أسعفيني ياخواطري وبالكلمات ساعديني.. انقذيني من التلعثم وللمدح وديني
انه الاندمان.
الجمال الذي ياسر الالباب.
الروعة النقية التي لاتضاها.
العشق الابدي الذي لاينتهي.
المكان الرهيب بحق وبقوة.
المنتجع الهادئ والراقي.
الفندق البديع الفخم.
وصلت الى الاندمان.. ولو لم يكن بلنكاوي الا هو لكفى.
وصلت وكلي شوق وعشق وسرور لهذا الفندق الحبيب.
وساترككم مع كل الصور اللي صورتها لهذا الفندق على مدة ثلاث ايام.
وهناك بعض الصور من 2013.
((ملاحظة بسيطة الفندق في العامين الماضيين مر على مرحلة صيانة وترميم
ويعجبني الناس اللي تهتم وتطور وتغير في فنادقها))
بسم الله..
وصلنا بعد لفات وطلعات ونزلات الى مواقف الفندق اللي تطل مباشرة على بهو الاستقبال.
وهذي صور المواقف.
طبعا وقتها شافوا الصني(سنترا) وقالو تكفى نبادلك واختر اي سيارة هنا واعطنا سيارتك.
فقلت ابدا وكلا والف لا. مع اني كريم بس الا السيارة الفخمه حقتي.
وثم قرعو الطبول اذانا بالحضور الكريم لسموي.
وهذي صور 2013 للمدخل حق الفندق وكنبات الاستقبال . لكن في 2014 كان هناك
صيانة على نصف المكان تقريبا. واعطونا هالمشروب اللي يرد الروح ومنشفة بارده تزيل عناء الرحلة.
وهذا حوض سمك بالمدخل
وهالصورة 2014 وشوفوالترميم..
ورغم وجود الصيانة والترميم الا انه ماكو صوت ولا ازعاج. مو مثل ديلافرانس الله ياخذهم.
عموما اتوقع انكم لاحظتم. فهالمكان مبني على الطراز الشرق اسيوي. ومستخدمين الخشب في
اجزاء كبيرة من الفندق.
هذي صور ليلية
وهذا مكتب الاستقبال من 2014
وهذي 2013
وشوفو هالجلسة في الفندق..مطلة وترد الروح
وطبعا في احدى زوايا هذا البهو.. توجد عيادة للمرضى اللي تبع الفندق.. واللي زرتها فيما بعد.
وايضا هذا تبع السلامة.
وهذي لقطة على المسبح من فوق
بعد كذا توجهت للغرفة وكانت للاسف غير اللي طلبتها .. لان القسم الشرقي من الفندق تم اغلاقه للصيانة.
وهذي لقطة لغرفتي بعام 2013.
واليكم بعض انواع الغرف اللي شفتها هناك. اولا هذا النوع بمسبح
وهذي بخرجة ارضية بسيطة.
وهذي ببلكونه اشبه بغرفة مكشوفة
واتوقع في انواع اكثر من كذا.
وصلنا الى انهم اخبروني بانهم باغلاق القسم الشرقي من الفندق. وعنده ابتسم الشيطان بداخلي وقمت اساوم. وفتحت فمي مترين وكاني مصدوم.
ومسكت راسي وتاوهت وكاني متحسر. والضعيف اللي قدامي عاش الفليم معي. وقال متاسفين لهذا الخبر ولكن مجبورين وهالامر خارج عند ارادتنا.
وبعد لحظة صمت وسرحان طبعا تمثيل.. قلت له وريني البديل. وكل هالفلم عشان يكون البديل فخم ولائق.
واتجهنا للدور الثاني واعطاني غرفة ممتازة لكن بدون اي اضاقات لاشرفة لااطلالة لا وسيعه. ورفضت وعندها حس بصعوبة التعامل معي. واستعان بموظف
اخر. وقلت لهم ابي غرفتي اللي انا حجزتها وفيها شرفة .او البديل يكون افضل غير كذا ماابي. قالو ابشر وبنعطيك غرفة موقته الين ننظف الغرفة الثانيه.
والغرفة الاولة شربت العصير اللي فيها وجلست ربع ساعة وانتقلت للغرفة المطلوبه.
والحمدلله اعطوني غرفة بالدور الرابع اطلالتها روعه واليكم الصور:
في الطريق للغرفة
لقطة للمنظر امام باب الغرفة
وكان رقم الغرفة 432.
ودخلنا الغرفة.. وبسم الله
وهذا مشروب الغرفة الاوله.. طبعا كلها حال.
ونواصل معكم مرافق الغرفة.
وهذا الدولاب..
وهذا اكرمكم الله.. الحمام.
ورجعنا الى المشروب ووخروا عني..
وهات اللي بعده..وقرقعه حلال..
22الاعجاب
24-01-2015, 12:52 PM
رد: عائدون .. مغرمون وعاشقون ~ لزيزا وخصوصا كاميرون . رحلتي2 ( 2014sep ) 
العرض المتطور
المواضيع المتشابهه 
