهم قالو مالقينها وبكل برود قالي ادخل موقع الخطوط التركية وتابع معاهم ورجعت الى جدة قبل امس بلا شنطه وبلا جوال والله العظيم هذا للي حصل يتعاملون مع العرب والسعوددين بشكل خاص بفوقية وشوفة نفس الحمدلله انبسط وكان معاي جوال ثاني واشتريت لملابس وكملت رحلتي لكن هذا للي حصل والله على ما اقول شهيد

هذا البلاء والجلاء

كنت مخطط اسافر مع العائلة بعد رمضان بس بعد هالكلام هذا كنسل ياعم

مشكورين والله بعطيكم العافية