رحلتي الى امريكا ” لوس انجلوس ، سان فرانسيسكو ، لاس فيغاس ، سان دييغو ، - الصفحة 3

بن قوت · 16-08-2019, 07:35 PM

ونقول بسم الله
الرحلة من البحرين الى ابو ظبي الاقلاع الساعة 1.45 ليلا ولازم قبل هذا الوقت تكون في المطار
وجسر البحرين دايما زحمة وماتدري عن الظروف
ف الاحسن ان تحضر بدري للمطار
انطلقنا من الخبر الساعة 11 مساء
زحمة الجسر

الحمد لله وصلنا مطار البحرين
مطار حلو ومرتب وصغير

استلمنا البوردنق وشحنا الشنطة الى لوس انجلس
تستلمها هناك
البوردنق مرسوم فية الصالات وتوضيح جيد

وجبة على الطاير

نادو علينا

وصلنا مطار ابو ظبي

وبعد التفتيش
اتجهنا الى بوابة 35

وكانت المفاجئة
البوابة مسكرة ولا احد فيها
وكنت حريص الحضور قبل الرحلة ب4 ساعات على كلام اغلب الاراء
كنا حوالي 12 شخص قادمون من البحرين وفية ناس من دول اخري
اخذنا نسال هل هذي بوابة لوس انجلس
قالو نعم بس مايفتحون الى قبل الرحلة ب ساعتين

طيب والى تعب نفسة يجي بدري
واختار البحرين عن الدمام وذلك لفارق الوقت 4 ساعات ترانزيت
وحتى الفطور ما افطرت
قمة الاحباط
باقي ساعتين

رجعت للسوق الحرة وتمشيت واخذت بعض الصامولي افطر
بس النفس مقفلة وزعلان وخايف من التفتيش الامريكي
كلها اجتمعت

وكل شوي نروح للبوابة ونرجع

حتى حضر الامريكان وعسكر اماراتين للبوابة
نادو علينا وقالو صفو طابور
واخذونا الى اسفل قلنا يالله تيسرها
واغلب المسافرين هنود جاين ترانزيت
دخلنا صالة فيها تفتيش دقيق ولها هيبة

تمر اول شي عند موظفة طيران الاتحاد تشيك على البوردنق والجواز

بجنبها رجل امريكي شغلتة بس يطالع في المسافرين
اخذ البوردنق وكتب علية حرف ssss
وقال تعال تفظل في غرفة جانبية

بصراحة خفت وقلت راحت علي السفرة
لكن تذكرت كلام الاخوان خلك بارد وواثق من نفسك
والله اعلم بالحال من داخلي
ادخلني في غرفة وقال اجلس واخذ البوردنق
موقف صعب واول شخص ياخذونة
قريت المعوذات
وبعد شوي دخل علي رجل مطوع ونفس حالتي
قلت كملت الان راجع السعودية راجع لامحالة
وكل شوي يدخل شخص حتى نساء
المهم تجمعنا حوالي 15 شخص
قلت معقولة بيرجعونا
بعد شوي دخل علينا امريكي ونادى على اسمي وقال تعال

قالي سوف نفتشك تفتيش دقيق

قلت افا عليك لو تبي افسخ
اهم شي لاترجعوني
اخذني الى جهاز التفتيش وترفع يدينك كاملة وفية جهاز يدوي يشيكون عليك
حتى جوازي ومحفظتي اعطو الكلب اعزكم الله يشمها
وخفت لايعض الدولارات جديدة تلمع
ههههه
حتى الجزمة تفسخها

طلعت من عندهم وانا احمل كل شي من حزام وجزمة

تقول طالع من معركة
قلت في نفسي بداية شينة
واشرلي الى صالة مجاورة

دخلنا صالة ثانية فيها كاونترات كثيرة
عليها امريكان وكيمرات
لازم توقف على لاين وينادي عليك شخص ويقولك رح رقم كذا
المشكلة وقفت عن الخط وباقي احزم واعدل نفسي
وصوت علي

رح لرقم 4

جيتة وقالى اعطني الجواز
فحصة وشاف التاشيرة
واشرلي اقرب من الكيمرا
والمشكلة باقي مرعوب من التفتيش والحوسة الى حصلت لي
قالى طالع في الكيمرا
من غير نفس حتى الانجليزي حقة ماتفهمة
قالو وين بتروح

قلت لوس انجلس

قالى ليش قلت زيارة وتمشية
الظاهر مافهم على

قال كم معك فلوس قلت 2500
قال معك اكل قلت لا
المهم قام يطالع يمين ويسار ونادي واحد امريكي ثاني

قلت يالله سترك
والمشكلة الى بجنبي في الكاونتر مايطولون دقيقة ويمشي
المهم جا خوية وقالة اسال وين يشتغل وكم معة وليش رايح
طبعا فهمتها لان عندي اللغة كويسة
تكلم ذا عربي طلع لبناني متجنس او من هذا القبيل
سالني كم سوال وجاوبت
وبصراحة قلت خربانة خربانة
قالي معك عنوان هناك
قلت نعم هذا الفندق
وكنت محضر كل شي ورقي وفي الجوال
اخذ الورقة وادخل المعلومات كلها
وختم جوازي والاوراق
وقالى من غير نفس قو قو
سبحان الله رجعت لي الحياة وانطلقت الحق الناس
وانا اطالع وراء اشوف احد بيناديني
طلعت فوق للبواية 35 الله لايذكرها بالخير
ههههه
جلسنا حوالي نس ساعة

وجيهنا كلها فيها الفرحة والسرور خاصة الهنود

قلت الحمد لله على كل حال
طالعت لطيارتنا

ماشاء الله المطار مليان مسافرين وطائرات

نادو علينا بعد تاخير حوالي ساعة الى ربع
من دون ان يعتذرون

اخذنا مقاعدنا
واحذر تسافر مع هنود شي فضيع
شنط واجدة وكل شوي ينزلها ويفتحها

مزعجين

الايمان, قطرية كول, آخـــرفـــرصـــة و 9 آخرون معجبون بهذا.

بن قوت · 17-08-2019, 12:32 PM

والحمد لله اقلعت طيارتنا
والطيارة فل فل كنت امل ان اجد كراسي فاضية او ترقية للبزنس
لكن مافية امل

اللَّهُمَّ هَوِّنْ عَلَيْنَا سَفَرَنَا هَذَا، وَاطْوِ عَنَّا بُعْدَهُ،
16 ساعة وانت معلق في السماء
في كرسي ضيق
معاناه جدا
وهذي جزيرة النخلة

وهذا خط سير الرحلة

تدرون ليش مسار اغلب الرحلات الى امريكا
تسلك هذا المسار
لماذا لانسافر جهة المملكة ثم مصر ليبيا الجزائر المغرب ثم الاطلسي
لما نذهب ايران ثم اعلى اوربا ثم قرين لاند ثم كندا وننزل حتى لوس انجلس

طبعا تم توزيع وجبات
وبعدها استلمت الافلام

شوفو كم درجت الحرارة
عرفت انا فوق قريند لاند

وهاهي جمال الشمال الامريكي

مدينة لوس انجلس

الحمد لله وصلنا مطار لوس انجلس

وهذا اجمل مافي الرحلة ان تاخذ شنطك وتطلع من المطار
لاتفتيش ولا طوابير
تخيل بعد هذا التعب تسف طابور وجمارك وجوازات

مرحبا بكم في لوس انجلس

الايمان, قطرية كول, آخـــرفـــرصـــة و 10 آخرون معجبون بهذا.

آخـــرفـــرصـــة · 17-08-2019, 12:52 PM

الله يسعدك بن قوت
الحضور للمطار مبكر مهم جدا
و تفتيش الامريكان دقيق حتى في المطارات المحلية

تفاصيل جميلة و مهمة
مستمتعين معاك و متابعين

الايمان, قطرية كول, بن قوت و 3 آخرون معجبون بهذا.

بن قوت · 17-08-2019, 01:41 PM

طلعنا من المطار
واتجهنا الى فندقنا
fairfield inn los angeles rosemead

لمدة يومين 400 دولار مع الافطار والمواقف

الطيراز المعماري الامريكي

وهذي المواقف عامة بفلوس
لكن مع الفندق

الايمان, قطرية كول, آخـــرفـــرصـــة و 9 آخرون معجبون بهذا.

ابو حسن 9 · 17-08-2019, 04:19 PM

الف مبروك تخرج اخوك
ذكرتيني بموقف صار لنا زمان بمطار امريكا ضحكتني
حلو التريب والتنظيم من بدري
منتظرين جولاتك
اخوك ابو حسن

أرسلت بواسطة iPhone بإستخدام Tapatalk

بن قوت, الايمان, آخـــرفـــرصـــة و 1 آخرون معجبون بهذا.

آخـــرفـــرصـــة · 17-08-2019, 04:45 PM

موقع الفندق رائع
لكن مشكلة أن المواقف بفلوس
اكثر الفنادق بهذي الطريقة
و غالبية الفنادق سعرها غالي في لوس انجلوس
من 200 دولار و فوق

بن قوت, الايمان, قطرية كول و 3 آخرون معجبون بهذا.

الايمان · 18-08-2019, 12:04 PM

تدرون ليش مسار اغلب الرحلات الى امريكا
تسلك هذا المسار
لماذا لانسافر جهة المملكة ثم مصر ليبيا الجزائر المغرب ثم الاطلسي
لما نذهب ايران ثم اعلى اوربا ثم قرين لاند ثم كندا وننزل حتى لوس انجلس

ليش ناطره جوابك ؟؟؟؟

آخـــرفـــرصـــة, بن قوت, توبليرون و 1 آخرون معجبون بهذا.

بن قوت · 20-08-2019, 09:25 AM

اقتباس : المشاركة الأصلية كتبت بواسطة الايمان

تدرون ليش مسار اغلب الرحلات الى امريكا
تسلك هذا المسار
لماذا لانسافر جهة المملكة ثم مصر ليبيا الجزائر المغرب ثم الاطلسي
لما نذهب ايران ثم اعلى اوربا ثم قرين لاند ثم كندا وننزل حتى لوس انجلس

ليش ناطره جوابك ؟؟؟؟

هلا اخت ايمان
لان الكرة الارضية تشبة البيضه محدبة من الوسط وتصغر كلما اتجهنا للشمال او الجنوب
فتقل المسافة

آخـــرفـــرصـــة, ابو حسن 9, قطرية كول و 8 آخرون معجبون بهذا.

الايمان · 25-08-2019, 11:52 AM

اقتباس : المشاركة الأصلية كتبت بواسطة بن قوت

هلا اخت ايمان
لان الكرة الارضية تشبة البيضه محدبة من الوسط وتصغر كلما اتجهنا للشمال او الجنوب
فتقل المسافة

شكرا على المعلومات

بن قوت, توبليرون و آخـــرفـــرصـــة معجبون بهذا.

الايمان · 18-08-2019, 12:06 PM

ماشاءالله عليك روحك رياضية بالتفتيش
انا عكسك أتنكد ويضيق خلقي من التفتيش
وايد 16 ساعه حسافه انك مالقيت ترقية الى درجة رجال الاعمال

آخـــرفـــرصـــة, بن قوت و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استشارة فنادق في نيويورك/سان دييغو/لوس انجلوس/سان فرانسيسكو	هولمز	بوابة امريكا	5	17-07-2019 11:53 AM
الطريق من سان فرانسيسكو إلى لوس انجلوس	abo.battal	بوابة امريكا	10	09-09-2018 10:39 AM
الذهاب الى سان دييغو ولاس فيغاس !	اريج منصور	بوابة امريكا	3	31-07-2016 09:47 AM
المسار من لاس فيغاس الى سان فرانسيسكو ..!	Big_Brother	بوابة امريكا	6	05-02-2016 09:29 AM