بسم الله الرحمن الرحيم

صباح ومساء الخير اينما كنتم ..

منتدى العرب المسافرون - بوابة الدول الاخرى

خلال هالسنه ولله الحمد والمنه اكرمني ربي بزيارة دول ما كانت في المخطط منهم حلم ومنهم مأجلتها لكن تساهيل من رب العالمين الحلم صار حقيقة و المؤجله تيسرت ..

المؤجلة كانت تونس الخضرا والحمدلله تيسرت - وهذا الرابط

https://www.arabtrvl.com/vb/t39247.html

الحلم و اصبح حقيقه هي المكسيك والحمدلله - و هذا الرابط

https://www.arabtrvl.com/vb/t41667.html

وايضا من اللي ما كانت في الحسبان روسيــــــا



وتقريري هذا الروسي و ان شاءالله يعجبكم و يفيدكم ..
دولة عظمى اشتراكية السياحه كانت غير موجودة في السابق - دوله تخوض حروب و ثورات - دولة تضم اسلحة دمار شامل .
كل من يسمع روسيا يحوشه شعور الخوف ليش ؟ بسبب اشتراكيتها وكلنا عارفين عن النظام الاشتراكي ..

المهم قبل عطلة عيد الاضحى بتقريبا شهر و اسبوع تم اقتراح اسم روسيا على مسامع المسافرين معاي وهم امي الله يحفظها و اختي الغالية ..
طبعا رد امي على طول من غير تفكير : لاااا

رد اختي : اوكي كيفكم

و محدثتكم تبي تروح كل مكان و ماعندها مشكله في اي دوله

يمه ليش ما تبين روسيا ؟

امي : دوله اشتراكية - شيوعية - مافيـــا

انا : لا حول و لاقوة الا بالله يمه يا حبيبتي ذاك زمن وانتهى مافي الحين من اللي تقولينة الديره انفتحت وبدت تستقبل السواح و ترحب فيهم مو من مصلحتها تضر السواح و الدليل شوفي القروبات عندنا زايدين في زيارتها ..

امي : شوفي ديره ثانية - هذي يبقونا و مافيا يبيعونا ..

انا : هههههههههه يمه مافي غير هالديرة جدامي و الجو حلو و درستها عدل وماراح اوديج مكان المافيا وتكلفتها ممتازه و الفيزا سهله ..

امي : انتي كله جذي توديني اماكن ما اعرفها و مو امان بس عشان تروحين شوفي لج ديره ثانية ..

انا : ما في يمه كل اوروبا زحمة و ضو ونار وفيزا وشرق اسيا رطوبة و الامريكيتين ابعاد و افريقيا تخافون ماعندكم الا روسيا ..

امي : استغفر الله كيفيج ..

انا : هيــااااا صارت - عطوني جوازاتكم ..

سامحوني على الاطالة بس حبيت اقول الحديث و المناوشات ...
نتــوكل على اللـــه و نبتدي
في المعلومات و الخطوات من بعد الموافقة ..

اول شي الفيزا



وهذا تقريري عنها

https://www.arabtrvl.com/vb/t42326.html

لما قدمت على الفيزا على طول بديت ادور على الحجوزات..



والحمدلله لقيت حجز حلو على طيران الاتحاد

من تاريخ 2019/8/5 الى 2019/8/13
بسعر 135 دينار كويتي للشخص ..
وتم الحجز ..

بعد الطيران نروح على الفنادق وبما ان زيارتنا راح تشمل منطقتين وهم موسكو و سانت بطرسبيرغ اخترنا هالفندقين ..



فندق موسكو توصية من واحد صادفته بالسفاره و ماشاءالله دارس كان في روسيا ونصحني في ..
ماريوت ارورا ..

الموقع الالكتروني

https://www.marriott.com/hotels/trav...5-54ba596febe2

من تاريخ 8/6 الى 8/9 .. 4 ايام ب 3 ليالي ..
التكلفة 62,400 روبل = 300 دينار (ل 3 اشخاص نوع الغرفة ديلوكس )

وسانت بطرسبيرغ
فندق كمبنسكي مويكا ..
الموقع الالكتروني

https://www.kempinski.com/en/st-pete...rce=S308962248

ومن تاريخ 8/9 الى 8/12 .. 4 أيام ب 3 ليالي ..
التلكلفة 72,000 روبل = 340 دينار كويتي ( ل 3 اشخاص - غرفة سوبريور).

واخر ليلة في موسكو من تاريخ 8/12 الى 8/13
بوتيك يعتبر akvarel
https://www.booking.com/hotel/ru/akv...s=1&#hotelTmpl

التكلفة 15,000 روبل = 69 دينار كويتي ( ل 3 اشخاص ليلة وحده )

واشوف الجو ولا ما شاءالله من احلى ما يكون



https://www.timeanddate.com/weather/russia

وبعدين صرفنا البيزات



عملتهم روبل هذا شكلها



ال 1000 روبل تقريبا = 5 دنانير كويتي ..

الامــــان



من بعد التوكل على الله و الابتعاد عن الاماكن المشبوه واللي ما تهم السياح ان شاءالله بنكون في امان ..
الدوله ولله الحمد ما شفنا من هم اي مضره او استغلال الشعب كان طيب و يحاول بساعد باللي يقدر عليه ..[/SIZE][/COLOR][/FONT]