عائدون .. مغرمون وعاشقون ~ لزيزا وخصوصا كاميرون . رحلتي2 ( 2014sep )

kazami · 06-08-2015, 12:02 AM

في ختام هذا اليوم رجعت الى الفندق مساء .. وانا محمل بالكثير من منتجات الفرولة .
ولكن الايس كريم لعب فيني وتدهورت صحتي ورجعت لي السخونه وياقلب لاتحزن.

المهم بعد صلاة العشا تفاجات باتصال على الغرفة يذكرنا بموعد العشاء. فنزلنا
واخترنا طاولتين خارجيه بالهواء الطلق فالجو عليل. وهاي لقطة على المواقف وسيارات
غريبة وفخمه

وبدأو في تحضير العشا لنا وكانت المفااااااااااااااااااااااااااجأه وهي

ان العشاء ني لم يطبخ بعد. والطبخ علي..

احضرو موقد صغير وقدر به ماء ساخن ومبهر وجاهز .. والماء مقسوم قسمين
نصف بهاراته عادية ونص بهاراته حاره موووت.

اما بقية الاطباق فهي موكولات بحرية..اغلبها مقطع على شكل دواير واظنها
تشكيلة من حبار واخطبوط وسمك وسلطعون وجمبري واستكوزا ووووو
واشياء اول مره اشوفها بحياتي.وطبق مكرونه وطبق خضار. ولكم ان تتخيلو
الكازامية ونفسها تقلب وجاتها لوعه وحلفت ماتتعشى.

والصدق هذي اول مره امر بالتجربة ذي. لذلك مر عشر دقايق وانا اتفرج
بالاغراض واقلبها واضحك. والحمدلله اللي سخر لي شيف شاب ماليزي
مسلم اسمه محمد. جاني من غير تنسيق وسالني وش المشكلة ؟؟

ومن هنا دقينا صحبة وطبخ لي العشا وسولفنا وحبيته من قلبي. وعلمته
باللي حصل مع الادارة وقالي هالشي تراه مايحصل الا مع العرب. ماادري
هم متعمدين السوء.. او غير مبالين بهم كنزلاء.قللت هالشي واضح معي.

اخيرا تعشيت لوحدي والى يومكم ذا وربي نصف الاشياء اللي اكلتها ماادري شنهي
وبعضها ماله طعم وبعضها مايستساغ . والمشكلة اغلب الاكل مطاط مهما اكلته
مايتقطع. واليكم كم صورة للعشاء على السريع.

الله يديم النعمة.. وفي منتصف الوجبة وانا امضغ دق جوالي.. وناظرت الرقم واذا هو بوكنق. وبغيت اطير فرحه
ورديت وماامداني اقول الوو.. الا الجوال يقول البطارية ضعيفة. وقمت طيران بطلع الغرفة. وكانت الفضيحة.

بوووووووووووووووووووووووووووووووووم

صفقت بوجهي بالقزاز على بالي الباب مفتوح. من قوة الصوت ارتج المطعم ولابقي احد ماالتفت. وهذي
صورة للأثار على الزجاج.

ولكني
الحمدلله كنت بالزاوية في اخر المطعم وغير واضح للكل فمحد شافني الا الكازامية وسارت تضحك من قلبها
تبي ترد الموقف اللي حصلها بالعصر. طبعا كملت طريقي وجبهتي حمراء ووصلت الجوال بالشاحن وتفاهمت مع بوكنق.

وقالو لي للاسف الفندق مصر ان هذي غرفتك وان الخطأ بالترجمه. واعتذرو وتاسفو وقالو ايضا. مارااااح
ننسى السالفة وثق اننا بنوصل شكواك لهيئة السياحة . قلت لهم هذا اللي ابي. ابي بكرة يجيهم واحد
عربي يرفعون له القبعة واذا طلبهم شي يطيرون يسوونه. واذا خاصمهم يجيهم ام الركب. ابي مانكون
نحن العرب تسلب حقوقنا وينضحك علينا ونسير الشعب المغفل. قالو يسير خير. وعدت هالليلة بخيرها وشرها.

استودعكم الله.واستاذنكم في كم يوم اعدل باقي الصور وارفعها ثم نواصل التقرير.لقطة ختام (تصبحون على خير)

أبن السلطنةمعجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فنادق كاميرون	شهد	ماليزيا	9	05-06-2015 05:21 PM
فندق ليك هاوس .. في كاميرون هايلاند بعدسة ابو ساره11*	أبوعبدالله (الاسفار )	ماليزيا	4	19-03-2015 08:12 AM
فندق century pines resort في كاميرون هايلاند بعدسة أحمد ياهوو	أبوعبدالله (الاسفار )	ماليزيا	4	19-03-2015 03:26 AM
القيادة في ماليزيا وخصوصا لنكاوي	Ahmedzahran	ماليزيا	11	10-01-2015 03:07 PM