اشكركم على تفاعلكم

انا اشوف ان التربية عمل مشترك بين الوالدين

لكن الام غير الام هذي هي وظيفتها الاساسية والاهم
صحيح لا غنى عن الاب لكن يضل الاب عنده وظايف اخرى مهمة

غير كذا الطبيعي ان الام تكون اغلب الوقت بالبيت
والاب خارج البيت


والله اني اعرف آباء مايعرفون طريق مدارس عيالهم


والتعليم عن بعد اكبر دليل الام هي المرافق لطفلها من بداية اليوم الدراسي للمرحلة الابتدائية


نظامنا بالبيت انا صندوق الاسرار والمرجع الاول لولدي وبنتي

بعد كذا افلتر الموضوع لو حسيت ان لازم الاب يتدخل اكيد بنرج له


وبخصوص موضوع الصلاة ولدي بدخل16 سنة مايصلي بالمسجد الا الفجر و المغرب والعشاء

الظهر والعصر يصليهم بالبيت

وللاسف بعض المرات اكون مشغلة اجي اسأل صليت يقول ايوه
وانا متأكدة انه ماصلى

اقله كلمه وحدة واطلع بعدها يصلي بس يحاول اني مااشفه عشان مايبان انه كذاب

بموضوع الصلاة مااهدد ولا اعاقب اخاف انه يصلي عشاني

احس بالعمر هذا طبيعي انه يتمرد ويسوي اشياء غير محسوبة

اهم شي انه تربى صح ويحس ان وراه احد وعنده ضمير حي

الله يصلح الحال

انا اللي موترني الكذب الغير مبرر الكذب اللي ماله داعي يقولون لي لاني اسأل كثير اكلت شربت فرشت اسنانك قريت اذكارك وما الى ذلك

انا طبعي كذا ممكن اكون خطأ وانا السبب