وعليكم السلام ورحمة الله

هلا بك ياصديقي ابو معتز

صباحك تفائل

كيف القهوة معاك ؟

البارحه كنت عند واحد من الشباب مدمن قهوة وقال بسوي

لك يبو عبود قهوة تقول الزود عندي ماتخليك تنام الليل بطوله!!

قلت عساك على القوة ،،، هات ماعندك يالأمير

عز الله راح الرجال وجاب اربع انواع من القهوة والله ماعرفت

منها الا وحده اثيوبيه ووحده كولمبيه على ما اعتقد ،، وجاب ميزان

وجاب براد قزاز فيه معيار وارقام وحط فوقه قمع وفلتر ورق

وجاب طحانه قهوة يدويه اول مره اشوفها فيها هاندل من فوق يفتر ويطحن

القهوة وقال اططططحن ؟؟

اخذتها منه وطحنت وطحنت وطحنت ويالله خلصت !!!

واخذ البن المطحون وحطه في القمع وجاب مويه حاره ومعها

معيار لقياس حرارة المويه ؟؟؟؟ وضبط الحرارة على 92 درجه

وصب المويه فوق البن المطحون وصار ينقط بداخل البراد الزجاجي

ويوم تعبأ البراد جاب الاكواب وصب لي من القهوة وشربتها

قال لي هاه يبو عبدالله وشرايك ؟

قلت تبي الصراحه يبو فلان ؟

قال اي والله

قلت طعمها مثل طعم النسكافه اللي اشتريه للبيت ب 7 ريال

ويحطونه مع الحليب !!!


انصدم الرجال وتم طردي من البيت ووضعي في القائمة السوداء

وقائمة المطلوبين وحطني في قائمة سما وبلغ علي الانتربول الدولي

طيب انا وش ذنبي يبو معتز ؟

انا انسان غير محب ولا متذوق للبلاك كوفي وكل انواع القهوة عندي مثل بعضها

بالله هل انا ملام ؟