| | |||||||
مـواضـيـع مـمـيــزة
1069الاعجاب| | LinkBack | أدوات الموضوع | انواع عرض الموضوع |
| |
13-07-2019, 10:32 PM
| #10 | ||
| مراقبة العرب المسافرون   تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,493
| 
اليـــوم الــرابــع و الاخيـــر في ميكسكو سيتي بــونس ديـــاس = صبـاح الخيــر أصبحنا و اصبح الملك للــه اليـــوم الثلاثا تـاريخ 19 فبـراير 2019  الريوق  وعقبها نزلنا الجناط لنكمل اخر مزارين في ميكسكو سيتي و نتجة الى منطقتنا الثانية الجناط ما شاءالله  اليوم صار لنا موقف لا نحسد عليه قبل ما نحرك من المكسيك الوعد الساعه 9 نكون كلنا جاهزين نزلنا و بدينا نركب الباص و اللي يشيك على اغراضه وفجأة نسمع شفتوا جنطة ( س من الناس ) الكل اجابة وحدة ( لا ) جنطة شنو و شنو فيها ووين كانت كانت على القنفات في اللوبي فوق الجنطة ال ..... اسم الماركة كلنا مره ثانية لا فيها الفلوس و الاهم الجـــــــــواز الجــــــواز ؟؟ شلون وتأكدوا دوروا عدل اتقولون الارض انشقت وبلعتها ونحوس و ندور ونصعد و ننزل مو لاقينها كلش وتمينا تقريبا ساعه واشوي ماكو اي اثر لها و الفندق يعتفس معانا .. عقب الساعه والنص تم قايد كويتي من صاحب الشأن في الفندق عشان يشوفون في كاميرات المراقبة و يروحون السفارة الكويتية عشان ياخذون وثيقة سفر .. و الساعه 11 ص حركنا من الفندق بعد تأخير ساعتين .. وخلاص الواضح ان الجنطة انباقت ( انسرقت ) بصراحة انا كنت حاسه راح ينباقون لان كان الشكل ملفت بالكشخه و الخ .. و رحنا الى اول مزار اليوم   اليــوم عندنا رحلة تذوق الاكل المكسيكي FOOD TOUR  تقريبا مدتها 3 ساعات وفي اكثر و شركات مختلفة اتنظمها https://www.secretfoodtours.com/mexi...RoCWksQAvD_BwE اسم الشارع او الياده av pdte Masaryk فيه وايد مطاعم و يمر عليهم الباص السياحي يعني اللي ياخذ الباص يقدر ينزل و يسوي حق عمره فود تور .. القايده   اول مطعم ندخل له      طبعا بيعطونا شي انا احبه وايد و يعتبر عندهم شراب النبـــــــــلاء احم احم بسم الله  ترا  طبعا حليب كاكاو مع هذا الشي اللذيذ اسمه كونشا ماادي شلون يلفظونه Concha Bread يشبه الدونت بس مو دونت خبز مكسيكي تحصل على اسمها من شكلها المستدير ومظهرها المكسور "الشبيه بالصدفة" الذي يظهر في شكلها ، يتكون كونشا من جزأين لفافة خبز حلو (يتكون من السكر والزبدة والدقيق). فقد يكون للطبقة العليا نكهات أو ألوان مختلفة (الفراولة ، القهوة ، الكاكاو ، إلخ). تحظى بشعبية في المخابز في المكسيك وجميع أنحاء الولايات المتحدة يتم تناولهم عادة مع حليب كاكاو او القهوة في وجبة الإفطار أو كوجبة خفيفة بعد الظهر .  لازم انغمسها  وننتهي من اول مطعم  شوفوا الكونشا بطبقات مختلفة     الى المطعم الثاني        الصلصات  العصير طعمه غريب   تورتيلا بالشاورما المكسيكية  الباص السياحي  وبعدين دخلنا هالمكان Pasaje Polanco  فيه محلات حلوه و شغل ايدهم  وهذي الساعة في النص   الوقت يبين يتغير مع اتجاة الشمس و الظل  اللي على الشمس تكون تشير الى الساعه و الظل الى الدقايق     محل الكاكاو        المطعم الثـالت   طاولتنا   اهذا معنى الطفـــولة يا صــاحبي ؟؟  هذا المشروب مثل البيذان بس في طعم ثاني ما عرفته   شوربة الفاصوليا اللذيذة  المطعم الرابع و الاخير كنسلنا الاكل وبس خذينا الناتشوز و ما ادري ليش ما صورته بس كان حلو       فاهيتا و احنا نحط الصلصات        هذا البيت له قصه بس ما سمعتها بصراحه   ابرد على قلبي من الحر     نصب ابراهام وحب الشعب المكسيكي له كان أبراهام لنكولن عضوًا جديدًا في الكونغرس من ولاية إلينوي خلال الحرب الأمريكية المكسيكية ، وأصبح ناقدًا صريحًا للرئيس جيمس وسياسته في الحرب ومعارض لينكولن للحرب المكسيكية الأمريكية.   وانتهينا من الفود تور و ننطلق الى المزار الثاني وهذه محطة باصات على اليمين 
| ||
|  |
| أدوات الموضوع | |
| انواع عرض الموضوع | |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| من طرائف لغتنا العربية | توبليرون | البوابة العامة | 105 | 22-09-2018 11:48 PM |
| ما بين مكة والمدينة تهفو القلوب وتتلاقى الأرواح | سوشيال ميديا | بوابة الحرمين الشريفين | 20 | 28-11-2017 04:10 PM |
| مهرجان تراث الشعوب .. | tab_el | بوابة السعودية | 14 | 29-04-2016 04:45 AM |
| حديقة بالوزا لاند بمراكش وعالم الديناصورات | sniper.ksa | بوابة المغرب | 8 | 10-03-2016 10:54 PM |
| كؤوس الشاي عند الشعوب المختلفة ... عادات و تقاليد | أبوعبدالله (الاسفار ) | عام | 19 | 26-03-2015 04:15 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
