X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين180الاعجاب
موضوع مغلق
 
LinkBack أدوات الموضوع انواع عرض الموضوع
قديم 28-08-2019, 10:59 PM   #1

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي تقرير رحلتي العائلية الى الغرب النرويجي وكوبنهاجن


بسم الله الرحمن الرحيم
والصلاة والسلام على اشرف المرسلين

لاول مره اكتب تقرير عن رحلة واشكر الاعضاء على مساعدتي فالتخطيط لها
وهذي اول محاولة لي ان شاء الله يضبط التقرير مع الصور
كنت كاتبه التقرير اول بأول لكن توني اليوم احاول اتعلم طريقة تنزيله والله يسترررر

رحلتنا كانت عالخطوط القطريه من ٢١ يوليو وحتى ٤ اغسطس وعائلتي تتكون من ٧ اشخاص اصغرهم ٣ سنوات
الرحله هي دوحه - ترانزيت اوسلو ثم اليساند
يوم اليساند واستلام السياره من المطار
٣ ايام سترين
٣ فوس
٥ كوبنهاجن

وحجز الفنادق عن طريق بوكينج والاكواخ من Airbnb كان من شهر مارس

التقرير هذا أكتبه أول بأول عشان اتعيشون معاي اللحظة ومانسى شي
ما بحط المواقع والاحداثيات لانها كلها موجوده فالتقارير عالموقع

انطلقت رحلتنا الساعه ٧:٣٠ صباحا ووصلنا اليساند الساعه ٦:٣٠ مساء بعد ما استلمنا سيارتنا من المطار

الفندق في اليساند كان جميل جدا واطلالته جميله وهو brosundet hotel وهذي الاطلاله من غرفتنا



اول يوم تمشينا قريب الفندق وتعشينا في مطعم هندي وهو تاج محل وكان حلو ولذيذ

وهالصوره الساعه ١ بالليل من الفندق

في اليوم التالي وهو يوم الذهاب الى سترين انطلقنا الساعه ١٢ وطبعا الطريق رائع جدا ووقفنا عدة مرات انصور ونتمشى وهذي صورة من الطريق

قبل الوصول الى الفيلا قررنا انروح محطة leon skylift
وقبل الوصول وقفنا في سنتر سترين عند مطعم ايطالي اسمه نابولي وعنده شاورما وبيتزا وباستا ويشتغل فيه عراقي ساعدنا في صرف العملة


الساعه ٥:٣٠ انطلقنا الى وجهتنا وهي تلفريك ليون وهذا هو الطريق

ووصلنا محطة التلفريك وهذي هي

وحجزنا التذاكر والحين بنركب


وهذا منظر من التلفريك


والاجواء ممطرة وخذنا لفة خمس دقايق وقعدنا نتقهوى فالمطعم والمطعم كبييييير وراااقي واطلالته وقعدته رووووعه بس احنا شبعانين وجلسنا نتقهوى فيه وانصح بتناول وجبه فيه
وهذي صور التقطناها فوق


وهذي صورة المطعم من الخارج

وهذا جزء بسييييط جدا من المطعم لاني ماحبيت اصور الناس
والان العوده بالتلفريك للمحطه

والان العوده بالتلفريك للمحطة

الذهاب والعوده والجلوس في المطعم كله يحتاج ساعتين تقريبا

والان وجهتنا الى الفيلا واللي حجزناها في قرية فلو عن طريق airbnb وتبعد عن سترين ٢٠ كيلو

وهذا الطريق للفيلا

والحمدلله وصلنا فلتنا الجميله والحمدلله توفقنا وفيها وفي اطلالتها الاكثر من رائعه ونسيت اقولكم مرينا على شلال قريب الفيلا وهذا هو

وهاااااذي فيلاتنا
وهذا رابط الفيلا
https://abnb.me/1hFFEALVBY


وهذي الاطلاله من الفيلا

وطلعنا بسررررعه نشتري تموين للبيت ورجعنا طبخنا عشانا مجبوس دياي





Sent from my iPhone using Tapatalk

 

ام احمداني غير متواجد حالياً  
قديم 28-08-2019, 11:02 PM   #2

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


وااااااو مب مصدقة نجححححت هههههه اشرايكم فيني تبون الباقي او لا

 

ام احمداني غير متواجد حالياً  
قديم 28-08-2019, 11:05 PM   #3

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


الحين اشلون اكمل ماعرفت افيدوني الله يجزاكم خير اشلون اكمل التقرير

 

ام احمداني غير متواجد حالياً  
قديم 28-08-2019, 11:28 PM   #4

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


اليوم الثاني في سترين
بدأنا يومنا بوجبة الافطار في القعده الخارجيه للفيلا وكان المخطط زيارة جيرانجير

وبعد ذلك ذهبنا الى سنتر سترين لصرف العملات
ثم بدت رحلتنا الى جيرانجير مرورا بالنهر الجليدي briksdal glacier ثم شلال بولدر bulderfossen
وفي الطريق الشلالات من كل صوب وهذي صور للطريق

ووصلنا محطة النهر الجليدي ولازم ننتظر ساعه لركوب العربه او نمشي ٤٠ دقيقه لكن طبعا فضلنا الانتظار في الكوفي

بس مانتظرنا ولا دقيقه حصلنا سايق نازل من العربه وكانت فاضيه قلناله ممكن تاخذنا قال اوك وركبنا العربه وهي اتمر عالشلال وبعد مشي ٦٠٠ متر بدايته صعود اشوي وبعده مشي لين مصب الشلال
الرحلة ممتعه جدا والمكان يستحق الزيارة والمناظر روووعه

الان النزول والمرور على الشلال واليكم الصور

عند النزول جلست اتقهوى في الكافتيريا وابو العيال مع العيال ادخلوا محل الهدايا والتذكار
الرحله فعلا ممتعه وتستحق الزيارة

والان وجهتنا الى شلال بودلر لكن وصلنا مكان الاحداثيه وشفنا كم شلال وماعرفنا اي واحد فيهم شلال بودلر وكملتنا وجهتنا الى جيرانجير والطريق كان جبلي ويمر على ٣ انفاق طويله ومتعرج واعرف ان فيه طريق اخر لكن احنا كملنا على نفس المسار
وهذي صورة من بعد الانفاق

والان طريق النزول الى جيرانجير

ووقفنا نلتقط صور لجيرانجير والمضيق

ووصلنا لجيرانجير والحين بنشوف التذاكر

مافي تذاكر ولاهم يحزنون كل شي سكر لان الساعه ٦ وقلنا بنرجع بكرة لكن قبل مانطلع قلت لازم امر على محل جوكلت قريت عنه في احد التقارير وقلت لااازم امر عليه كلشي الا الشوكلت ماقدر اطوفه

وهذي انواع من الجام في محل الشوكلت
واخذنا منه هذا الوافلز

وهذا بكل مكان فالنرويج واسمه "ترول"

قررنا نرجع بكره لجيرانجير وفيه طريق للعوده بالعباره والمرور على قرية لكن حتى تذاكر للعباره مافي لان الحين موعد انطلاقها ورجعنا من نفس الطريق ومرينا على سوبرماركت في سترين وخذنا بعض الاغراض للعشا


Sent from my iPhone using Tapatalk

 

ام احمداني غير متواجد حالياً  
قديم 28-08-2019, 11:36 PM   #5

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


اليوم الثالث والاخير في سترين ذهبنا الى جيرانجير عشان نلحق عالانشطة
الطريق ياخذ ساعه تقريبا
وقفنا عند سوبرماركت joker فالطريق وكملنا الى جيرانجير واهذنا منه فراوله لذييييذه جدا جدا
ووقفنا مره ثانيه عند شلال واكتشفت بعد ماتحركنا ان هو شلال بودلر وهذي صوره منه

وصلنا جيرانجير الساعه ٢ ونص ومافي تذاكر الا خمس ولازم نتقسم قسمين لان مافي ل ٧ اشخاص
خذنا تذاكر بالعباره وتذاكر بالبوت السريع
تجولنا فالمنطقه نتشرى تيشيرتات لان بناتي ميتين من الحر وانا ملبستهم كم طويل وطول الطريج يحنون يمه شملبستنا انتي ويمه متنا من الحر
وقعدنا في مطعم brasserie posten وتغدينا وننطر وقت الرحله
وهذي صورة من غدانا اللذيذ والستيك عندهم ألذ لكن ماصورته

والتجمع لركوب المركب ١٠ دقايق قبل

القسم الثاني من العايلة فالبوت السريع وايد كان فخاطري بس لازم لبس جمسوت قبل الركوب وصعب مع العبايه


الرحله كانت ساعه ونص وممله اشوي حسيت ان البوت السريع وااااايد امتع واحلى وهذي صورة من البوت السريع

وطلعنا من جيرانجير على نفس الطريق وحصلنا وحده اتبيع كرز وخذنا من عندها وبعدها توجهنا الى سوبرماركت extra في سترين وشرينا اغراض وتوجهنا للفيلا والعشا كان دجاج مشوي عالفحم



Sent from my iPhone using Tapatalk

 

ام احمداني غير متواجد حالياً  
قديم 29-08-2019, 12:02 AM   #6

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


اليوم ستكون وجهتنا الى فوس

بالنسبه للفيلا كانت روعه ونظيفه وممتازة ماعدا نقطه وحده تضايقنا منها اليوم الاخير وهي ان الجو حار وماقدرنا اننام لانها من غير مكيف والدرايش من غير شبك والحشرات تدخل بس الحمدلله عدى اليوم على خير
واذا كررت زيارة سترين بسكن فيها
غادرنا الفيلا الجميله الساعه ١١ صباحا

الطريق طوييييل الله ييسر لنا يارب
وهذا سنتر سترين يوميا انمر عليه وحفظنا السوبرماركتات اللي فيه وهم يمكن احفظوننا [emoji23]

ونزل بو احمد عند هالمحل من اول يوم خاطره فيه

صور من الطريق الجميل

الابقار والخرفان في كل مكان ونزلوا اليهال وصورناهم
واحلى مافي الطريق ان اشجار التفاح والتوت الاحمر بكل مكان
وكملنا ووقفنا عند سوبرماركت جوكر شرينا عصاير وفراوله لذييييذه

وركبنا الفري وهي عبّارة تنقل من رصيف الو رصيف اخر

بعدين نزلنا تغدينا

الحين الساعه ٥:٤٥ وانطلقنا مره ثانيه الى فوس
الحراره حاليا ٣٠
وصورة من الطريق من اعالي الجبال

وقبل فوس ب ١٠ كم وقفنا عند شلال tvindefossen

ووصلنا فوس واستلمنا فلتنا الجميله
وهذا الرابط للفيلا
https://abnb.me/tdPVc2j1TY


والحمدلله توفقنا فيها وفيها مكيف واحد بس للبيت كله الله يستر اليوم بقدر انام من الحر او لا

المهم طلعنا نتمشى ونشوف سنتر فوس

وهذي البحيره وحصلنا حذاها مدينة العاب صغيرة العبوا فيها اليهال ساعه واستانسوا

واحنا قاعدين عند البحيرة خططنا ان انروح بكره فلام وشفت ان تذاكر رحلة القطار مش متوفرة الا ٧:٣٠ الصبح او ٦:٣٠ المسا فحجزنا لليوم اللي بعده الساعه ٢:٥٠

وفي نهاية اليوم مرينا على سوبرماركت coop وتشرينا منه بعض الاغراض الناقصه


Sent from my iPhone using Tapatalk

 

ام احمداني غير متواجد حالياً  
قديم 29-08-2019, 12:13 AM   #7

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


اليوم الثاني في فوس
قررنا زيارة مدينه Eidfjord وهي تبعد 55 كيلو عن فوس ومنها زيارة بعض المزارع والشلالات
في البدايه مرينا على شلال skjervsfossen ويبعد ١٥ كيلو عن فوس
ولمشاهدة الشلال نزلة خفيفه وخذت صوره من الاعلى مانزلت اكثر لاني افكر فالصعود وهذي صوره وقلت يمكن انمر من تحت بالسياره وانشوفه

وفي الطريق مرينا على جسر hardanger bridge

ووصلنا ايدفجورد ودخلنا مكتب الاستعلامات

بس تذاكر الكاياك والرافتنج طافتنا واساسا اليهال مايبون يتبللون او يخافون ولازم يعرفون السباحة

فقلنا بنروح مزرعة simadel في kjeasen وهي تقريبا ١٠ دقايق من القريه
والطريق جبلي ونهايته نفق طويل وضيق ووصلنا وفالنهايه اكتشفنا ان المزرعه تحت نص ساعه نزول وطبعا اضعافها صعود ومنحدر شديد واللياقه عندنا طبعا صفر ومعاننا اطفال فقلنا نرجع احسن
هذي صورة من النفق

ورجعنا لايدفجورد ودشت فخاطرنا شوربة تم يم سوب من كابينه فيها مطعم تايلندي وطلبناها
واتوجهنا الى قرية ulvik حيث مزرعة الفواكه
هذي قرية اولفيك


هذي المززعه فيها محل عصاير بس مب فريش لان مافي عصاير هذا الموسم واصلا المزرعه ماتستاهل لان طول الطريج الواحد يشوف مزارع الفواكه والكرز
وانطلقنا الى كافيه ومطعم the green cafe واطلالته رائعه وعرفته من احد التقارير

بعدها قعدنا اشوي عالبحيره

وبعدها قلنا انمر على بلدة كينسارفيك دام هي تبعد عنا نص ساعه تقريبا وخذنا جوله فيها بالسياره سجلنا حضور هههههه وفيها حديقة ومنتزه للاطفال لكنها مسكره

ورجعنا فوس ومرينا على سوبرماركت حلال كل شي عنده من الالف الى الياء للطبخ وخذت منه لحم لعشا بكره وبلاليط للريوق

بعدها قلنا نبي كوفي حلو نقعد فيه خصوصا ان الجو صار جمييل وحلو قبل الغروب وطلع الكوفي في فندق بارك هوتيل

وهذا كوفي اطلالته رائعه قلنا بنمر بكره باذن الله

ونتمشى عند البحيره والجو جمييييل اليوم

هذا اليوم اغلبه كننا فيه بالسياره ولاحظت ان كل القرى فيها نفس الانشطة


Sent from my iPhone using Tapatalk

 

ام احمداني غير متواجد حالياً  
قديم 29-08-2019, 12:27 AM   #8

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


اليوم الثالث في فوس الذهاب الى فلام
موعد رحلة القطار ٢:٤٠ ان شاء الله ما نتأخر

ووصلنا الحمدلله ٢٠ دقيقه قبل موعد الرحلة وركبنا القطار
هذا مكتب الاستعلامات والتذاكر

وقعدنا فالجانب الايمن من القطار وهو الافضل حسب ماقريت من خلال التقارير وهذي صور من القطار

وتوقفنا ٥ دقايق عند الشلال ونزلنا وشفنا الجنّية

الجنية تطلع من كل صوب

وصفّر الكابتن وركبنا القطار بسرعه

اللي بيروحون بيرغن انزلوا في ميردال واحنا تمينا لاننا بنرجع فلام

ونرجع فلام

ورجعنا انودع الجنيّة

وهذا كوفي ومطعم على شكل قطار خذنا منه بيتزا وباستا وقبل ماندخله خذنا تم يم سوب وصقوع من عند تايلنديه


وهذا كوفي ومطعم على شكل قطار خذنا منه بيتزا وباستا وقبل ماندخله خذنا تم يم سوب وصقوع من عند تايلنديه


والعبوا اليهال اشوي فالحديقه وأجروا سياكل

ثم العوده الى فوس والعيال يبون العاب البحيره لكن انا قررت الرجوع للبيت للراحه وللاستعداد للذهاب يوم الغد الى بيرغن

بالنسبه للفيلا هي قريبة من السنتر وراقيه ونظيفه لكن درجة الحرارة كانت تصل ٣٠ درجة وكان الدور الاول فالغرفه حار لانه بدون تكييف وممنوع نفتح الشبابيك بالليل فكنت يوميا اتسحب قبل العيال وانام بالصالة تحت لان فيها مكيف
انطباعي عن فوس حلوة وهاديه ويمكن لو كانت اطلالة الفيلا مثل سترين كننا استمتعنا اكثر


Sent from my iPhone using Tapatalk

 

ام احمداني غير متواجد حالياً  
قديم 29-08-2019, 12:38 AM   #9

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


اليوم سننطلق الى بيرغن ليوم واحد وبعدها نغادر النرويج الى الدنمارك
قبل بيرغن قمنا بزيارة شلال steinsdalsfossen وهو شلال جميل يمكن المرور خلفه ويوجد مطعم وكوفي بالقرب منه
واليكم الصور

وهذي صورة للقرية من اعلى الشلال

والان الى بيرغن حيث تكون الاقامه في فندق hotel norge by scandic
مناظر من الطريق

واقتربنا من بيرغن

في البداية وقبل الفندق توجهنا الى مطعم هندي

وبعدها رحنا للفندق والاجواء برع الفندق جميييله

وهذا اللوبي

وهذي الغرفة

سعرها ٨٣٥ ريال قطري لليلة
وبسررررعه نزلنا نتمشى فالسنتر لان ماعندنا الا اليوم

وهذي البحيرة

وهذا ممشى كله محلات ونهاينته fish market

وهذي البيوت الخشبية

الجو هالوقت عالساعه ٨ صار يجنن ودار هوا بااااارد والقعده في الممشى واااايد جميله قعدنا فيها ساعتين تقريبا ثم اخذنا روتي ورحنا عند البحيرة لاطعام البط والطيور

العيال ماصدقوا يحصلون ماكدونالدز وبو العيال دش خاطره فالسيفود وانا قعدت في كوفي الفندق الخارجي

وبكره رحلتنا الى كوبنهاجن الساعه ٤ مساءا على طيران sas



Sent from my iPhone using Tapatalk

 

ام احمداني غير متواجد حالياً  
قديم 29-08-2019, 12:46 AM   #10

مسافر متميز

 
 
تاريخ التسجيل :  Aug 2015
رقم العضوية : 5567
الجنس : انثى
المشاركات : 134



افتراضي


اليوم هو يوم مغادرة بيرغن والذهاب لكوبنهاجن
بدأنا اليوم بالافطار في الفندق
ثم التجول والتسوق في شارع المشاه

ثم الجلوس في كوفي الفندق

ثم الى المطار

الوصول كوبنهاجن

الفندق تم حجزه من موقع booking وهو radisson collection royal hotel
سعر الغرفة ١٣٢٠ ريال قطري لليوم

المنظر من الغرفه

وخذنا جولة طوييييييلة في شوارع كوبنهاجن واليكم الصور



Sent from my iPhone using Tapatalk

 

ام احمداني غير متواجد حالياً  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ستوكهولم وكوبنهاجن مسافرر بوابة اسكندنافيا 9 22-08-2019 12:45 PM
استفسار عن خطورة قيادة السيارة في الغرب النرويجي ام احمداني بوابة اسكندنافيا 7 27-07-2019 01:49 AM
العرب المسافرون تقرير الغرب والشرق الامريكي اربع ولايات 2015-2016 ابو طلال* أبو طلال* بوابة امريكا 174 28-06-2018 02:32 AM
تقرير عن رحلتي العائلية الى اسطنبول Gunner10 تركيا 136 13-04-2018 12:01 AM
رحلتي العائلية جوري وياسمين تركيا 18 24-10-2016 05:40 PM

الساعة الآن 03:47 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO