مثل ماقالوا ...
الموضوع سهل وخذ تكسي من برا المطار ارخص من حق المكاتب ...

المواصلات العامة في غير وقت الذروة ممتازة ورخيص يعني المشوار يكلفك 4 ليرات او خمس ويمكن ببلاش ( سواق الباص ركبنا ببلاش مره ) كنت احاسب كاش وماشريت البطاقة ..

واسكن بمكان واحد وخلاص لان التنقل يضيع وقتك وبس
ولازم يكون معك كاش لان كثير من المحلات يفضلون الكاش او مايكون عنده مكينة شبكة فتبلش بعمرك والا ياخذك لمحل ثاني وذاك عاد موب مفوتك يبي ياخذ منك لو 5 او 10 ليرات حق استخدام المكينة غير مضيعة الوقت ..
ولاتنسى المطاعم تراها نص او ثلاث ارباع السياحة في اسطنبول كل ماشفت مطعم وقف عنده والربع الباقي تمشية على الرجلين عشان تهضم للمطعم اللي بعده