ذهبنا لمكتب التأشيرات الموحد في جده اليوم بتاريخ 12/6/2019
كنت مرتبة كل أوراقنا حسب المواضيع الموجوده في المنتدى
لكن تفاجئت بطلبات أخرى ورجعنا صورنا أوراق وأوراق رجعوها لنا
بالنسبة لي أنا وزوجي أخذو نفس الأوراق اللي ف موضوع الأخ آخر فرصة
ولكن بالنسبة لصورة الجواز طلبو اول صفحة تكون ملونة وتصوير جميع الصفحات اللي عليها أختام في الجواز
كذلك طلبو صوره من الهوية الوطنية وكرت العائلة

بالنسبة للأطفال رجعو حجوزات الفنادق
طلبو نفس الطلب بالنسبة لصورة الجواز
وكذلك صوره من الصفحة الاولى والثانية لجواز الاب والام ترفق مع طلب كل طفل وكذلك صورة من كرت العائلة

بالنسبة لصفحة التشك لست رجعها وحط وحده من عنده ولما سألته ليش قلي لازم تكون مطبوعه ف ورقة وحده وجه وقفا

المركز زحممممة موت بس الحمد لله النرويجية مافي زحمة
اللي سوا اوراقنا كان ف كاونتر التشيك والمجر جنب كاونتر النرويج
الفرنسية - الالمانية - الايطالية عدد الناس كان كبير ما شاء الله
بس اخذنا وقت ف التشييك ع الاوراق ومراجعتها وبعدين بصمنا بدون انتظار الحمد لله

قائمة الطلبات موقعه وتكون مطبوعه ف ورقة وحده وجه وقفا
النموذج
تأمين السفر “تأميننا التعاونية “ طبعته وختمناه من الفرع الرئيسي احتياط لان اهلي السفاره الالمانية ماقبلت التأمين المطبوع اونلاين وطلبت منهم يختمونه
حجز الطيران الدولي
وكمان حجز الطيران للتنقل بين الدول وكذلك التنقلات بالسيارة
كشف حساب للمتكفل بالرحلة فقط “انا وزوجي جبنا 2 واخذو واحد ورجعو الثاني”
تعريف عمل للمتكفل بالرحلة فقط “انا وزوجي جبنا 2 واخذو واحد ورجعو الثاني”
حجز فنادق للكبار فقط للأطفال رجعوه
مخطط الرحلة
نموذج D
صورة شخصية
جواز السفر وصوره منه “الصفحة الاولى تكون ملونة” وبالنسبة للاطفال بالنسبة لجوازه يضاف اول صفحتين من جوازات الوالدين
صوره من الهوية الوطنية للبالغين
صوره من كرت العائلة للجميع
كمان طلبو مننا صوره من الورقة اللي فيها ايصال الدفع مع كل ملف لانه ماطلع لنا باركود ف الابلكيشنات

وقالولنا تحتاج من 15-21 يوم عمل

كمان بالنسبة للرسوم
احنا شخصين بالغين و3 اطفال واخذو مننا قريب الف ريال
124 ريال اظن رسوم موعد
5 ريال رسوم رساله
وفيه قريب 59 ريال الصراحة مافهمت بس اعتقد رسوم ارسال الجوازات لابو ظبي واعادتها .. اعتقد والله اعلم

حبيت افيدكم بتجربتي لانه بصراحة الواحد يتعب ويجهز وبعدين يطلعو له بطلبات غريبة
ووقتها يحوس يصور وينتظر ويتوتر

اتمنى يعطونا سنتين مع اني مااظن
لانه سنة ماتفيد على بال يجي الصيف وتفكر تسافر ثاني تكون تاشيرتك انتهت
هذه خامس مره نطلع فيزا شنجن .. بس مشكلتنا كل سنة من سفاره مختلفة
لاحظت اللي يطلع سنتين ورا بعض من نفس السفاره ممكن يعطوه سنتين او اكثر ف المره الثانية