السلام عليكم و رحمة الله و بركاته ..

صباح الورد
صباح اول الأسبوع ومازلنا نداوم بنسبة 30 بالمية من الموظفين

يسعد مساكم


قلت لكم الوضع النفسي راح يتغير عند ناس كثير
واعتقد راح يكون فيه شئ اسمه
" متلازمة كورونا "


الآن الواحد يطلع من البيت يشتري أو يتسوق
يرجع يحس بأعراض كلها أوهام
وهذي بداية المتلازمة


أحس المفروض تخصصت طب
يمديني الحق ولا راحت علي ؟؟؟

و يسعد مساك بالخير و المسرات يا أبو غسان ..

صدقت .. أصبح الأحساس بأن فايروس كورونا في كل مكان
و خصوصاً في الأماكن العامة ...
قبل كم يوم تواصل معي أحد الزملاء و أقترح أن نخرج لأحد المقاهي
ما أخفيك أعتذرت .. لأن بصراحة هاجس أن من حولي غير مبالي
أصبح مسيطر أكثر من قبل أيام كان هناك حجر منزلي !!!

أحاول أرجع النادي ... و لكن أتردد و أقول خلي شوي بعد !!

فما بالك في مثل هذه الهواجس لو فتح السفر ؟؟

" و على فكرة أنت تصلح دكتور يمديك .. "

شوف لي أحد يبيع شهادات
ماعندي وقت أدرس

يا رجال ما يحتاج شهادة ..
حط شقة و أثاث عيادة "أهم شئ لا تنسى الهيكل العظمي"
بالطو أبيض .. + سماعة طبيب
و حق على الجدار شهادة الفحص الدوري حق سيارتك ..

و كم كرتون دواء ..
و علبة حقن
و أسعاف خربان وقفه قدام العيادة ...

مرة حسيت بـ الآم في الرقبة وتنميل في اليد
صديق لي قال بسيطة امش معي ونحل المشكلة الآن
دخلنا شقة فيها يمني وقال الكشف 50 ريال
كنت الوحيد هناك
ويدخلوني على اندونيسي زي مصارعين السومو
ويغطس يده في الزيت ويقعد يفرك منطقة الرقبة والاكتاف
وبعد 10 دقايق قعد يتكلم معهم اندونيسي
قال المترجم يقول عندك مشكلة في المخيخ
قلت له ما اعرف المخيخ أول مرة اسمع فيه
قال تحتاج 10 جلسات كل جلسة 100 ريال


قلت لخويي مشينا هذي كنت اسويها باندونيسيا

بـ 10 ريال عند الحلاقين اسمها ريفلكسولجي

ما لها أي علاقة بالمخيخ وغيره هذا كذاب


بعد أشعة MRI قال الدكتور الفقرة 5 ضاغطة على العصب
خذ هذي الحبوب و ريح نفسك لاتقوم بأي مجهود
وحط الربطة هذي بس
بعد 10 أيام كل شي تمام الحمد لله


وأقرأ في الجريدة بعدها بفترة
القبض على فني تكييف يمارس مهنة الطب
وطلع صاحبنا اللي فوق


هههههههههههه