عائدون .. مغرمون وعاشقون ~ لزيزا وخصوصا كاميرون . رحلتي2 ( 2014sep )

gلدالشرقية · 01-02-2015, 12:58 PM

يعطيكــ العافية
تقرير رائع
ودنا لما تخلص يكون التقرير بدون ردود

kazami · 02-02-2015, 01:00 AM

يااااااااااااااااااامطول هاليوم (الاثنين 22سبتمبر). عيا لايخلللص وننتهي منه. لكن ابشروا الان انهيه باذن الله.
وبكره بيكون يوم جديد..

وصلنا واياكم الى لحظة تعطل القارب اثناء العودة من رحلة العذراء. واحنا قريبين من المرفأ ثم تم سحبنا ووصلنا بالسلامه.
واول شي سويته اني طيران الى اقرب محل احذية اكرمكم الله واخذت لي شي يمشي الحال.
والحمدلله البديل عندي بالفندق.

وقلنا الجوع مسوي فينا شغل .. ونبي صاقر بحكم كونه قريب منا وفي نفس المنطقة.
وهووووبا الى صاقر.

وللأسف لقيناه مقفل. مدري وش السالفة؟ صلاة واللى وقت قدومنا كان مبكر. والا ايش؟

عموما غيرنا الوجهه من صاقر الى مطعم فيفا اطاليا. وكان بنفس المكان والاكل لذيذ لكن الطماطم والكشنة الحمراء اكثر شي في الطبق. وسعره رخيص.
وذا الاختيار الذي تم الاتفاق عليه.

وبعدها توجهت الى المساج وهو محل نظيف وفخم وممتاز ونصحوني فيه فندق الاندمان
واتصلو عليه وسوو لي حجز. وكان هذا اول مساج لي من يوم خرجت من بطن امي.
واسعاره كانت وسط. حيث كلف المساج لاربع اشخاص حدود380 رينقت. واليكم الصور..

وبعد الانتهاء من المساج قدموا لنا

ويوم خلصنا حمدت الله على اني دخلت هالمكان فقد نظفو الجرح وقدموا لي
بعض الاهتمام الطبي واحسست بالراحة الجسمانية وان الارهاق زال عندي ولو مؤقتا وحذروني من السباحة ونصحوني بزيارة اقرب مستشفى.

وبعدها كان الوقت بعد العصر. وتجولنا شويتين على شاطئ سينانغ الشهير ولكن كان فيه زحام واجانب ولاطولنا وغادرنا. ومرينا على بريد محل الفطاير الشهير وخذنا منه خفايف لليل.
وعلى الفندق فانا بديت احس بالسخونه والتعب من جديد.

وبالطريق كالعادة مريت بملعب القولف.

وثم شاهدت فندق صغير منزوي وقررت اكتشف الموقع.

وللاسف ماقدرت ادخل لان لاحظت كان الغرفة مفتوحه ولافي رسبشن. وكأن المكان كباين.
وكان الشاطي في هالمكان جميل.

وهذي لقطات من نفس الشاطي

وبعدها طيران الى الفندق واهم شي نلحق العصرية هناك و الغروب.

ولكن لاحظت الكفر مبنشر..ووقفت في المحطة اللي عن فندق الدانا تقريبا
ولالقيت بنشر . وطلع عندهم جهاز تبرمجه على درجة معينه وهو يعبي تماتيك. تطووور.

ووصلنا الفندق.
ولقينا اللي رتبو الغرفة اعادو لنا الترتيبات الجميلة والعصير. وكل هالشي طبعا لعيون البقشيش

وطبعا لقيت حفلة بالفندق وهو ان مجموعة اجانب كانو بالغرف اللي لها خرجة وجلسة خارجية وكان معهم اكل وهجمت عليهم القرود وهات صياح وتجمعوا الحراس.

بعد السرقة ومعاهم بعض الغنايم

وهذا بالشجرة يدور نافذه مفتوحه.

ولاقصرت ادارة الفندق ارسلت مجموعة عمال وتم السيطرة على الوضع.

وبعدها طلعت على العيادة.

.

ثم نزلت الشاطي.
وهنا احبت ان تجلس الكازامية

وهذي بركة خاصة

واحسن شي بالصورة الورع الصغير الاشقر اللي يجري.

وهذي هي اهم حاجة,

وبكذا انتهت احداث هذا اليوم. ونلحقاكم في الصفحة التالية من التقرير .. ولكم خالص تحياتي واشواقي.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فنادق كاميرون	شهد	ماليزيا	9	05-06-2015 05:21 PM
فندق ليك هاوس .. في كاميرون هايلاند بعدسة ابو ساره11*	أبوعبدالله (الاسفار )	ماليزيا	4	19-03-2015 08:12 AM
فندق century pines resort في كاميرون هايلاند بعدسة أحمد ياهوو	أبوعبدالله (الاسفار )	ماليزيا	4	19-03-2015 03:26 AM
القيادة في ماليزيا وخصوصا لنكاوي	Ahmedzahran	ماليزيا	11	10-01-2015 03:07 PM