السلام عليكم ورحمة الله وبركاته

انا استاجرت سيارة من شركة Avis مرسيدس سي كلاس الاستلام من جنيف والتسليم ميونخ لمدة 21 يوم سعر اليوم طلع لي بحدود 300 ريال هل تشوفونه غاليه علما اني حصلت سيارة فولفو بسعر 226 ريال في اليوم بس كنت متردد بالفولفو بحكم انه تنقلاتي واجد وراح اضرب مشاوير
وش رايكم اكنسل الحجز واستاجر فولفو لانه راح يفرق لي بحدود 2000 ريال

وابغى اعرف نوع البنزين عادي وله ديزل بالعلم انه مو مذكور مع مواصفات السيارة؟..

وسوال اخر كم المبلغ اله ياخدونه كوديعة تقريبا وكم مبلغ التامين الشامل..

انتظر ردكم

وشكرا لكم..

و عليكم السلام و رحمة الله و بركاته ..

حياك الله أخوي hussain .. و الله في السفر الشخص و ما يحتاج و قبل كل شئ ميزانيته و إذا عاجبك المرسيدس و ميزانيتك تسمح خذ السيارة اللى ترغب و على مزاجك .. و لكن إذا تقول و الله الـ 2000 ريال الفرق بتفيدني في الترفية او بتكون جزء من مصاريف السكن او المعيشة اليومية .. فوفرها لذلك ..
أنا شخصياً المهم عندي سيارة تؤدي الغرض من أستئجاري لها لا يهمني الماركة ..

بالنسبة للسيارات في سويسرا أغليها بنزين قليل تلاقي ديزل في سويسرا وأما نوع البنزين فشركة التأجير تفيدك عند أستلام السيارة و لكنه في أغلب شركات التأجير يستعملون البنزين العادي Regular gasoline

مبلغ الوديعة يتراوح ما بين 300 - 500 يورو حسب نظام الشركة و نوع السيارة و ينطبق ذلك على التأمين الشامل أيضاً حسب سياسة الشركة فلا يوجد مبلغ ثابت محدد للجميع ..

بالتوفيق ..