اصبحنا و اصبح الملك لله

اليوم السابع والاخير في بيتر

تاريخ 2019/8/12

قعدنا مبجر و جهزنا امورنا وسوينا الشيك اوت وتوكلنا على الى
مـــوسكـــــو ..
انتهت ايامنا الحلوه بسرعه في بيتر من غير ما نحس فيها ..

طلبت ياندكس من الفندق الى محطة بيتر بسعر 290 روبل..



اعتقد قطارنا كان يمشي الساعه 8 ص ..

واخر لقطة من بيتر



الجو



محطة بيتر



فيها تفتيش قبل ما توصلون للرصيف ..
واحد من مفتشين الشرطة سألني اسأله غريبه عن تلفوني .. من وين شاريته و بجم ؟ بصراحه استغربت من سؤالة !! مع ان تلفوني قديم مو يديد رديت اني مااذكره وموفاهمتك شنو تبي بالاساس .. لما شافني جذي بردي طوفني عادي ..
بس لما الحين مستغربة من سؤالة ؟



قبل ما نركب القطار يشيكون على التذكرة والجواز ..





وصادف طبعا معنا منو جوج وماجوج ... وقاعد يمي واحد ماشاءالله ماادري جم عمره .. نلكم بعض بالصور والارقام

بسم الله توكلنا على الله



طبعا اكلهم معاهم ما يشترون شي من برا كل المطبخ موجود معاهم ..



الحمدلله تم الوصول الى موسكو بعد تقريبا اعتقد ساعتين ونص او 3 ..

محطة موسكو



وحده من الشاهقات السبع



طلبت ياندكس وصلنا من المحطة الى فندقنا اليديد بسعر 319 روبل..
السعر يختلف على حسب حجم السيارة ..
عقب ما وصلنا الفندق قالنا بعد غرفتكم مو جاهزه يبيلها تقريبا ساعتين ..
خلينا اغراضنا عندهم ورحنا مطعم بولشوي اللي تريقنا فيه صوب فندقنا القديم ..

وطلبنا ..





خلصنا الغدا الحمدلله على النعمه ..
قلت بما ان في وقت بسوي جم شغله .. سألت امي تروحين معاي قالت لا روحي انتي انا بقعد في كافية الفورسيزن واختي بالسوق ..
قلت اوك وخليتها بالكافيه ورحت وجهتي ..

مايصير اوصل موسكو من غير ما

مااااا ادخل الكرمليــــــــن

طبعا التذكرة نفسها اللي حجزت فيها الباص السياحي و القارب النهري ..
دخلت فيها الكرملين ..

في طريجي الى الكرملين ..















الموقع الالكتروني للكرملين

https://tickets.kreml.ru/ru/#id=1



زحمممممه موطبيعية عند التذاكر واللي مثل حالتي لهم شباك خاص بس بعد زحمه عشان يشوفون فاتورتكم ويعطونكم التذكرة للدخول ..

الحجز اونلاين افضل من طريقتي ..