طال شوقي للقاء المغرب

الايمان · 05-05-2019, 11:17 AM

اقتباس : المشاركة الأصلية كتبت بواسطة q8ya metnaqla

يا شفشاااون يا نوااااره

يالحبيبه يا المنااره

محد مخليني اتشفق على المغرب غير شفشاون احبها

يا حلو عبدالرحمن الله يحفظه ويرزقه على قد نيته

هذا اللي يعجبني في اهل المغرب العربي ما شاءالله كلهم يعرفون بالتاريخ من صغيرهم لي كبيرهم

لابديت اعصب من الشرطة صراحه ماكو شغل كل شوي مخالفه

امون طلبوا منهم المخالفة ليش ترشونهم ؟

Sent from my iPhone using Tapatalk

شفشاون حلوه لكن للأسف مافيها خدمات للسياح
أي ماشاءالله حافظ اكيد يدرسونهم بالمدارس سبحان الله رزقهم
توج تعصبين احنا من اول الرحلة معصبين
ابرار مانبي مشاكل وماندري شنو ردة فعلهم يمكن يتبلون علينا بأشياء ثانية ويبلشوننا في مخالفات مالنا شغل فيها
ندفع ونمشي روحنا خصوصا معانا امي مانبيها تتضايق وكانت وايد تحاتي اخوي لايتهاوش معاهم

الايمان · 05-05-2019, 11:52 AM

صباح / مساء السفر الى الجديدة

اخر يوم لنا في فاس واليوم نسافر الى منطقة الجديدة وهي مدينه بين فاس ومراكش
سبب اختيارنا للمنطقة انها بين فاس ومراكش والسبب الثاني الرغبة في السكن بمنتجع

Mazagan Beach & Golf Resort

حجزنا غرفتين مطلين على المحيط اطلاله كامله مع الافطار
سعر الليلة الواحدة بسعر ( 200 دينار كويتي )
يعني الغرفة بالليله ( 100 دينار كويتي )

اخر اطلالة من الغرفه

كم صورة للفندق على مانخلص الشيك اوت

ضبطنا القارمن على المنتجع والمسافه تقريبا 4 ساعات

وقفنا باستراحه تغدينا وصلينا فيها

وهذه سيارتنا الكيا اللي عطونا إياها بدال الشفر

رحنا البقاله شرينا بعض التسالي للطريق

كملنا طريقنا الى الجديدة
وهذا المنتجع جميل جدا لكن عيبه مقطوع مافي شي حواليه نهائيا

طبعا عرفنا طريقة الشيك ان عشان مايقولون مافي غرف ولا يعطوننا غرف احتياجات خاصه عرفنا طريقة التعامل

وريت الموظفة الحجز وأكدت عليها وجود سريرين والغرفتين مطلين على المحيط وعطيتها هدية
على طووول عطتني الغرف المطلوبه ووصلتني الى الغرف

يرحبون فيني

البلكونه

وأحلى طلة من البلكونه على المحيط

الايمان · 05-05-2019, 12:10 PM

بعد ماحطينا أغراضنا وريحنا نزلت انا واختي على البحر

الممر الى البحر

الماي كان بارد جدا والمحيط شكلة رهيب

( ملاحظة السباحه في المنتجع ممسوح فيه لبس المايوه الإسلامي )

قعدنا على الكراسي عشان ننشف وننطر الغروب

وهذا تصوير الوالدة من بلكونه الغرفه

بعد الغروب صعدنا للغرفه غسلنا وبدلنا ونزلنا لبوفيه الفندق نتعشا مثل ماقلت لكم الفندق مقطوع مافي شي حواليه فكان الأفضل نتعشا بالفندق

البوفيه شامل ومتنوع بالاكلات وسعر الشخص ( 10 دنانير كويتي )

بعد الاكل رحنا اللوبي نكمل سهرتنا ولابد من الاتاي ( الشاي المغربي )

انتهى يومنا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحذير من شركة فريد شوقي بماليزيا	ماليزيا	ماليزيا	18	30-06-2016 08:57 AM
خريطة المغرب الرقمية لمدن المغرب وطرقها morocco map	Haksa77	بوابة المغرب	17	10-05-2016 12:38 AM