.

.

.




السلام عليكم ورحمة الله وبركاته

يسعد صباحكم بكل خير و سعادة



لمن قررنا نقضي اجازتنا كان التخطيط لـ أوروبا .. لكن اوضاع الطقس بتكون باردة
غيرنا الوجهة إلى امريكا .. و لله الحمد

لكن الخطوة الثانيه الصعبه " مين ح يعمل لنا التأشيرات بحثت على مكاتب
اللي قال نعمل للشخص الواحد ب 1000 و اللي قال برضو ب 1200 و اللي قال ب 800 للشخص

قررت اني ابحث في قوقل و اتعلم كيف اعمل الفيزا بنفسي ..


حصلت موضوع الأخ : اخر فرصه .

فيزا امريكا خطوة بخطوة 2019

https://www.arabtrvl.com/vb/t41315.html


ماشاء الله تبارك الله .. الموضوع كامل بكل الجهات وبكل التفاصيل الكاملة .

بدأت بالتسجيل لأول مره .. و اعتبرها مجازفة
و اهم شيء مراجعة البيانات المسجلة

.
.


اخذت الموعد الخميس الماضي بتاريخ : 17 اكتوبر

الموعد الساعه : 8 ونصف.
وصلنا قبل الموعد ب نصف ساعه
على موقع السفارة بحي المحمدية ..

يوجد خطوتين نعملها قبل الدخول للتفتيش
الخطوة 1 :
في لاين شويتين زحمة ، وقفنا انتظرنا
كانت في موظفة تشيك على ورقة الموعد و سالتنا كم شخص
طلبت الجوازات و وضعت داخل كل جواز سفر ورقة خضراء
و قالت تفضلوا على الخطوة التانيه .

وقفنا بالخطوة التانيه و كان زحمة برضو .
فتحوا الباب و دخلنا للتفتيش . اخذوا مننا كل شي
وتم تفتيش شنطتي ايضاً ، طلبوا مننا قفل الجوال
و وضعوا اغراضنا بالامانات ( الجوال ، مفتاح السيارة ، الساعات الالكترونية )
و اعطونا رقم للامانات .. ولا زلنا نحتفظ بالورقة الخضراء

بعدها انتقلنا للخطوة التاليه .
غرفة كبيرة فيها كراسي انتظار
وكانت موجودة موظفة ، اعطيناها الاوراق و الجوازات .. رتبتها لنا و سالت عن الموعد
وقالت انتظروا


بعدها انتقلنا للمبنى الاخير :
عند الباب جهاز تفتيش متل اللي بالمطارات مرينا من داخله .
كان في موظف : طلب الجوازات ، سالنا عن الاسماء و اشر عنده بالورقه ،
و اعطانا ورقة فيها رقم كان رقمنا 54

انتظرنا في الكراسي ، و لمن طلع الرقم على الشاشه توجهنا على مكان الكاونتر
54 على الكاونتر 2 .

صبَح علينا بكل سرور و كان مبتسم
طلب الجوازات
سألنا
كانت الاسئلة : باللغة العربيه
اسمائكم ؟
سبب الرحلة ؟
مكان ميلاد كل شخص ؟
رقم الجوال و الايميل لكل شخص ؟
طلب صور الشخصيه لكل شخص ..

كل شيء كان مسجل عنده بالجهاز ... من باب التأكيد هل تتطابق اقوالنا او لا

رجع لنا الجوازات و رقة اللي فيها الرقم 54 و قال انتظروا المقابله .


انتظرنا 20 د تقريبا ..
طلع رقمنا على الشاشه 54 التوجه الى كونتر 5

وصلنا عند الموظفة
كانت جدا بشوشه و رائعه
سالتنا : هل تريدون اتحدث باللغة العربيه او الانجليزيه ؟
قلنا : العربيه

طلبت الجوازات و سالتنا :

ماهي علاقتكم ببعض ؟
سبب الرحلة ؟
كم مدة البقاء بامريكا ؟
اول مدينة ح توصلونها ؟ وماهي خطة السير ؟
مين متكفل بالسفر ؟
طلبت كشف حساب بالبنك : اعطيناها ( انا اخذت كشف الحساب لمدة 6 شهور ) واهم شيء يكون موافق نفس التاريخ الميلادي اللي فيه الموعد .
طلبت ايضا تعريف الراتب .. وكان باللغة الانجليزيه و موجهه الى القنصلية الامريكية .
كتبت على الجهاز و استغرقت لمدة 3 د تقريبا .
بعد كذا قالت لنا مبروك تم قبولكم
ح تستلموا الفيزا عن طريق ارامكس خلال مدة 4 ايام .


الحمد لله و الشكر لله على تسهيل الامور .
الله يجعلها علينا رحلة سعيدة و آمنه يا رب

.

كل الشكر و التقدير للأخ : آخر فرصه .. على تعاونعه الستمر